ორშაბათი, 16.09.2019, 21:16
მოგესალმები სტუმარი

...

მთავარი » 2014 » აპრილი » 24

მოგვარდა გასულ თვეს სენაკის გენდერული საკონსულტაციო საბჭოს სხდომაზე დასმული პრობლემა - დიდი ტრადიციების მქონე სამუსიკო სკოლის კოსმეტიკური რემონტი.

აღნიშნული საკითხი სკოლის დირექტორმა - რუსუდან მილიუტინმა ფონდი «სოხუმის» საინფორმაციო შეხვედრაზე დასვა. პრობლემის შესახებ იმ დღესვე იმსჯელეს სენაკის გენდერული საკონსულტაციო საბჭოს სხდომაზე. საბჭოს 6 წევრი სენაკის საკრებულოს დეპუტატია. მათი დახმარებით და სენაკის გამგეობის მხარდაჭერით ადგილობრივი ბიუჯეტიდან სასწრაფოდ 10000 ლარი გამოიყო სკოლის საკონცერტო დარბაზისა და კიბეების კოსმეტიკური რემონტისათვის.

სარემონტო სამუშაოები უკვე დაწყებულია.

სკოლაში 22 მაისს მუსიკალური ფესტივალი გაიმართება.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

კატეგორია: შეხვედრები | ნანახია: 524 | დაამატა: admin | თარიღი: 24.04.2014

- მოზარდები ყველაზე მეტად ვერ ეგუებიან მარცხს სიყვარულში, მათთვის ეს სამყაროს დასასრულია.

 - ვერ საუბრობენ მშობლებთან, რადგან არ არიან დარწმუნებული, რომ მათ ვინმე გაუგებს, საკუთარ თავში იკეტებიან, რაც ხშირად სუიციდით მთავრდება. - მსგავსი შინარსის ფრაზები ისმოდა ფოთში გამართულ დებატ-კლუბზე . მონაწილეებმა რამდენიმე რეალური ისტორია გაიხსენეს და დისკუსია ემოციურ ფონზე გაგრძელდა.

-ფსიქოლოგი სკოლაში აუცილებელია, – მიიჩნევენ ახალგაზრდები,- რადგან არის საკითხები, რომელსაც ვერც მშობელს, ვერც ახლო მეგობარს ვერ მოუყვები.

დებატების დაასასრულს პოზიტიური შეფასებები გაისმა: აღინიშნა, რომ ამ თემაზე სხვა დროს არ უსაუბრიათ და ბევრი საჭირო ინფორმაციები მიიღეს. მათი აზრით, კარგი იქნებოდა დებატების ჩატარება სხვა სკოლებში, რადგან ეს თემა საკმაოდ აქტუალურია. 

 

პროექტი ხორციელდება ორგანიზაციაქალები ქალებისათვის

(Kvinna till Kvinna) მხარდაჭერით (შვედეთი)

 

კატეგორია: საზოგადოებრივი დებატები | ნანახია: 475 | დაამატა: admin | თარიღი: 24.04.2014

- განსაკუთრებული ყურადღება უნდა მიექცეს მცირე მეწარმეობის განვითარებას, რადგან ის ადამიანს სოციალურ და ეკონომიკურ დამოუკიდებლობას ანიჭებს.

- საბავშვო ბაღებში უნდა დაინერგოს თანამედროვე სასწავლო პროგრამები.

- ქალებს პროფორიენტაციის კურსების შესაძლებლობა უნდა ჰქონდეთ.

აქტიურად და საინტერესოდ გაიმართა სენაკის გენდერული საკონსულტაციო საბჭოს მეოთხე სხდომა - საბჭოს წევრებმა წაიკითხეს გენდერული საჭიროებების შეფასებისთვის ჩატარებული კვლევის დროს მიზნობრივ ჯგუფებთან დაფიქსირებული ზოგიერთი წინადადება და რეკომენდაცია.

გენდერული საკონსულტაციო საბჭოს წევრები კმაყოფილნი არიან იმით, რომ მიეცათ ამ მუშაობაში ჩართვის საშუალება, რადგანაც მიიღეს ბევრი ინფორმაცია, კოლოსალური გამოცდილება და გაიზარდა მათი მოტივაცია, ხელი შეუწყონ ადგილობრივი გენდერული პოლიტიკის ფორმირებას.

