ორშაბათი, 16.09.2019, 21:28
მოგესალმები სტუმარი

...

მთავარი » 2014 » ივნისი » 30

ლიდერ გოგონათა სკოლის 24 პირველკურსელს პირველ ტრენინგზე მიეცა საშინაო დავალება -  დევნილი გოგონების მდგომარეობის და სიტუაციის შესწავლის  მიზნით სოციოლოგიური კვლევის ჩატარება იმ ქალაქებში, სადაც ცხოვრობენ (კერძოდ, ანკეტირება 10 იგპ გოგოსთან და ჩაღრმავებული ინტერვიუ სამ ქალთან, რომელსაც თავად მიიჩნევენ ლიდერად).

30 ივნისის მონაცემებით, ლიდერთა სკოლის წევრებმა ჯერჯერობით ანკეტირება ჩაუტარეს 180 აფხაზეთიდან დევნილ გოგონას, ხოლო  ჩაღრმავებული ინტერვიუ - 54 ლიდერ ქალს.

დევნილი გოგონების უმეტესობას ქალთა ლიდერობის შესახებ ნაწილობრივი ინფორმაცია აქვს. მათ საკუთარი შესაძლებლობების განვითარებისთვის დახმარება სჭირდებათ.

დევნილი გოგონების აბსოლუტური უმრავლესობის სურვილია, კონფლიქტები დარეგულირდეს მშვიდობიანი გზით. მათი დიდი ნაწილი თავს ლიდერად არ აღიქვამს. ისინი ფიქრობენ, რომ საზოგადოებრივ აქტივობებში სხვებმა უნდა მიიღონ მონაწილეობა და სხვამ უნდა მოაგვაროს პრობლემები, რადგან მათ ამის უნარი არ გააჩნიათ.

გოგონების დაბალი თვითშეფასება იმ დამკვიდრებული სტერეოტიპების გავლენაა, რომლის მიხედვითაც ლიდერობა მათი საქმე არ არის, პრობლემები მამაკაცებმა უნდა მოაგვარონ და ყველა სფეროში ისინი უნდა იყვნენ ლიდერები. გოგონები არც კი ფიქრობენ საკუთარი ლიდერული თვისებების გამოვლენას, თუმცა ბევრ მათგანში შეინიშნება ეს თვისებები, ბევრი მათგანი ხალისით დათანხმდა გამოკითხვას და მზად არის მომავალში ჩაერთოს მსგავს აქტივობებში.

ლიდერ ქალებთან ჩაღრმავებულმა ინტერვიუმ ცხადყო, რომ მათ შესაძლებლობების რეალიზებისას უწევთ ქართულ საზოგადოებაში დამკვიდრებული სტერეოტიპების გადალახვა - ის, რომ ქალი დიასახლისია, ლიდერობა კი მამაკაცის საქმეა.

გამოკითხულთა მოსაზრებით, არსებული ბარიერების გადალახვა შესაძლებელია საზოგადოების ცნობიერების ფორმირებით, სწორი შეხედულებების დამკვიდრებით ქალთა შესაძლებლობების შესახებ.

რესპონდენტები მიიჩნევენ - ქალი რა საქმესაც არ უნდა შეეჭიდოს, ყველაფერი გამოუვა, ზოგჯერ მამაკაცზე უკეთესადაც. მთავარია, მოინდომოს.

მათი აზრით, ლიდერი ქალის სტატუსს რთულად აღიქვამს საზოგადოება იმ დამკვიდრებული მოსაზრების გამო, რომ ქალი ნაკლებად ჭკვიანია, ზოგჯერ კი უფრთხიან მამაკაცები ლიდერ ქალებს, რადგან ფიქრობენ, რომ მათ გვერდით დაიჩრდილებიან.

ლიდერი ქალბატონები მიიჩნევენ, რომ ქალმა ფსიქოლოგიური შეზღუდვის გარეშე თვითონ უნდა აღიაროს, რომ ის მამაკაცის თანასწორია. სხვა შემთხვევაში თანასწორობა მოჩვენებითია და რეალურად ვერასდროს მიიღწევა თანასწორობა. არსებული უთანასწორობა კი ძალიან ცუდად უბრუნდება საზოგადოებას.

