ფოთი, 11 თებერვალი.
შეხვედრის მონაწილეები 12 გოგონა და ვაჟი.
თემა -
გენდერული ბალანსის შექმნა საქართველოში.
შეხვედრა დაიწყო გაცნობით, რადგან მონაწილენი პირველად
ესწრებოდნენ შეხვედრას.
ძირითადი თემის განხილვამ გამოიწვია აქტიური დისკუსია.
მონაწილეები ამბობდნენ, რომ საქართველოში ძნელად შეიცვლება ცნობიერება, რადგან ტრადიცია და წეს-ჩვეულებები ჩვენი
ცხოვრების მნიშვნელოვანი ნაწილია.
განსაკუთრებით საინტერესო იყო ქრისტინე ხარჩილავას მოსაზრება: „ჩემს ოჯახში უკვე არსებობს თანასწორობა,
ზურგს უკან ბევრი ჭორაობს ჩვენს შესახებ, თითქოს სუსტია ჩემი მეუღლე, მაგრამ ჩვენ ვიცით, ჩვენს ოჯახს რა არგებს".
სენაკი, 18 თებერვალი.
შეხვედრის მონაწილეები - 15 მოსწავლე.
თემა - გენდერული ბალანსი და ქართული საზოგადოება,
ტრადიციები და სტერეოტიპები.
შეხვედრის მონაწილეების მოსაზრებები საინტერესო და დასაფიქრებელი იყო.
„აუცილებელია
ამ თემებზე ახალგაზრდებთან საუბარი, მე მომწონს თანაბარი ურთიერთდამოკიდებულება,
ქალსა და მამაკაცს შორის პასუხისმგებლობის თანაბარი განაწილება" - შეხვედრის მონაწილე ვაჟი.
„ძალიან არ
მომწონს ჩემი
მშობლების დამოკიდებულება ერთმანეთთან. მაღიზიანებს დედაჩემის მორჩილება. ვფიქრობ, რომ ჩვენი ცნობიერება უნდა
შეიცვალოს, თანაბარუფლებიან საზოგადოებაში ცხოვრება ბევრად უკეთესია და ჯანსაღი თაობაც გაიზრდება" - შეხვედრის მონაწილე გოგონა.
პროექტი ხორციელდება ორგანიზაცია Brot für die
Welt – Evangelischer
Entwicklunsdienst მხარდაჭერით (გერმანია) | 