სხდომაზე განიხილეს საბჭოს სამოქმედო გეგმა, რომელშიც გათვალისწინებული იქნება კვლევის შედეგად შემუშავებული რეკომენდაციები.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

კატეგორია: შეხვედრები | ნანახია: 526 | დაამატა: admin | თარიღი: 24.04.2014

ადგილობრივი მედიის წარმომადგენლებთან შეხვედრა ფონდი „სოხუმის“ წარმომადგენელმა მადლობით დაიწყო - მხარდაჭერისა და თანამშრომლობისათვის - რადგან უკვე ტრადიციად იქცა ტელესიუჟეტებისა და სტატიების მომზადება სენაკის გენდერული საკონსულტაციო საბჭოს მუშაობის შესახებ და მეტი ყურადღება გენდერული თემების მიმართ.

ამჯერად საინფორმაციო შეხვედრის შემდეგ ჟურნალისტებს საბჭოს სხდომაზე დასწრების სურვილი გაუჩნდათ, რათა მოესმინათ მათთვის, ვინც ჩაატარა კვლევა სენაკის გენდერული საჭიროებების შეფასების მიზნით.

შეხვედრა საინტერესო გამოდგა იმითაც, რომ მასში მონაწილეობა მიიღო ჟურნალისტმა გიორგი სირაძემ, რომელიც აქტიურად თანამშრომლობს ცენტრალურ და ადგილობრივ მედიასთან და ამასთანავე არის ოზურგეთის გენდერული საკონსულტაციო საბჭოს წევრი.

გაჩნდა ინიციატივა, გაიმართოს ჟურნალისტების გაცვლითი შეხვედრები, რომ მათ შეძლონ ერთმანეთისთვის პროფესიული და გენდერული გამოცდილების გაზიარება.

-ჩვენ კიდევ უფრო დავინტერესდით გენდერული საბჭოს მუშაობით, - აღნიშნეს სენაკელმა ჟურნალისტებმა.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

კატეგორია: შეხვედრები | ნანახია: 464 | დაამატა: admin | თარიღი: 24.04.2014

შეხვედრაზე სოფელ მენჯში, სასტუმრო „კოლხეთში“ ჩასახლებული დევნილების უმთავრესი პრობლემა დაისვა. ლიანა შულაიას თქმით, ამორტიზებული წყალგაყვანილობის გამო წლებია, წყალი არ მიეწოდებათ და სოფლის მოსახლეობის ჭებიდან ეზიდებიან. პრობლემა არაერთხელ დასვეს სხვადასხვა სტრუქტურის წარმომადგენლებთან, მაგრამ უშედეგოდ.

პრობლემა იმავე დღეს გაშუქდა ჟურნალისტ გიორგი სირაძის მიერ (იხილეთ შემდეგ ბმულზე http://pia.ge/show_news.php?id=12050&lang=geo

შეხვედრაზე ჯავახიშვილის ქუჩის მცხოვრებთა პრობლემაც დაისვა. ქუჩა, რომელიც განსხვავებული რელიეფური მდებარეობისაა, საჭიროებს რეაბილიტაციას.

პრობლემის ადვოკატირებაში ჩაერთვება ფონდი სოხუმის გენდერული საკონსულტაციო საბჭოც.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

კატეგორია: კლუბები | ნანახია: 599 | დაამატა: admin | თარიღი: 24.04.2014

შეხვედრების ჩატარების ადგილები: სენაკის კერძო სკოლა „ეტალონი“,  ფონდი „სოხუმის“ ოფისი, ხურჩის, წყალტუბოს, ფოთისა და ხონის  ქალთა მხარდაჭერის ცენტრები.

ჩატარების დრო - აპრილი.

თემა - ეთიკისა და ესთეტიკის ნორმები, სქესობრივი აღზრდა.

მონაწილეები - გოგონები და ბიჭები, მოსწავლეები, სტუდენტები...

 

ზოგისთვის თემა გაოცების საგანი აღმოჩნდა - მსგავს აზრობრივ თავისუფლებას მიუჩვეველნი არიან, ბევრი კი თავიდანვე აქტიურად ჩაერთო დისკუსიაში.

მათი აზრი ასეთია:

„თემა საინტერესოა, მაგრამ უხერხული, თუმცა რაც მეტი გვეცოდინება, მით ბევრ პრობლემას ავიცილებთ თავიდან“.

 „ბევრი კითხვები მებადება მაგრამ გაჟღერება მეუხერხულება“.

„ამ საკითხების ცოდნა  აუცილებელია, რადგანაც ცხოვრებაში ძალიან გამოგვადგება“.

 

შეხვედრების შემდეგ ახალგაზრდები ხვდებიან, რომ ეს ორიოდ საათი საკმაოდ საინტერესოდ გავიდა და მათთვის გარკვეული შედეგიც მოიტანა. 

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: შეხვედრები | ნანახია: 483 | დაამატა: admin | თარიღი: 24.04.2014

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  აპრილი 2014  »
ორსამოთხხუთპარშაბკვ
 123456
78910111213
14151617181920
21222324252627
282930
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0