...

წყალტუბოს კოლექტიურ ცენტრებში "საქართველო" და "ინტურისტი" ჩატარდა საინფორმაციო შეხვედრები დევნილებთან. შეკრებილთ ეუწყათ  შეიარაღებული  ძალადობის  წინააღმდეგ მიმდინარე საერთაშორისო კამპანიის შესახებ. მათ გაიხსენეს ახლო წარსული, აფხაზეთისა და  აგვისტოს ომები. ისაუბრეს იმაზე, თუ როგორ თრგუნავს ომი ადამიანებს, რა სირთულეები აქვს პოსტკონფლიქტურ პერიოდს, როდესაც რჩება უკონტროლო იარაღი მოსახლეობაში. შეხვედრის  ყველა მონაწილემ გამოთქვა მზადყოფნა კამპანიის  მხარდასაჭერად: „იმედი გვაქვს, რომ ასეთი კამპანიები  დადებით შედეგს გამოიღებს, მსოფლიოში შემცირდება უკონტროლო შეიარაღება და, შესაბამისად, ომების საფრთხე".