გამოვიდა ჟურნალ „ქალთა ხმის“ ბოლო ნომერი, რომელმაც შეაჯამა პროექტი „ქალთა უფლებების გაძლიერება დასავლეთ საქართველოში“: შედეგები, კონსულტაციები, შეხვედრები, მიღწევები, აქტივობები, რეზონანსი, თანამშრომლობის ასპექტები.
სამი რთული წელიწადი დასრულდა, წინ კი ახალი პერსპექტივები იშლება.
პროექტის „ქალები და გოგონები - მშვიდობის, უსაფრთხოებისა და სოციალური სამართლიანობისათვის“ ფარგლებში დაგეგმილი იყო „ქალთა ხმის“ ორი ნომრის გამოცემა. პირველი ნომერი ივლისში გამოვიდა, მეორე კი - ნოემბრის ბოლოს.
ჟურნალში მოთხრობილია სხვადასხვა აქტივობაზე, ახალგაზრდულ ცენტრებზე, შედეგებზე, მიღწევებზე და, რაც მთავარია, ახალგაზრდა ლიდერებზე...
გამოვიდა ჟურნალ „ქალთა ხმის“ მორიგი მეხუთე ნომერი.
ჟურნალში ასახულია ფონდი „სოხუმის“ აქტიური მუშაობა ოჯახში ძალადობის პრევენციისთვის - ტრენინგი 6 ქალაქის ადგილობრივი თვითმმართველობის წარმომადგენლებისთვის, მრგვალი მაგიდა, ფსიქოლოგებისა და იურისტების კონსულტაციები, ფონდი „სოხუმის“ ქალთა მხარდაჭერის ცენტრების მუშაობა და იმ ქალების ისტორიები, რომლებიც ამ მუშაობის შედეგად ცვლიან თავიანთ ცხოვრებას...
გამოიცა ჟურნალი-ანგარიში „გენდერული საკონსულტაციო საბჭოები - ქალთა როლის ამაღლება რეგიონებში სოციალური ცვლილებებისთვის“, რომელმაც შეაჯამა ერთი საპროექტო წელიწადი.
ჟურნალში მოთხრობილია წლის მანძილზე გაკეთებულსა და მიღწეულზე, პროექტის ცალკეულ ბლოკებზე: ქუთაისის, ოზურგეთისა და სენაკის გენდერული საკონსულტაციო საბჭოების მუშაობა, საინფორმაციო შეხვედრები, ამომრჩეველ ქალთა კლუბი, შეხვედრები ჟურნალისტებთან.
ჟურნალში აიკინძა ერთწლიანი საქმიანობის მასშტაბები, რაც კარგად გამოჩნდა ინტერვიუებში საკრებულოებისა და არასამთავრობო სექტორის წარმომადგენლებთან, ტელეჟურნალისტებზე მომზადებულ სტატიებში და სხვა მასალებში.
ჟურნალ „ქალთა ხმის“ მეოთხე ნომერში მკითხველი გაეცნობა ფონდი „სოხუმის“ ქალთა მხარდაჭერის ცენტრების მუშაობას, გაიგებს ადგილობრივ თვითმმართველობასთან თანამშრომლობის ახალი ეტაპის შესახებ.
ჟურნალში დაბეჭდილია მასალები ფონდის ფსიქოლოგებისა და იურისტების საქმიანობაზე და იმ ქალებსა და გოგონებზე, რომლებიც პროექტის ფარგლებში მიმდინარე აქტივობების მონაწილეობენ.
პროექტიხორციელდებაორგანიზაციაBrot für die Welt – Evangelischer
ეს ჟურნალი ახალგაზრდა ქალებზეა, მათ საინტერესო ცხოვრებაზე, ინიციატივებსა და აქტივობებზე ფონდი „სოხუმის“ იმ პროექტის ფარგლებში, რომელსაც ჰქვია „ქალები და გოგონები - მშვიდობის, უსაფრთხოებისა და სოციალური ცვლილებებისათვის“.
პროექტი ორი ნაწილისაგან შედგება. პირველი ნაწილი - ლიდერ გოგონათა მომზადებას გულისხმობს, მათ გააქტიურებას და ჩართვას ქვეყნის საზოგადოებრივ-პოლიტიკურ ცხოვრებაში და სამშვიდობო პროცესებში.
ორწლიანი პროექტი ამ წლის ბოლოს დასრულდება. 2014 წელს ბევრი საინტერესო რამ მოხდა. ჟურნალ „ქალთა ხმის“ მასალები სწორედ მათზე გიამბობთ.
როგორია ფონდი „სოხუმის“ საქმიანობა საერთო სახელმწიფოებრივ კონტექსტში, რა შეიცვალა ქალთა მიმართ ძალადობის პრობლემასთან დაკავშირებით, რა უნდა გაკეთდეს სამომავლოდ ძალადობის მსხვერპლთა მეტი დახმარებისათვის - ამ თემებს აანალიზებს ფონდის ჟურნალ „ქალთა ხმის“ მორიგი მესამე ნომერი.
ქალთა მხარდაჭერის ცენტრების როლი, ფსიქოლოგიური და იურიდიული სამსახურების მხარდაჭერა, ჟურნალის გავლენა, თანამშრომლობა სახელმწიფო და არასამთავრობო სტრუქტურებთან - კონკრეტული მასალები ამ საკითხებს ეძღვნება და ფონდის მისიას და მრავალწლიან მუშაობას კარგად წარმოაჩენს.
