...

1-დან 25 აპრილამდე ქუთაისის გენდერულმა საკონსულტაციო საბჭომ სოციოლოგიური კვლევა ჩაატარა ადგილობრივი გენდერული საჭიროებების შესასწავლად.

საბჭოს წევრებმა:

- ჩაატარეს 4 ფოკუს-ჯგუფი (ახალგაზრდები, აქტივისტი ქალები, არასამთავრობო ორგანიზაციები, მასმედია, სამედიცინო სპექტრი, პედაგოგები).

- ჩაიწერეს 4 ჩაღრმავებული ინტერვიუ ექსპერტებთან (განათლებისა და ეკონომიკის სფეროს, ადგილობრივი თვითმმართველობის წარმომადგენლები, ადამიანის უფლებების დამცველი). 

- შეავსეს 150 ანკეტა (დევნილი და სოციალურად დაუცველი ქალებისა და ეთნიკური უმცირესობების წარმომადგენელთა გამოკითხვა).

კვლევის შედეგების ანალიზის შემდეგ გენდერული საკონსულტაციო საბჭოს წევრები შეიმუშავებენ რეკომენდაციებს და  ქუთაისის საკრებულოს წარუდგენენ.

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

დასრულდა სოციოლოგიური კვლევა, რომელიც სენაკის გენდერული საკონსულტაციო საბჭოს წევრებმა ჩაატარეს 1-დან 25 აპრილამდე.

კვლევის მიზანი იყო ქალთა ადგილობრივი გენდერული საჭიროებების შეფასება. კვლევის დროს ჩატარდა 3 ჩაღრმავებული ინტერვიუ განათლების და ბიზნესის სფეროს ექსპერტებთან, ადგილობრივი თვითმმართველობის წარმომადგენელთან, 3 ფოკუს-ჯგუფი ინტელიგენციასთან (პედაგოგები, მედიცინის მუშაკები...), ახალგაზრდებთან (სტუდენტები, ფონდი „სოხუმის“ ლიდერთა სკოლის წევრები), არასამთავრობო ორგანიზაციებისა და მედიის წარმომადგენლებთან.

ანკეტურ გამოკითხვაში მონაწილეობა მიიღო 100-მა ქალმა (დევნილები, სოციალურად დაუცველები, მცირე ბიზნესში ჩართული ადამიანები და ფონდი „სოხუმის“ ამომრჩეველ ქალთა კლუბის წევრები).

კვლევის შედეგების ანალიზის შემდეგ გენდერული საკონსულტაციო საბჭოს წევრები შეიმუშავებენ რეკომენდაციებს და წარუდგენენ ადგილობრივ საკრებულოს, რათა ბიუჯეტში გათვალისწინებულ იქნას გამოვლენილი საჭიროებები.

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

კვლევა, რომლის მიზანსაც წარმოადგენდა ადგილობრივი საჭიროებების შესწავლა და შეფასება, 25 აპრილს დასრულდა. კვლევის ფარგლებში ჩატარდა სამი ჩაღრმავებული ინტერვიუ (თვითმმართველობის წარმომადგენელთან, ექსპერტებთან გენდერისა და განათლების საკითხებში), სამი ფოკუს ჯგუფი (სოციალურად დაუცველ ქალბატონებთან, მედიისა და არასამთავრობო ორგანიზაციების წარმომადგენლებთან, ინტელიგენციასთან), გამოკითხულ იქნა 100 ქალბატონი (ეთნიკური უმცირესობების წარმომადგენლები, ახალგაზრდები, დევნილები, ამომრჩეველ ქალთა კლუბის წევრები, სოციალურად დაუცველი ქალბატონები).

გამოიკვეთა პრობლემები, გამოვლინდა წინადადებები და ინიციატივები. კვლევა მომავალი აქტიური მუშაობის დასაწყისია.

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

ხონის ქალთა მხარდაჭერის ცენტრში შედგა ფონდი „სოხუმის“ მობილიზატორთა ქსელის მორიგი  კრება.

შეკრებილებმა აპრილის თვეში შესრულებული მუშაობა შეაფასეს, ისაუბრეს პრობლემებზე და შედეგებზე.

მონაწილეთა მიერ განხილულ იქნა სხვადასხვა იდეა ქალთა მხარდაჭერის ცენტრების შემდგომი მუშაობისათვის (მათ შორის ერთი - ბავშვთა დაცვის დღისათვის).

მობილიზატორების  მორიგი შეხვედრა ფოთის ქალთა მხარდაჭერის ცენტრში დაიგეგმა.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)