25 ნოემბრის სკვერში სამი საათისთვის უკვე ტევა არ იყო.
„არასოდეს დაუშვათ ქალთა მიმართ ძალადობა!" - ეს ერთ-ერთია იმ სლოგანთაგან, რომლითაცმდუმარე აქციის წარმომადგენელებმასაზოგადოებისა და მედიის წარმომადგენელთა ყურადღება მიიპყრეს.
აქციაში მონაწილეობა მიიღეს ფონდი „სოხუმის" თანამშრომლებმა, ამომრჩეველ ქალთა კლუბის წევრებმა, ახალგაზრდა ლიდერთა სკოლის მონაწილეებმა, ჟურნალისტებმა, პედაგოგებმა.
აქციის შესახებ ტელეარხებითა და რადიოთი გასულმა სიუჟეტებმა კიდევ ერთხელ შეახსენა საზოგადოებას, რომ „ძალადობაბოროტებაა!"
აქციის მონაწილეთა დიდი უმეტესობა ახალგაზრდა იყო. ამან განსაკუთრებულობა შესძინა 16-დღიანი კამპანიის პირველი დღის ღონისძიებას, რადგანაც, პირველ რიგში, ახალგაზრდობამ უნდა გააცნობიეროს, რომ ქალთა მიმართ ძალადობა ბოროტება და უზნეობაა.
აქციაზე, რომელიც ქალთა მხარდაჭერის ცენტრმა ჩაატარა, მონაწილეობა მიიღეს ადგილობრივი თვითმმართველობის წარმომადგენლებმა, ქალაქის ინტელიგენციამ, დევნილებმა.
ყოველი მათგანი მიიჩნევს, რომ ქალთა მიმართ ძალადობას წინ უნდა აღუდგეს არა მარტო აქციის დღეს, არამედ ყოველდღიურ ცხოვრებაშიც.
ზუსტად სამ საათზე ჩაერთო ხობი 16-დღიან კამპანიაში, რომლის წლევანდელი სლოგანია „სახლში მშვიდობიდან - მსოფლიოში მშვიდობამდე!"
აქციის მონაწილენი მოსწავლე ახალგაზრდობის სახლის წინ შეიკრიბნენ ხობის ამომრჩეველ ქალთა კლუბის თაოსნობით.
აქციამ კიდევ ერთხელ გაუსვა ხაზი ქალთა უფლებების დაცვის გლობალური მოძრაობის მნიშვნელობას, საზოგადოების ცნობიერების ამაღლებას ძალადობრივი მენტალიტეტის გარდაქმნისათვის.
აქციას ესწრებოდა ხობის მუნიციპალიტეტის საინფორმაციო სამსახურის წარმომადგენელი სალომე ქაჯაია.
რეგიონული თუ რესპუბლიკური მასმედიის წარმომადგენლებისათვის გასაგები იყო ფონდში შეკრების მიზეზი, რადგან ჟურნალისტებმა მრავალწლიანი თანამშრომლობის შემდეგ კარგად იციან, რას ნიშნავს 25 ნოემბერი და 16 აქტიური დღე ქალთა მიმართ ძალადობის წინააღმდეგ.
შეკრებილთ გადაეცა კამპანიის ატრიბუტები და კალენდარული გეგმა. ყოველმა მათგანმა გამოთქვა სურვილი, რომ მონაწილეობას მიიღებს და გააშუქებს მედიაში სხვადასხვა ღონისძიებას.
ხონის ქალთა მხარდაჭერის ცენტრისა და ამომრჩეველ ქალთა კლუბის ერთობლივი მონდომებით ხონის ცენტრში 40-ზე მეტი ადამიანი შეიკრიბა.
ხალხმრავალი აქციით გამოეხმაურნენ საერთაშორისო კამპანიას ხონში მცხოვრებნი, მათ შორის დევნილები. მათ აერთიანებთ მისწრაფება - ბოლო მოეღოს ასე გავრცელებულ ძალადობასქალთა მიმართ.
აქცია ფონდი „სოხუმის" ამომრჩეველ ქალთა კლუბის ორგანიზატორობით ჩატარდა,მაგრამ მან გააერთიანა ზუგდიდში მოქმედი ქალთა ორგანიზაციები: ასოციაცია „მერკური", „იმედი", სამეგრელოს გენდერული ქსელი, „სამეგრელო-მედეა".
მასში მონაწილეობა მიიღეს ზუგდიდის სასულიერო გიმნაზიის თანამშრომლებმა, ჟურნალისტებმა რადიო „ათინათიდან" და TV - მაესტროდან.
აქციას მხარი დაუჭირეს ევროკავშირის მონიტორინგის მისიამ, ადამიანის უფლებათა დაცვის საერთაშორისო ორგანიზაციამ Human Rights Watch.
განსაკუთრებით მნიშვნელოვანი იყო შიდსით დაავადებულთა ფონდის მხარდაჭერა, რადგან 16-დღიანი კამპანიის ერთი დღე - 1 დეკემბერი შიდსთან ბრძოლის საერთაშორისო დღეა.
16-დღიან კამპანიაში აქტიურად ჩაერთნენ ლიდერთა სკოლის მონაწილენი.
ერთ-ერთმა მათგანმა ილონა ყურაშვილმა საინფორმაციო შეხვედრა ჩაატარა წყალტუბოში, სანატორიუმგეოლოგში" ჩასახლებულ დევნილ ქალებთან.
