...

ამ პროექტის ფარგლებში  ფონდ „სოხუმში" (03.06.2011; 29.06.2011), წყალტუბოსა (13.06.2011) და  ხონში (28.06.2011) ჩატარდა ოთხი შეხვედრა თემაზე: „ოჩამჩირე და მისი ისტორიული მნიშვნელობა". შეხვედრების მონაწილე გოგონები გაეცნენ საინტერესო ისტორიულ ფაქტებს აფხაზეთის ერთ-ერთი ზღვისპირა ქალაქის  ოჩამჩირის შესახებ. განსაკუთრებით შთამბეჭდავი იყო  მოწვეული სტუმრების-ოჩამჩირის მკვიდრი უფროსი თაობის წარმომადგენლების ცოცხალი მაგალითებით გაჯერებული საუბრები. -თითოეული ჩვენგანი ცხოვრობს მშობლიურ კუთხეში დაბრუნების იმედით.ორივე მხარემ უნდა ვეძებოთ გზები მშვიდობიანი თანაცხოვრების აღსადგენად; - ბევრმა ახალგაზრდამ  მამა-პაპათა კუთხე მხოლოდ უფროსების გადმოცემით იცის. მსგავსი ხასიათის საუბრები, ვფიქრობთ, ახალგაზრდობას გაუღვივებს  ინტერესს აფხაზეთისადმი, - ითქვა შეხვედრებზე.