პროექტის „სინერგია - დევნილთა გაძლიერება მონაწილეობისა და თანამშრომლობის გზით“ ფარგლებში საინფორმაციო შეხვედრები ჩაატარა ფონდი „სოხუმის“ აქტივისტმა, ახალგაზრდა ლიდერთა სკოლის კურსდამთავრებულმა ასმათ დვალიშვილმა.
ის 2014 წელს ადგილობრივი თვითმმართველობის არჩევნებში კანდიდატად იყო წარდგენილი და კენჭს იყრიდა ქუთაისში. არჩევნებში დამარცხების მიუხედავად, მიიღო სერიოზული გამოცდილება და მუშაობას ამ მიმართულებით მომავალ არჩევნებშიც გააგრძელებს.
ასმათ დვალიშვილმა გენდერულ თემებზე საინფორმაციო შეხვედრები გამართა ქუთაისის მე-17, მე-40 და აფხაზეთის ავტონომიური რესპუბლიკის ჟიული შარტავას სახელობის №6 საშუალო სკოლების მშობლებთან, პედაგოგებთან და მოსწავლეებთან.
სენაკის სამხედრო ბაზაში ოფიცრების მეუღლეებთან გამართული საინტერესო შეხვედრა კი დედის დღეს მიეძღვნა.
ქუთაისელი ჟურნალისტები ინტერესით გაეცნენ გენდერული საკონსულტაციო საბჭოს მუშაობას ქალაქის საბავშვო ბაღებში.
მედიის წარმომადგენლებთან ტრადიციულ შეხვედრაზე მოწვეულები იყვნენ საბჭოს წევრები, ბაღის გამგეები (მათ შორის - ერთადერთი მამაკაცი), აღმზრდელები, მეთოდისტები...
და განსაკუთრებული სტუმარი - ქალაქში (და არა მარტო) ბაბუების ერთადერთი კლუბის დამფუძნებელი, რომელმაც თავისი ინიციატივით გადაწყვიტა, დახმარებოდა ბაღს, სადაც მისი შვილიშვილი დადის...
ეს უჩვეულო შეხვედრა ჟურნალისტებისთვის იქცა გენდერული საბჭოს მუშაობით მეტი დაინტერესების სტიმულად და „უკარნახა“ პუბლიკაციებისა და სიუჟეტების თემატიკა...
დღეს სენაკის მუნიციპალიტეტის გამგეობისა და ფონდი „სოხუმის“ ინიციატივით გაფორმდა შეთანხმება ერთობლივი ტრენინგების ჩატარების თაობაზე გენდერისა და გენდერული ძალადობის თემაზე სენაკის მუნიციპალიტეტის ადგილობრივი თვითმმართველობის წარმომადგენლებისა და ახალგაზრდული ჯგუფისათვის. ამ ინიციატივის განხორციელება შესაძლებელი გახდა გენდერული საკონსულტაციო საბჭოს მუშაობის შედეგად. საბჭოს წევრთა აზრით, ეს ინიციატივა პოზიტიურ გავლენას მოახდენს როგორც ადგილობრივ თვითმმართველობაზე, ასევე ახალგაზრდობაზე, რომელიც ქალაქის მომავალს წარმოადგენს.
24 თებერვალს ბათუმის საკონსულტაციო საბჭოს წევრებმა მორიგ შეხვედრაზე ადგილობრივი გენდერული პოლიტიკის სამოქმედი გეგმის დოკუმენტზე მუშაობა გააგრძელეს და საბოლოო ვარიანტის დამტკიცების ვადებზე შეთანხმდნენ. განისაზღვრა ჯგუფები და საკითხები ადგილობრივ გენდერულ საჭიროებათა კვლევისთვის. შეიქმნა ადვოკატირების ჯგუფი კონკრეტული პრობლემის მოგვარებისათვის და დაისახა მოქმედების სტრატეგია.
საბჭოს წევრებმა პოზიტიური შეფასება მისცეს გენდერული განათლების ხელშემწყობი შეხვედრების ციკლის „თაობათა დიალოგის“ დაწყებას, რომელიც საბჭოს ეგიდით ხორციელდება და მისი გაფართოების აუცილებლობაზე ისაუბრეს.
პროექტიხორციელდებააშშ სახელმწიფო დეპარტამენტის მხარდაჭერით
ბათუმში, დემოკრატიული ჩართულობის ცენტრში ადგილობრივი ჟურნალისტები და არასამთავრობო ორგანიზაცია „მუნიციპალიტეტის განვითარებისა და მონიტორინგის ცენტრის“ წარმომადგენლები შეიკრიბნენ.
შეხვედრის მონაწილეები გაეცნენ ბათუმის გენდერული საკონსულტაციო საბჭოს მუშაობის შედეგებს - მიიღეს ინფორმაცია ჩატარებული კვლევების, ბათუმის გენდერული პოლიტიკის და იმ რეკომენდაციების შესახებ, რომლებიც საბჭომ შეიმუშავა გენდერული ბალანსის ხელშეწყობის მიზნით.
ჟურნალისტებმა აღნიშნეს, რომ თემები, რომლებზეც საბჭო მუშაობს, აქტუალურია და მათი საქმიანობის ასახვაც სისტემატურად მიმდინარეობს ადგილობრივ მედიაში.
პროექტიხორციელდებააშშ სახელმწიფო დეპარტამენტის მხარდაჭერით
ოზურგეთის გენდერული საკონსულტაციო საბჭოს იურისტი საინფორმაციო შეხვედრის ფარგლებში შეხვდა წუწუნავას ქუჩის მცხოვრებთ. შეხვედრაზე გამოიკვეთა რამდენიმე პრობლემა, რომელთა გადაჭრა განსაკუთრებულ ფინანსებთან არ არის დაკავშირებული: მოუწესრიგებელია სანიაღვრე არხი, რის გამოც წვიმის დროს იტბორება მთელი ქუჩა; ნახევარ ქუჩაზე არ არის გარეგანათება და საღამოს გარეთ გასვლა თითქმის ვერ ხერხდება; ქუჩაზე ადრე იყო ე.წ. „უსინათლოთა საზოგადოების“ შენობა, რომელიც დაიშალა. მის ნანგრევებში ზაფხულობით იბუდებს ქვეწარმავლები და ბავშვებისთვის ეზოში თამაში საშიშია; მილხიდი, რომელიც იმდენად მაღალია, რომ დაბალი სიმაღლის მსუბუქი ავტომობილებისთვის მასზე გადასვლა პრობლემას წარმოადგენს.
იურისტმა მოამზადა განცხადება, რომელსაც შეიტანენ ქალაქის მერიაში და შემდეგ მოხდება პრობლემის ადვოკატირება.
