|
გენდერული საკონსულტაციო საბჭო - ასე ჰქვია უკვე დარბაზს, სადაც ჩვენი სხდომები იმართება. მალე აქ საბჭოს საქმიანობის ამსახველი კუთხე განთავსდება, - ამცნო ქუთაისის გენდერული საკონსულტაციო საბჭოს თავმჯდომარემ გიორგი შავგულიძემ მეოთხე სხდომაზე შეკრებილთ.
საბჭოს წევრებმა ერთმანეთს გააცნეს ინფორმაცია „ადგილობრივი გენდერული საჭიროებების კვლევის“ ფარგლებში მათ მიერ ჩატარებული სამუშაოს შესახებ.
სხდომაზე განხილულ იქნა საბჭოს სამოქმედო გეგმა. ავტოქარხნის დასახლებაში (დადიანის ქუჩაზე) დაგეგმილი საბავშვო ბაღის მშენებლობის არქიტექტურული პროექტის გენდერული მონიტორინგის საკითხთან დაკავშირებით დაფიქსირდა პროექტის ავტორთან - მიხეილ ჟორჟოლიანთან შეხვედრის აუცილებლობა.
შეხვედრაზე გადაწყდა რიგგარეშე სხდომის მოწვევა, რომელიც საბავშვო ბაღის პროექტის პრეზენტაციას და გენდერული რეკომენდაციების შემუშავებას დაეთმობა.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
|
