30 ნოემბერს, სენაკის სამხედრო ქალაქის კოლექტიურ ცენტრში ლიდერ გოგონათა სკოლის წევრებმა სხვა დევნილ გოგონებთან ერთად დასუფთავების აქცია მოაწყვეს. ეს ღონისძიება ქალთა მიმართ ძალადობის 16-დღიან კამპანიას მიეძღვნა.
საკვირაო გადაცემა „7 დღეში“ გასულმა სიუჟეტმა ქალთა მიმართ გენდერული ძალადობის წინააღმდეგ 16-დღიან კამპანიაში ფონდი „სოხუმის“ ჩართულობა გააშუქა. გადაცემის ავტორები ხაზგასმით აღნიშნავენ, რომ ფონდი „სოხუმი“ პიონერი ორგანიზაციაა, რომელიც 10 წელზე მეტია, ამ პრობლემის შესახებ ყველა ტრიბუნიდან საუბრობს. ფონდის წარმომადგენლები სიუჟეტში ორგანიზაციის მიერ კამპანიის ფარგლებში გაშლილ საქმიანობასა და საზოგადოების ჩართულობაზე მოუთხრობენ მაყურებელს.
საქართველოს პარლამენტის წევრები, ასევე ადგილობრივი საკრებულოს წევრები, რომლებიც ქუთაისის გენდერულ საკონსულტაციო საბჭოს წარმოადგენენ, თავიანთ ინტერვიუებში აღიარებენ, რომ სახელმწიფომ დააგვიანა ქმედითი ნაბიჯები ძალადობისაგან დაცვის მიმართულებით და სასწრაფოდ უნდა გამოსწორდეს დეფიციტი ქალთა უფლებების დაცვის კუთხით. ხაზგასმული იქნა ძალადობის პრევენციის, საზოგადოების ინფორმირებისა და განათლების აუცილებლობა.
პროექტიხორციელდებაორგანიზაცია Brot für die Welt – Evangelischer
პროექტის „ქალები და გოგონები - მშვიდობის, უსაფრთხოებისა და სოციალური სამართლიანობისათვის“ ფარგლებში დაგეგმილი იყო „ქალთა ხმის“ ორი ნომრის გამოცემა. პირველი ნომერი ივლისში გამოვიდა, მეორე კი - ნოემბრის ბოლოს.
ჟურნალში მოთხრობილია სხვადასხვა აქტივობაზე, ახალგაზრდულ ცენტრებზე, შედეგებზე, მიღწევებზე და, რაც მთავარია, ახალგაზრდა ლიდერებზე...
30 ნოემბერს ქუთაისის ყინულის სასახლეში ჰოკეის ეროვნული ნაკრების საჩვენებელი თამაში გაიმართა. ლიდერ გოგონათა სკოლის წევრებმა სპორტსმენებს მოუწოდეს, შეუერთდნენ 16-დღიან კამპანიას ქალთა მიმართ ძალადობის წინააღმდეგ.
შემდეგში ჰოკეისტებმა საკუთარი ინიციატივით, ბათუმში გამართულ თამაშზე კვლავ დააფიქსირეს თავიანთი მხარდაჭერა ქალების მიმართ.
დაგეგმილი ღონისძიებები დასავლეთ საქართველოს 6 ქალაქში ერთი მეორის მიყოლებით ტარდება. ახალგაზრდული ქსელის საინიციატივო ჯგუფები 25 ნოემბერს შეუერთდნენ მასშტაბურ აქციებს.
ფონდი „სოხუმის“ ახალგაზრდული ქსელი აქტიურად ჩაერთო 16-დღიან კამპანიაში ქალთა მიმართ ძალადობის წინააღმდეგ. ქუჩებში, ხალხმრავალ ადგილებში დარიგდა კამპანიის სიმბოლური ლენტები, საინფორმაციო ფურცლები, ბროშურები.
ჩატარდა საინფორმაციო შეხვედრები სხვადასხვა დაწესებულებაში, მოსახლეობასთან. გაიმართა ესეების კონკურსი.
ამ ღონისძიებებში ახალგაზრდულმა ქსელმა ათობით თანატოლი ჩართო, რადგან მათთვის მიუღებელია ძალადობა.
