22 ნოემბერს ქალაქ
ქუთაისის საკრებულოში ფონდი „სოხუმის" პროექტის „გენდერული საკონსულტაციო საბჭოები
- ქალთა როლის ამაღლება რეგიონებში სოციალური ცვლილებებისათვის" პრეზენტაცია და
საკრებულოსთან თანამშრომლობის მემორანდუმის ხელმოწერა შედგა. შეხვედრას
ესწრებოდნენ ადგილობრივი თვითმმართველობისა და ფონდი „სოხუმის" წევრები, გაეროს
ქალთა ორგანიზაციის კოორდინატორი საქართველოში, მასმედიის წარმომადგენლები.
„დღევანდელი დღე არის დადასტურება ჩვენი თანამშრომლობის ახალი ეტაპისა",
- აღნიშნა საკრებულოს თავმჯდომარემ თამაზ მარგველაშვილმა და გამოთქვა
ღრმა რწმენა, რომ პროექტი წარმატებით განხორციელდება.
თამარ საბედაშვილის სიტყვებით, ფონდი „სოხუმის" პროექტის
მხარდაჭერა გაეროს ქალთა ორგანიზაციის სათაო ოფისის მიერ ხაზს უსვამს ორგანიზაციის
აღიარებას საერთაშორისო დონეზე.
ქ. ქუთაისის მერის მოვალეობის შემსრულებელმა შოთა მურღულიამ აღნიშნა,
რომ ძალიან მნიშვნელოვანია გენდერული თანასწორობის კუთხით სამოქალაქო სექტორისა და
ხელისუფლების თანამშრომლობა: „თუ გვინდა ევროპული ოჯახის წევრი გავხდეთ, ამ
საკითხებზე გარდამავალ პერიოდში უნდა მოხდეს მუშაობა, რათა ხელშესახები შედეგები
მივიღოთ".
შეხვედრა ფართოდ გაშუქდა ადგილობრივი მედიასაშუალებებით.
http://topnews.com.ge/index.php?newsid=969 http://megatv.ge/portfolio/მემორანდუმი-გენდერული-თა/ http://www.psnews.ge/index.php?m=68&news_id=55010
პროექტი ხორციელდება გაეროს
ქალთა ორგანიზაციის გენდერული
თანასწორობის ფონდის მხარდაჭერით | 
