...

„გენდერული საკონსულტაციო საბჭო - გაუმჯობესებული პერსპექტივები, ქალთა უფლებების განმტკიცება და რეგიონის ეფექტური მართვა".

რა ფუნქცია ექნება გენდერულ საკონსულტაციო საბჭოს, ვინ მოიაზრება მის წევრად, რა ფორმით ითანამშრომლებს ადგილობრივ ხელისუფლებასთან, როგორ უნდა ჩაერთოს ადგილობრივი პრიორიტეტების განსაზღვრაში, გენდერული საჭიროებების კვლევასა და შესაბამისი პროგრამების შემუშავებაში - ბათუმის საკრებულოს წევრებთან ფონდის წარმომადგენლებმა რიგით მესამე შეხვედრა მოაწყვეს, სადაც მოხდა ინფორმაციის გაცვლა, თანამშრომლობის პერსპექტივების განსაზღვრა.

საკრებულოს თავმჯდომარის მოადგილემ, ვაჟა ვერულიძემ კმაყოფილება გამოხატა იმ ფაქტით, რომ ფონდი „სოხუმის" პროექტი მიმართულია სახელმწიფო და სამოქალაქო თანამშრომლობის გაძლიერებისაკენ. მისი აზრით, სასურველია მოქალაქეთა მეტი ჩართულობა და კონსტრუქციული თანამშრომლობა ქალაქისათვის მნიშვნელოვანი საკითხების გადაწყვეტაში.

საკრებულოს ხელმძღვანელობის მხრიდან გამოითქვა სრული მზადყოფნა - ითანამშრომლონ ქალთა ორგანიზაციასთან პროექტით განსაზღვრული საქმიანობის ფარგლებში. პირველი ნაბიჯი იქნება თანამშრომლობის მემორანდუმი ფონდსა და საკრებულოს შორის, რაც შეთანმების სტადიაშია.

პროექტი ხორციელდება აშშ  სახელმწიფო დეპარტამენტის  მხარდაჭერით

წყალტუბოს ახალგაზრდულ ცენტრში მორიგი დებატები გაიმართა. `

მონაწილეებმა ისაუბრეს ოჯახურ კონფლიქტზე, რომელიც ხშირად ძალადობით მთავრდება. მონაწილეთა უმრავლესობა ბიჭი იყო. მათი აზრით, მსგავსი დებატების შემდეგ  პოზიტიური ცნობიერება ყალიბდება ახალგაზრდებში, რაც იმას ნიშნავს, რომ ოჯახური ძალადობისთვის ნაკლები რისკი არსებობს.

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)

ფონდი „სოხუმის" წარმომადგენლები ესტუმრნენ ბათუმის არქეოლოგიურ მუზეუმს, რომელიც ამჟამად რეაბილიტაციის პროცესშია და დროებით სხვა შენობაშია  განთავსებული.

მუზეუმის თანამშრომლები გაეცნენ ფონდი „სოხუმის" საქმიანობას, მიიღეს ინფორმაცია ამერიკის სახელმწიფო დეპარტამენტის მიერ დაფინანსებული პროექტის შესახებ.

ფონდი „სოხუმის" თანამშრომლებისთვისაც საინტერესო იყო  მუზეუმის ისტორია.

ბათუმის არქეოლოგიური მუზეუმი დაარსდა 1994 წელს. მის ფონდებში თავმოყრილია აჭარის ტერიტორიაზე აღმოჩენილი სხვადასხვა ეპოქის ნივთიერი კულტურის ძეგლები. როგორც მუზეუმის დირექტორმა ამირან კახიძემ აღნიშნა, მუზეუმის 37  თანამშრომლიდან უმრავლესობა (27) ქალბატონია! ამიტომ, გასაკვირი არ არის მათი სურვილი - კიდევ უფრო მეტად გააქტიურდნენ ქალები ყველა სფეროში.

მუზეუმის რეაბილიტაციას ადგილობრივი თვითმმართველობა აფინანსებს. მისი დასრულება თებერვალშია დაგეგმილი. დამთვალიერებლებს შორის ერთ–ერთი პირველები ბათუმის ამომრჩეველ ქალთა კლუბის წევრები იქნებიან. მათ განახლებულ მუზეუმში  შეხვედრის ჩატარებაც შეეძლებათ, რაც ხელს შეუწყობს კულტურული ურთიერთობების განვითარებას.

პროექტი ხორციელდება აშშ  სახელმწიფო დეპარტამენტის  მხარდაჭერით