...

-ადრე ასე სერიოზულად არ დავფიქრებულვარ გენდერის თემაზე, ახლა შემიძლია ვთქვა, რომ ჩავიხედე ამ საკითხის სიღრმეებში.

- გენდერული დისბალანსი პრობლემად არ მიმაჩნდა. აქ ისე წარმოადგინეს ეს საკითხი, რომ დავინახე პრობლემის მოგვარების რეალური გზები.

- ფაქტობრივად, დავსახეთ კონკრეტული ამოცანები და შევიმუშავეთ სტრატეგიული გეგმა ჩვენს რეგიონებში გენდერული პოლიტიკის გასატარებლად.

-ტრენინგზე გაწეული მუშაობა ქაღალდზე არ დარჩება - ვეცდებით, ეფექტურად განვახორციელოთ დაგეგმილი იდეები.

ასეთი მოსაზრებები გამოითქვა ტრენინგზე, რომელიც გაიმართა ბორჯომში სამი ქალაქის (ქუთაისი, სენაკი, ოზურგეთი) საკრებულოს წევრებისთვის, რომლებიც გენდერული საკონსულტაციო  საბჭოების შემადგენლობაში არიან.

ტრენინგის თემა იყო: თვითმმართველი რეგიონული სტრუქტურები და გენდერული თანასწორობა.

ტრენინგზე მონაწილეთა აქტიურმა ჩართულობამ კიდევ ერთხელ წარმოაჩინა მათი მოტივაცია - შეცვალონ გენდერული პოლიტიკა ადგილობრივ დონეზე.

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით