|
ივნისში ჩატარდა გაცვლითი შეხვედრები აზერბაიჯანსა (7-8 ივნისი) და სომხეთში (15-16
ივნისი) „იგპ ქალთა ადგილობრივ საზოგადოებაში ინტეგრაციის ხელშეწყობა ადგილობრივი
ხელისუფლების საქმიანობის მონიტორინგში მათი ჩართვის გზით" პროგრამის ფარგლებში.
შეხვედრაში მონაწილეობდნენ ფონდი „სოხუმის" მიერ შერჩეული იგპ ქალები, რომლებიც ადგილობრივი ხელისუფლების ბიუჯეტის მონიტორინგს ატარებენ სოციალური
დაცვის, ჯანმრთელობისა და განათლების სფეროში, გენდერული ასპექტის
გათვალისწინებით.
შეხვედრები შედგა აზერბაიჯანში
არასამთავრობო ორგანიზაცია „ქალთა უფლებების დაცვის საზოგადოებასთან" (ქ. ბაქო) ,
ქ. სუმგაითის - სარაისა და ბაქოს - იასამალის
მუნიციპალიტეტების წარმომადგენლებთან. იასამალის
მუნიციპალიტეტში არსებული 5 კომისიიდან- 3-ის
თავმჯდომარე ქალია.
შეხვედრები ჩატარდა სომხეთის ქ. გიუმრის
არასამთავრობო ორგანიზაციასთან „ქალები
განვითარებისათვის"; გიუმრისა და სოფელ არეგნადემის მუნიციპალიტეტებში; სომხეთის „ოჯახის, ქალთა და
ბავშვთა უფლებების დაცვის საზოგადოების" ხელმძღვანელთან.
გაცვლითი შეხვედრებისას მონაწილეები გაეცნენ ორსულ ქალთა დახმარების ძალიან ეფექტურ პროგრამას,
რომლის მიხედვითაც, ყველა კონსულტაცია მშობიარობამდე და თვით მშობიარობა-უფასოა. მშობიარე ქალებს აქვთ ერთწლიანი უფასო
დეკრეტული შვებულება, შემდეგ - 2 წლის
განმავლობაში - ეძლევათ ყოველთვიური
დახმარება.
შეხვედრებზე ხაზი გაესვა იმას, რომ ქალთა
მდგომარეობის გაუმჯობესება საგრძნობია, მაგრამ ჯერ კიდევ ბევრია გენდერული,
სოციალური დაცვის, ჯანმრთელობისა და განათლების კუთხით მოუგვარებელი საკითხი,
რისთვისაც აუცილებელია სპეციალური სტრატეგიის შემუშავება.
| 
