 |
ლიდერთა სკოლის პირველკურსელების მიერ ფონდ "სოხუმში” ჩატარებულ მრგვალ მაგიდაზე თემა "არაძალადობრივი კულტურის ჩამოყალიბება ახალგაზრდებში" განიხილეს. შეხვედრას ესწრებოდნენ სტუდენტები, სკოლებისა და საბავშვო ბაღების პედაგოგები და ფსიქოლოგები. კულტურულ აღზრდაზე, სოციალურ ფონზე, არაჯანსაღი ცხოვრების წესზე, არასამთავრობოების დაბალ აქტივობასა და კონფლიქტებზე გამართულმა დისკუსიამ აჩვენა, რომ თემა მართლაც აქტუალურია. მონაწილეების აზრით, მსგავსი შეხვედრები ინფორმაციულ ვაკუუმს ავსებს და არაძალადობრივ კულტურას აყალიბებს.
გენდერული განათლების ხელშეწყობა, კვალიფიციური ფსიქოლოგის ინსტიტუტის არსებობა, ახალგაზრდული არასამთავრობო ორგანიზაციების გააქტიურება, ფსიქოლოგის საჯარო სემინარები მშობლებისათვის, საზოგადოების ინფორმირებულობის ზრდა, სამართლებრივი ბაზის შექმნა, ინფორმაციის გაცხრილვა, - აი, რეკომენდაციები, რომლებიც მრგვალი მაგიდის ირგვლივ გამართულ დისკუსიაზე მიიღეს. |
