 | 14 თებერვალს ბათუმის საკონსულტაციო
საბჭოს მეორე სხდომა გაიმართა.
სხდომაზე შეჯამდა 24-26 იანვარს ჩატარებული
ტრენინგის შედეგები; განხილული იყო ფონდის
მიერ დაგეგმილი სოციოლოგიური კვლევის საორგანიზაციო საკითხები, განაწილდა მოვალეობები,
მოხდა შეთანხმება ვადებზე, ჩატარდა კითხვარის სკრინინგი და ჩანიშნულ იქნა შენიშვნები
მისი შემდგომი დახვეწისათვის.
სხდომის დღის წესრიგით გათვალისწინებული
იყო ასევე საბჭოს ადვოკატირების ჯგუფის დაკომპლექტება, საბჭოს დებულების განხილვა და
სხვა მიმდინარე საკითხები. აღინიშნა, რომ საბჭო თანდათან ჩამოყალიბდა ერთიან გუნდად
და ის წარმატებით გაართმევს თავს მასზე დაკისრებულ მოვალეობებს.
პროექტი ხორციელდება აშშ სახელმწიფო დეპარტამენტის მხარდაჭერით |
|
 | აქცია - „სიყვარულის 365 დღე" ჩატარდა ფონდი „სოხუმის" ქალთა მხარდაჭერის ექვსივე ცენტრში - ქუთაისში, წყალტუბოში, ხონში, სენაკში, ფოთში, ზუგდიდის რაიონის სოფელ ხურჩასა და გალის რაიონის სოფელ ნაბაკევში. მოეწყო შეხვედრები სკოლებსა და დევნილთა ჩასახლებებში - კიდევ ერთხელ აღინიშნა, რომ ძალადობა ბოროტებაა და უნდა გავერთიანდეთ მის წინააღმდეგ! შეხვედრების მონაწილე ახალგაზრდებს დაურიგდათ საინფორმაციო ბუკლეტები და წითელი ბუშტები.
პროექტი ხორციელდება ორგანიზაცია Brot für die
Welt – Evangelischer
Entwicklunsdienst მხარდაჭერით (გერმანია) |
კატეგორია: აქციები |
ნანახია: 878 |
დაამატა: admin |
თარიღი: 15.02.2014
|
 |
შეხვედრა ბათუმის „მეგობრობის სახლში" გაიმართა და მას ორგანიზაციის ხელმძღვანელი ქალბატონი მედეა მიქელაძე უძღვებოდა. საინფორმაციო შეხვედრას რუსული, ბერძნული, სომხური და უკრაინული დიასპორების წარმომადგენლები - სხვადასხვა პროფესიის, თაობის ადამიანები დაესწრნენ.
გაცნობითი ხასიათის შეხვედრაზე ფონდი „სოხუმის" წარმომადგენელი დაინტერესდა დიასპორების საქმიანობით, მათი პრობლემებით და სამომავლო გეგმებით, არანაკლები დაინტერესება გამოიჩინეს დიასპორების წევრებმაც - გაეცნენ ფონდი „სოხუმის" მუშაობას და სურვილი გამოთქვეს, პროექტის ფარგლებში განხორციელებულ ღონისძიებებში ჩაერთონ.
„მეგობრობის სახლში" სისტემატურად იმართება სხვადასხვა სახის ღონისძიებები, არის სპეციალური ენის კურსები ეროვნული უმცირესობებისთვის, სადაც ახალგაზრდებს შესაძლებლობა ეძლევათ, დაეუფლონ როგორც მშობლიურ, ასევე ქართულ ენას.
ტარდება ინტერკულტურული საღამოებიც თუმცა, მათივე თქმით, მეგობრული ურთიერთობებისთვის მსგავსი ღონისძიებების მეტი სიხშირით ჩატარებაა სასურველი.
პროექტი ხორციელდება აშშ სახელმწიფო დეპარტამენტის მხარდაჭერით
|
|
 | - ეს არის ძალიან კარგი მეთოდი, დაანახო მაყურებელს
ჩვენი საზოგადოების სენი, ძალადობა,
გულგრილობა, ამპარტავნობა, უფროსების მიმართ უპატივცემულობა, რომელიც
ასე შემოიჭრა ჩვენში, - ასეთი იყო
მასწავლებელთა შეფასება.
მოსწავლეებიც კმაყოფილები იყვნენ ნანახითა და
გაგონილით. წყალტუბოს №1 საჯარო სკოლაში ფონდი „სოხუმის" ფორუმ-თეატრმა გამართა
შეხვედრა, წარმოადგინეს 5 სცენა, აქედან 3 ახალი.
მაყურებელთა რაოდენობა 50-მდე იყო. ისინი აქტიურად
ჩაერთნენ დისკუსიაში.
სკოლის დირექციის თხოვნით კიდევ დაიგეგმა შეხვედრა, რომელსაც არა მარტო 1-ლი,
არამედ მე-2 და მე-3 სკოლების მოსწავლეებიც დაესწრებიან.
პროექტი ხორციელდება ორგანიზაცია Brot für die Welt –
Evangelischer
Entwicklunsdienst მხარდაჭერით (გერმანია) |
|
|
