...

რა მნიშვნელობა ენიჭება საზოგადოების ერთიან ძალისხმევას ოჯახში ძალადობის შესამცირებლად; როგორ რეაგირებს ცალკეული პასუხისმგებელი რგოლი კონკრეტულ შემთხვევებზე; როგორ აფასებენ ბენეფიციარები ფონდის ფსიქოლოგიურ სამსახურს; რამდენად ქმედითია სოციალური მუშაკების ძალისხმევა  და რა მიმართულებით თანამშრომლობენ ფონდთან; ქალთა მხარდაჭერის ცენტრების მობილიზატორები   ინფორმაციის გაცვლის მნიშვნელობაზე   - რადიო „ძველი ქალაქის“ ეთერში გასული რადიოგადაცემა  ამ და სხვა საინტერესო საკითხს  შეეხო.  

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

ქუთაისის გენდერული საკონსულტაციო საბჭოს მეხუთე, რიგგარეშე სხდომაზე შედგა იმ ბაგა-ბაღის არქიტექტურული პროექტის პრეზენტაცია, რომლის მშენებლობაც იგეგმება ავტოქარხანაში, დადიანის ქუჩაზე. 

პროექტის ავტორმა  მიხეილ ჟორჟოლიანმა აღნიშნა:

- ბაგა-ბაღი გათვლილია 150 ბავშვზე. მსურდა პატარებისთვის ზღაპრული კოშკისმაგვარი პროექტი შემემუშავებინა. სამწუხაროდ, მშენებლობისთვის გამოყოფილი თანხა ამის საშუალებას არ იძლევა, თან სტანდარტები გვზღუდავს. გენდერულ ასპექტებს რაც შეეხება, სველი წერტილები გოგონებისთვის და ბიჭუნებისთვის მოაზრებულია ცალ-ცალკე. საჭიროა გათბობის უზრუნველყოფა, არ არის გათვალისწინებული პანდუსები.

პრეზენტაციაზე გაირკვა, რომ არსებობს ბაგა-ბაღის ვიზუალური კორექტირების საშუალება.

სხდომაზე მიღებულ იქნა დადგენილება: საბჭომ მიმართოს ქუთაისის მერს თხოვნით, 500000 ლარით გაზარდოს ბაგა-ბაღის მშენებლობის ბიუჯეტი, რათა ბაგა-ბაღში ყველაფერი იყოს ბავშვების კომფორტისთვის (გათბობა, გარდერობთა საკმარისი რაოდენობა, პანდუსები...), აგრეთვე ეზოს კეთილმოწყობაში გათვალისწინებულ იქნას გოგონათა ინტერესები.

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

როგორც  კი დაიწყო ქსელური დებატები ახალგაზრდულ პრობლემებზე, მაშინვე გაჩნდა რეკომენდაციები უფროსი თაობისგან. ისინი თავიანთი ახალგაზრდობის პერიოდს ადარებენ  ჩვენს რეალობას. იკვეთება მიზეზები - კომპიუტერი, ინტერნეტი, ცუდი ურთიერთობა  მშობლებსა და შვილებს შორის, რომლებიც თითქოს უცხონი გახდნენ ერთმანეთისთვის.

- ის, რომ დღეს თქვენ უფრო დამოუკიდებლები ხართ, ყველაფრის უფლებას არ გაძლევთ. არ უნდა დაივიწყოთ და პატივი უნდა სცეთ ეროვნულ ტრადიციებს.

- ჩვენ ახალი თაობა ვართ, რომელიც ვეცნობით, ვფილტრავთ და ვიღებთ ცივილიზაციას, რომელიც ჯერაც ტრანსფორმაციის პროცესშია. იმედი გვაქვს, ჩვენს რეალობაში მხოლოდ საუკეთესო დარჩება.

სხვადასხვა თაობის ურთიერთობების თემის განხილვისას ამ ორმა კომენტარმა ე.წ. ლაიქების ყველაზე დიდი რაოდენობა დაიმსახურა. 

პროექტი ხორციელდება ორგანიზაცია „ქალები ქალებისათვის“

(Kvinna till Kvinna) მხარდაჭერით (შვედეთი)