ზოგიერთმა მათგანმა არაფერი იცოდა კამპანიის შესახებ და ამიტომაც მათი ინტერესი განსაკუთრებული იყო.
-მე არაერთ ამგვარ ღონისძიებაში მიმიღია მონაწილეობა და დიდი სურვილი მაქვს, კიდევ ბევრი რამგავიგო . მიმაჩნია, რომ ყველანი უნდა გავერთიანდეთ ქალთა უფლებების დასაცავად და ძალადობის აღმოსაფხვრელად, -აღნიშნა შეხვედრის ერთ-ერთმა მონაწილემ, სტუდენტმა ეთერ ხაჭაპურიძემ.
შეხვედრაზე კლუბის სამომავლო საქმიანობა განისაზღვრა - თუ რა მიმართულებით უნდა იმუშაონ ქალებმა პრობლემების ადვოკატირებისა და საპარლამენტო არჩევნებში ქალთა მხარდაჭერისათვის. ქალების უმრავლესობამ საკრებულოს სხდომებზე დასწრების სურვილიც გამოთქვა.
შეხვედრის მონაწილეებს მიეწოდათ ინფორმაცია ქალთა მიმართ ძალადობის წინააღმდეგ 16-დღიანი საერთაშორისო კაპანიის შესახებ.
-აქციაში ვმონაწილეობდით ადგილობრივი და დევნილიქალები, დიდი იყო დაინტერესება საზოგადოების მხრიდან, - ნანა კეკელიძე.
შეხვედრაზე დასახელდა კანდიდატურა საპარლამენტო არჩევნებისათვის - ოზურგეთის ამომრჩეველ ქალთა კლუბის წევრი- ჟურნალისტი ნინო ნიკოლაიშვილი. კლუბის წევრები მიიჩნევენ, რომ ნინო ნიკოლაიშვილი პარლამენტში თანაქალაქელების ინტერესების დაცვას შეძლებს.
შეხვედრას გაზეთ „ალიონის" რედაქტორი ნუგზარ ასათიანი დაესწრო. მან აღნიშნა, რომ ამომრჩეველ ქალთა კლუბის მუშაობას ოზურგეთში კარგად იცნობენ, „ალიონში"სისტემატურად იბეჭდა ინფორმაციები ამომრჩეველ ქალთა კლუბის საქმიანობის შესახებ.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
წყალტუბოში, ფონდი „სოხუმის" წარმომადგენლების მიერ აქცია
ყოველწლიურად ტარდება.
ამჯერადქალაქის
ცენტრალურ პარკშიდაიწყო სამ საათზედა ერთი საათი გაგრძელდა.
აქციის მონაწილე იყო 30 მეტი ადამიანი - ამომრჩეველ ქალთა
კლუბის წევრები, ლიდერთა სკოლის გოგონები და ის ქალბატონები, რომლებიცესწრებიან ქალთა მხარდაჭერის ცენტრში ჩატარებულ
ღონისძიებებს.
აქციაზე მობრძანდნენ ადგილობრივი ხელისუფლებისა და პოლიციის
წარმომადგენლები.
აქციის დროს დარიგებულმა საინფორმაციო მასალებმა (პოსტერი,
ბუკლეტი, კალენდარი) და მოწოდებებმა - დააინტერესა არა მარტო ქალები, არამედ
ახალგაზრდა მამაკაცებიც.
16-დღიანი კამპანიის პირველი დღე ხურჩის ქალთა მხარდაჭერის
ცენტრშიც აქციით აღინიშნა. გალის რაიონის სოფელ ნაბაკევიდან ქალებმა ვერ შეძლეს
გადმოსვლა, ამიტომ სოფლის ცენტრში მხოლოდ ხურჩელი ქალები შეიკრიბნენ.
თუმცა აქ ყველაზე მცირერიცხოვანი აქცია მოეწყო, მან მაინც
მიაღწია მიზანს - განაგრძო ის მენტალური ცვლილებები, რომელთაც ფონდი „სოხუმის"
ღონისძიებები უწყობს ხელს.
„ქალს უფლება აქვს, იცხოვროს ძალადობის გარეშე!" - ეს
მოწოდება განსაკუთრებულ ძალას იძენს საზოგადოებაში, სადაც ქალი ხშირად ხდება
ძალადობის მსხვერპლი.
ქალთა მიმართ ძალადობის წინააღმდეგ 16-დღიანი კამპანიის ფარგლებში ბათუმის დრამატული თეატრის წინ ჩატარებულ აქციაში მონაწილეობდნენ ბათუმის ამომრჩეველ ქალთა კლუბის წევრები. აქციას ახალგაზრდებიც შეუერთდნენ. აქციაში მონაწილეებს დაურიგდათ ფონდ „სოხუმის" მიერ მომზადებული საინფორმაციო ფურცლები, ბუკლეტები.
მონაწილეთა განსაკუთრებული ყურადღებამიიპყრო აქციის მთავარმა ლოზუნგმა - „სახლში მშვიდობიდან - მსოფლიოში მშვიდობამდე" და აქციის მთავარმა ატრიბუტმა - ცისფერმა შარფმა, რომელიც საჩუქრად გადაეცათ ადგილობრივი თვითმმართველობის წარმომადგენელ ქალბატონებს.