 

პროექტი ხორციელდება ორგანიზაციაქალები ქალებისათვის

(Kvinna till Kvinna) მხარდაჭერით (შვედეთი)

 

კატეგორია: კვლევები | ნანახია: 495 | დაამატა: admin | თარიღი: 01.07.2014

 

I რადიოგადაცემა

წინასაარჩევნო გარემოს შეფასება ქალთა მონაწილეობის კუთხით

როგორ შეფასებას აძლევენ წინასაარჩევნო გარემოს თვითმმართველობის არჩევნებში ქალთა მონაწილეობის კუთხით  ბათუმის გენდერული საკონსულტაციო საბჭოს წევრები, როგორ აფასებენ საკუთარ შანსებს ქალი დეპუტატობის კანდიდატები და რას სთავაზობენ  ამომრჩეველს, რამდენად აქვთ ქალთა საზოგადოების სოლიდარობის იმედი - რადიო „თავისუფლების“ ეთერში დეპუტატობის ქალი-კანდიდატების ამომრჩევლებთან შეხვედრები, ამ შეხვედრებზე წამოწეული საკითხები გაშუქდა.

II რადიოგადაცემა

არჩევნების შედეგების გენდერული ანალიზი

როგორც ჩატარებულმა თვითმმართველობის არჩევნებმა უჩვენა, ადგილობრივი საზოგადოება ჯერაც არ არის მზად, მხარი დაუჭიროს ქალ-კანდიდატებს. გენდერული საკონსულტაციო საბჭოს წევრების შეფასებით, ამის მაგალითია საკრებულოს გენდერული სურათი - ბათუმის თვითმმართველობის არჩევნების შედეგად მხოლოდ ორი ქალი გახდა ამომრჩევლის რჩეული. როგორ აპირებენ ისინი საკუთარი პოტენციალის რეალიზებას, რას თვლიან პრიორიტეტულად და რაში უნდათ დაიხარჯონ - რადიო „თავისუფლებაში“ გასული სიუჟეტი ამ საკითხებს ეხება.  

III  რადიოგადაცემა

ფონდი „სოხუმის“ ადგილობრივ გენდერულ საჭროებათა კვლევის რეზონანსი - რადიო თავისუფლებაში

რადიო „თავისუფლების“ ეთერში  გასული რადიოსიუჟეტი ბათუმის გენდერული საკონსულტაციო საბჭოსა და ფონდი „სოხუმის“ მიერ ჩატარებულ  ადგილობრივი გენდერული ჯგუფების საჭიროებათა კვლევას ეხება და გამოკვეთილ პრობლემებზე ადგილობრივი ხელისუფლების, სხვადასხვა სახელისუფლებო სტრუქტურის პოზიციას ასახავს.

 

პროექტი ხორციელდება აშშ  სახელმწიფო დეპარტამენტის  მხარდაჭერით

 

კატეგორია: რადიოგადაცემები | ნანახია: 527 | დაამატა: admin | თარიღი: 30.06.2014

 

სენაკის ახალგაზრდულ ცენტრში დასრულდა მეორე ეტაპი პროექტისა „გარემოს დაცვის ახალგაზრდული პროექტები დასავლეთ საქართველოში“, რომელიც ითვალისწინებდა დასავლეთ საქართველოს 6 ქალაქში ტრენინგებს თემაზე: „გარემოს დაცვის პრობლემები ჩვენს ქვეყანაში და ნარჩენების მართვა“  და  ნარჩენებისგან ხელნაკეთი ნივთების დამზადებას.

ფონდი „სოხუმის“ ახალგაზრდული ცენტრების ლიდერებმა თავიანთ საინიციატივო ჯგუფებთან ერთად არაჩვეულებრივად გაართვეს დავალებას თავი.

პროექტის დასკვნითი, მესამე ეტაპი 6 ივლისს ქუთაისში ხელნაკეთი ნივთების გამოფენა-გაყიდვით დასრულდება. 

