...

თანამშრომლობის მემორანდუმის გაფორმება ქუთაისის, სენაკისა და ოზურგეთის საკრებულოებთან და აქტიური მუშაობა ამ  ქალაქებში: გენდერული საკონსულტაციო საბჭოები, ამომრჩეველ ქალთა კლუბები, საინფორმაციო შეხვედრები - ამ საკითხებმა დააინტერესა შეხვედრაზე მოსული ჟურნალისტები.

ფონდი „სოხუმის" პროექტის შესახებ მათ უკვე იციან და თავიანთ როლსაც კარგად ხედავენ წარმატების მიღწევისა და მეტი ეფექტურობისათვის.

სწორედ ეს განწყობა იგრძნობოდა შეხვედრაზე ჩვენი პარტნიორი მედიასაშუალებების წარმომადგენლებთან.

https://www.facebook.com/photo.php?fbid=792194710794674&set=a.125080157506136.21862.116629135017905&type=1&relevant_count=1

http://imeretinews.ge/%E1%83%A4%E1%83%9D%E1%83%9C%E1%83%93%E1%83%98-%E1%83%A1%E1%83%9D%E1%83%AE%E1%83%A3%E1%83%9B%E1%83%98%E1%83%A1-%E1%83%A8%E1%83%94%E1%83%AE%E1%83%95%E1%83%94%E1%83%93%E1%83%A0%E1%83%90/

გაიმართა ფონდი „სოხუმის" სენაკის ამომრჩეველ ქალთა კლუბი. მოდერატორმა დინა გიორგაძემ გასულ თვეში ჩატარებულ მუშაობაზე ისაუბრა. მისი თქმით, ადვოკატირების ჯგუფმა ძლიერი ქარის დროს დაზარალებულ დევნილთა პრობლემა გადაჭრა (ქარმა ხუთსართულიან შენობას სახურავი ააძრო) სენაკის მუნიციპალიტეტისა და ლტოლვილთა და განსახლების სამინისტროს ძალისხმევით და  ადვოკატირების ჯგუფის მონაწილეობით სახურავი რეაბილიტირებულია.

შეხვედრის მონაწილეებმა აღნიშნეს, რომ თვით დევნილთა ჩართვით შესაძლებელია ბევრი პრობლემის მოგვარება და შეადგინეს ადვოკატირების ახალი გეგმა.

შეხვედრაზე დაისვა ჯანდაცვის სფეროში არსებული პრობლემებიც. სასწრაფო სამედიცინო დახმარების თანამშრომელმა ლელა ჭანტურიამ აღნიშნა, რომ ქალაქს მხოლოდ სამი მანქანა ემსახურება, თანამშრომელთა ხელფასები დაბალია და ტექნიკა-აღჭურვილობაც განახლებას საჭიროებს.

კლუბი სამომავლოდ საწოლს მიჯაჭვული ადამიანების პრობლემებს და მათ საჭიროებებს შეისწავლის.

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

ოჯახური კონფლიქტები და მათი მართვის მექანიზმები - ამ თემაზე  ფოთის ქალთა მხარდაჭერის ცენტრში მორიგი ვორკშოპი გაიმართა ახალგაზრდებთან.

 - თუ კონფლიქტს განვითარების საშუალება მივეცით, შედეგად ძალადობას მივიღებთ. - ასეთი იყო მონაწილეთა საერთო მოსაზრება.

- ვინ როგორ, რა მეთოდებით ახერხებს კონფლიქტების მართვას - თითოეული   მონაწილე  შეეცადა ამ საკითხზე საკუთარი პოზიციის დაფიქსირებას.

დისკუსიისას საინტერესო მომენტი გამოიკვეთა: მონაწილე გოგონების უმრავლესობა თვლის, რომ თუ სურთ ოჯახური კონფლიქტების შეჩერება, საკუთარ პოზიციაზე ხშირად უარი უნდა თქვან.

რადიკალურად განსხვავებული იყო მამაკაცების პოზიცია (ვორკშოპს ორი ახალგაზრდა მამაკაცი ესწრებოდა). ისინი, ძირითადად, ქალებს ადანაშაულებენ: - კონფლიქტი მეუღლეებს შორის მაშინ ვითარდება, თუ ქალები არ თმობენ და მამაკაცებს არ ემორჩილებიან.

დისკუსიის შემდეგ ჯგუფი ერთ მოსაზრებამდე მივიდა: საჭიროა მეტი ინფორმირება. მსგავსი ტიპის ვორკშოპებს ბიჭებიც უნდა ესწრებოდნენ, რომ მათი ცნობიერება მხოლოდ სტერეოტიპებს არ ეფუძნებოდეს.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

დაიწყო სამზადისი ქუთაისის გენდერული საკონსულტაციო საბჭოს  მეორე სხდომის ჩატარებისთვის. ფონდი „სოხუმის" პროექტის ასისტენტი შეხვდა საკრებულოს წევრებს (რომლებიც გენდერული საკონსულტაციო საბჭოს წევრები არიან). შეხვედრისას განხილულ იქნა დღის წესრიგი და სხვა ორგანიზაციული საკითხები. საბჭოს მეორე სხდომის ჩატარება დაიგეგმა  24 თებერვალს, 14:30 საათზე.

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით