მთავარი »
2014 » დეკემბერი » 2 » ახალგაზრდული დებატები ძალადობის საწინააღმდეგო კამპანიას ეხმაურება
15:06 ახალგაზრდული დებატები ძალადობის საწინააღმდეგო კამპანიას ეხმაურება |
|
|
პირველი დეკემბერი შიდსთან ბრძოლის საერთაშორისო დღეა. რა ინფორმაციებს ფლობენ ახალგაზრდები აივ ინფექციაზე - ამ საკითხზე გამართეს დისკუსია წყალტუბოს ახალგაზრდული დებატ-კლუბის წევრებმა. მონაწილეებმა აღნიშნეს, რომ დაინფიცირებული ადამიანები ხშირად ხდებიან საზოგადოებისგან ფსიქოლოგიური ძალადობის მსხვერპლნი, რაც ინფორმაციის დეფიციტით არის გამოწვეული.
რა გავლენას ახდენს მოზარდის ფსიქოლოგიაზე გარემო, რას გრძნობენ ის ბავშვები, რომელთა ოჯახშიც ძალადობაა - ამ საკითხებით ხონის ახალგაზრდული ცენტრი დაინტერესდა. დისკუსია ამ თემაზე გადაღებული ფილმის ჩვენებით დაიწყო, რამაც საინტერესო ფონი შექმნა. ისაუბრეს საზოგადოების გულგრილობაზე. დასახელდა კონკრეტული მაგალითი, როგორ გახდა მოზარდი სუიციდის მსხვერპლი.
მონაწილეები მიიჩნევენ, რომ ნებისმიერი ძალადობა მხოლოდ ნეგატიურ შედეგებს იძლევა, ამიტომაც აუცილებელია ახალგაზრდობა აქტიურად იყოს ჩართული კამპანიაში. ეს ხელს შეუწყობს არაძალადობრივი კულტურის შექმნას.
პროექტი ხორციელდება ორგანიზაცია „ქალები ქალებისათვის“
(Kvinna till Kvinna) მხარდაჭერით (შვედეთი)
|
|
|
კატეგორია: საზოგადოებრივი დებატები |
ნანახია: 735 |
დაამატა: admin
| რეიტინგი: 0.0/0 |