 

კატეგორია: ტრენინგ-სემინარები | ნანახია: 550 | დაამატა: admin | თარიღი: 30.06.2014

როგორია ფონდი „სოხუმის“ საქმიანობა საერთო სახელმწიფოებრივ კონტექსტში, რა შეიცვალა ქალთა მიმართ ძალადობის პრობლემასთან დაკავშირებით, რა უნდა გაკეთდეს სამომავლოდ ძალადობის მსხვერპლთა მეტი დახმარებისათვის - ამ თემებს აანალიზებს ფონდის ჟურნალ „ქალთა ხმის“ მორიგი მესამე ნომერი.

ქალთა მხარდაჭერის ცენტრების როლი, ფსიქოლოგიური და იურიდიული სამსახურების მხარდაჭერა, ჟურნალის გავლენა, თანამშრომლობა სახელმწიფო და არასამთავრობო სტრუქტურებთან -  კონკრეტული მასალები ამ საკითხებს ეძღვნება და ფონდის მისიას და მრავალწლიან მუშაობას კარგად წარმოაჩენს.

Donwload>>>

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: საინფორმაციო ბიულეტენი | ნანახია: 503 | დაამატა: admin | თარიღი: 30.06.2014

ივნისში ქუთაისში 8 ჯგუფური და 5 ინდივიდუალური შეხვედრა ჩატარდა ფსიქოლოგთან. შეხვედრებზე მონაწილეობდა 71 ქალბატონი 19-დან 58 წლამდე.

შეხვედრების თემა: „რატომ გვეშინია?“

შიშის გრძნობა ყველას აქვს. ზოგს სიკვდილის ეშინია, ზოგს - წარუმატებლობის, ზოგსაც - მარტოობის. შიშებს ჩვენ თვითონ ვქმნით.

ფსიქოლოგის რჩევა ასეთია: სიტუაციას სხვისი თვალით შეხედეთ, იქნებ არც არის ის ასე საშიში, თუ მთავარი პერსონაჟის ნაცვლად მაყურებლის როლში იქნებით. ფსიქოლოგიაში ასეთ მეთოდს „დისოციაცია“ ეწოდება.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)a

 

კატეგორია: კონსულტაციები | ნანახია: 592 | დაამატა: admin | თარიღი: 30.06.2014

დაიწყო ოზურგეთის საკონსულტაციო საბჭოს ინიცირებული პროექტი „ახალგაზრდები - გენდერული პოლიტიკის ხელშეწყობისთვის“, რომელიც ახალგაზრდებთან გენდერული კუთხით მუშაობას ითვალისწინებს.

პროექტის პირველი აქტივობა იყო სამდღიანი ტრენინგი კურორტ ურეკში, რომელსაც ესწრებოდნენ ოზურგეთის გენდერული საკონსულტაციო საბჭოს წევრები. 

მონაწილეები ჯერ კარგად გაერკვნენ გენდერის საკითხებში, შემდეგ კი ისწავლეს ტრენერისთვის აუცილებელი თვისებები და უნარ-ჩვევები, რაც გამოადგებათ ახალგაზრდებთან მუშაობაში.

ტრენინგის ძირითადი ნაწილი დაეთმო ტრენინგის ჩატარების სპეციფიკას და პრაქტიკულ მუშაობას - სამუშაო გეგმის/მოდულის შემუშავებას.

ჯგუფი თავიდანვე იყო მოტივირებული, მაგრამ ტრენინგის ბოლოსთვის მათი მოტივაცია კიდევ უფრო ამაღლდა. ეს კარგად გამოჩნდა კომენტარებში, როდესაც ამბობდნენ, რომ გაუჩნდათ სურვილი, სხვასაც გაუზიარონ მიღებული ცოდნა და ინფორმაცია.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

კატეგორია: ტრენინგ-სემინარები | ნანახია: 472 | დაამატა: admin | თარიღი: 30.06.2014

სადღეისოდ ბევრი ქვეყანა აღიარებს, რომ არსებობს გენდერული და ქალთა პრობლემები, რომელთა გადაჭრაც, საჭიროებებიდან გამომდინარე, მოითხოვს კონკრეტული სტრატეგიების შემუშავებასა და სპეციალური ზომების განხორციელებას.

ცხოვრების ყველა სფეროში გენდერული უთანასწორობის პრობლემის გადასაჭრელად კომპლექსური და მიზანმიმართული პოლიტიკის აუცილებლობა ხაზგასმით აღინიშნა პეკინში გამართულ ქალთა მსოფლიო კონფერენციაზეც. ამ შეხვედრის ერთ-ერთ საკვანძო მოთხოვნას წარმოადგენდა მთავრობების მიერ ეროვნული სტრატეგიებისა და პროგრამების შემუშავება. პეკინის მოქმედებათა პლატფორმის 289 პუნქტის თანახმად, არასამთავრობო ორგანიზაციებს  განსაკუთრებული როლი აქვთ ქალისა და მამაკაცის თანასწორობაზე დამყარებული სოციალური, ეკონომიკური, პოლიტიკური და ინტელექტუალური კლიმატის შექმნაში. ქალთა ორგანიზაციები აქტიურად უნდა იყვნენ ჩართული გენდერული თანასწორობის მიღწევისაკენ მიმართული პოლიტიკის განხორციელებასა და მონიტორინგში“. >>>

Donwload>>>

 

კატეგორია: კვლევები | ნანახია: 503 | დაამატა: admin | თარიღი: 30.06.2014

ივნისში ქუთაისის კოლექტიურ ცენტრებში დევნილებთან შეხვედრებისას ფონდი „სოხუმის“  იურისტის თემა იყო: მემკვიდრეობა და ანდერძი.

ინდივიდუალური კონსულტაცია გაეწია მოქალაქე ე.შ.-ს, რომელიც  არის ოჯახში ძალადობის მსხვერპლი შვილისა და რძლის მხრიდან. მათ სურთ მემკვიდრეობა მიისაკუთრონ და ამისთვის ყველანაირ ხერხს მიმართავენ. ამიტომ დადგა ისეთი პერიოდი, როდესაც ყველამ უნდა ვიცოდეთ საკუთარი უფლებები და მოვაწესრიგოთ საბუთები, რათა არ აღმოვჩნდეთ ისეთი ფაქტის წინაშე, როგორშიც ეს ქალბატონი. საკუთარი უფლებების ცოდნით ადამიანი უფრო დაცულია პრობლემებისგან.

 

პროექტი ხორციელდება  ორგანიზაცია Brot r die Welt – Evangelischer

Entwicklunsdienst მხარდაჭერით (გერმანია)

 

კატეგორია: კონსულტაციები | ნანახია: 426 | დაამატა: admin | თარიღი: 30.06.2014

ქუთაისში, ხონში, წყალტუბოში, ფოთში, სენაკსა და ხურჩაში მცხოვრებ დევნილებთან, ტრადიციისამებრ, ჩატარდა სამობილიზაციო შეხვედრები.

შეხვედრები შეესაბამებოდა ივნისის კალენდარს, ამიტომაც მისი თემები იყო:
-  ბავშვთა უფლებები (1ივნისი - ბავშვთა დაცვის საერთაშორისო დღე)

-  გენდერული სიტუაცია ადგილობრივი თვითმმართველობის არჩევნებზე, ამომრჩევლების აქტიურობა და კანდიდატ ქალთა მხარდაჭერა (15 ივნისი - არჩევნების დღე)

- დევნილთა სიტუაცია ქვეყანაში, განსახლების პრობლემები (20 ივნისი - დევნილთა საერთაშორისო დღე).  

ივნისის შეხვედრები გამოირჩეოდა დევნილთა მხრიდან დიდი ინტერესით და აქტიურობით.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: შეხვედრები | ნანახია: 520 | დაამატა: admin | თარიღი: 30.06.2014

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  ივნისი 2014  »
ორსამოთხხუთპარშაბკვ
      1
2345678
9101112131415
16171819202122
23242526272829
30
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0