...

ლიდერთა სკოლის ხონის ჯგუფმა მრგვალი მაგიდა მოაწყო თემაზე: ძალადობა ბავშვებზე.

- მიზეზები, შედეგები, პრენვენციული ღონისძიებები - შეხვედრა ამ სქემით წარიმართა. მონაწილეებმა დააფიქსირეს, რომ იმ ოჯახებში, სადაც ძალადობა ხდება, ბავშვები პოტენციური მსხვერპლნი ხდებიან. პრევენციულ მექანიზმებში აღინიშნა, რომ აუცილებელია უფრო მასშტაბური და კოორდინირებული მუშაობა ამ პრობლემის წინააღმდეგ, რათა დავიცვათ ბავშვები ნებისმიერი ფორმის ძალადობისაგან.

ღონისძიება 16–დღიანი კამპანიის ფარგლებში ჩატარდა და ყველა მონაწილემ მიიღო კამპანიის ატრიბუტები.

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)

სანამ ოზურგეთის მუნიციპალიტეტის საკრებულოში გამართული შეხვედრა კულმინაციას მიაღწევდა, იყო ლაპარაკი ფონდი „სოხუმის"ოზურგეთის ამომრჩეველ ქალთა კლუბზე, მრავალწლიან თანამშრომლობაზე და დიდ გამოცდილებაზე.

შემდეგ კი ფონდი „სოხუმის" თავმჯდომარემ ალლა გამახარიამ და საკრებულოს თავმჯდომარემ ავთანდილ სურგულაძემ  ხელი მოაწერეს თანამშრომლობის მემორანდუმს.

შეხვედრას ესწრებოდნენ ადგილობრივი თვითმმართველობისა და ფონდი „სოხუმის" წევრები, მასმედიის წარმომადგენლები, გენდერული თანასწორობის ქსელის კოორდინატორი გურიაში.

როგორც შეხვედრაზე ითქვა, ცუდია, რომ დაგვჭირდა საუბარი გენდერზე, მაგრამ ფაქტია, რომ გვჭირდება...

მემორანდუმის ხელმოწერით აქტიურ თანამშრომლობას დაედო საფუძველი. იგრძნობოდა სამომავლო პოზიტიური შედეგებისა და ცვლილებების იმედი. 

https://www.facebook.com/media/set/?set=a.545750898840446.1073741848.228069353941937&type=1

http://guria.tv/2013/11/6047

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

ქუთაისის 29-ე საჯარო სკოლის მე-8 კლასის მოსწავლეები და კლასის  დამრიგებელი ქუთაისის ქალთა მხარდაჭერის ცენტრის ორგანიზებით ეწვივნენ საქართველოს პარლამენტს.

მოსწავლეთა შთაბეჭდილებები:

თამარ ასათიანი: - იმ ბავშვებმა, რომლებმაც დღეს აქ წამოსვლა ვერ მოახერხეს, ბევრი დაკარგეს...

ირინე ჯობავა: - ძალიან კმაყოფილი დავრჩი. მიხარია, რომ პარლამენტი ჩემს ქალაქშია.

სოსო ჩხორთოლია: - ნამდვილად არ ველოდი ასეთ სანახაობას. ძალიან მომეწონა...

ღონისძიება 16–დღიან კამპანიას მიეძღვნა, მოსწავლეებმა საჩუქრად მიიღეს ფონდი „სოხუმის" გამოცემები. მათ აღნიშნეს, რომ პატივისცემით მოეკიდებიან სხვების უფლებებს.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

ხონის ახალგაზრდული ცენტრის ინიციატივით სოფელ ნახახულევის საჯარო სკოლაში ფილმის ჩვენება მოეწყო. 15-წუთიანი ფილმი „ჩემოდანი", რომელიც სოფელში მცხოვრებ გოგონაზეა, ფონდი „სოხუმის" ახალგაზრდებმა გადაიღეს.

ღინისძიების მონაწილეებს მიეწოდათ ინფორმაცია ძალადობის წინააღმდეგ მიმართულ კამპანიაზე და დაურიგდათ საინფორმაციო მასალები.

პროექტი ხორციელდება ორგანიზაცია „ქალები ქალებისათვის"

(Kvinna till Kvinna) მხარდაჭერით (შვედეთი)