...

ამ სახელწოდების სტატია დაიბეჭდა გაზეთ „თაობაში" (ხონის ახალგაზრდული კავშირების ლიგის ბეჭდვითი ორგანო). მასალას მორიგი შეხვედრის დროს  გაეცნენ ხონის ამომრჩეველ ქალთა კლუბის წევრები და მერამდენედ შეეხნენ გენდერული დისბალანსის პრობლემას.

სტატიის ავტორი გურანდა ცაგურია ფონდი „სოხუმის" ხონის ამომრჩეველ ქალთა კლუბის აქტიური წევრია. კლუბის სხვა წარმომადგენლებთან ერთად ისიც მონაწილეობდა ფართომასშტაბიან აქციაში, რომელიც გენდერული თანასწორობის ქსელმა მოაწყო 15 მაისს, ქუთაისში, საქართველოს პარლამენტის შენობის წინ. 

ხონის ამომრჩეველ ქალთა კლუბის სამოქალაქო ინიციატივის ფარგლებში ადგილობრივ ხელისუფლებასთან მორიგი პანელური დიალოგი გაიმართა. ინიციატივის ხელმძღვანელებმა ისაუბრეს წინა შეხვედრის შემდეგ განხორციელებულ აქტივობებზე, ადგილობრივი ხელისუფლების მიერ გადადგმულ ნაბიჯებზე და იმ სამომავლო გეგმებზეც, რომლებიც თანხვედრაშია კლუბის მიერ ინიცირებულ საკითხებთან.

ითქვა, რომ კლუბის აქტივისტებმა ჩაატარეს საინფორმაციო კამპანია, საზოგადოებას გააცნეს გეგმები, რის შემდეგაც ბუნებრივად მოხდა ინიციატივის გავრცობა. მასზე „მეგა TV"-ს სიუჟეტმაც მოუთხრო მაყურებელს: მოსახლეობამ ხონის შესასვლელში არსებული სკვერის რეაბილიტაციის საკითხი დააყენა და გამოთქვა მზადყოფნა, თვითონაც მიიღოს მონაწილეობა მის კეთილმოწყობაში -  დარგოს ყვავილები და მცენარეები.

გამგებლის მოადგილის, ირაკლი ბახტაძის განცხადებით, ადგილობრივმა ხელისუფლებამ განიხილა ქალთა კლუბის ინიციატივა და დადებითი გადაწყვეტილებაც მიღებულია: ტენდერის დასრულების შემდეგ, გამოთავისუფლებული თანხებით, ქალაქის ბულვარში დაიდგმება ბავშვთა გასართობი ატრაქციონი. მოძიებულია თანხები ბულვარის კეთილმოწყობისთვისაც, რაც კლუბის წევრების მიერ წარმოდგენილი პროექტების მიხედვით განხორციელდება.

„მიმაჩნია, რომ ადამიანმა სრულად უნდა მიიღოს ის კეთილდღეობა, რის საშუალებასაც სახელმწიფო იძლევა და თვითონაც მიიღოს მონაწილეობა მის შექმნაში. ამიტომ დიდ პატივისცემას გამოვხატავ ყოველი სამოქალაქო ინიციატივისადმი, რომელიც ამას ემსახურება", - აღნიშნა ირაკლი ბახტაძემ.

რაც შეეხება სხვა სკვერების რეაბილიტაციას, მოხდება საკითხების შესწავლა და, შესაბამისად, ყველაზე ოპტიმალური გადაწყვეტილებაც მიიღება.

კლუბის ინიციატივის მეტი რეზონანსისთვის პანელური დიალოგი გაშუქდა  „მეგა TV"-ის არხზე, მომზადდა საგაზეთო სტატიაც. ეს საუკეთესო საშუალებაა სამოქალაქო საზოგადოებისა და ადგილობრივი ხელისუფლების თანამშრომლობით მიღწეული შედეგების წარმოჩენისთვის.

პროექტი ხორციელდება საქართველოში აშშ საელჩოს მხარდაჭერით

ამომრჩეველ ქალთა კლუბზე აქცენტი გამახვილდა მოსახლეობის სოციალურად დაუცველი კატეგორიის პრობლემებზე. იმსჯელეს კონკრეტულ ფაქტზე: მზისადარ მარჯანიშვილს, რომელიც კლუბის აქტიური წევრია, წლების წინ დაეწვა სახლ-კარი. ის დღემდე სხვის სახლში ცხოვრობს, რადგან სახელმწიფო სტრუქტურებმა ვერ შეძლეს მისი უზრუნველყოფა საცხოვრებლით.  

მზისადარ მარჯანიშვილმა ხონის ამომრჩეველ ქალთა კლუბს  მიმართა თხოვნით, შუამდგომლობა გაეწიათ სათანადო ორგანოების წინაშე. კლუბმა მოამზადა განცხადება საქართველოს პარლამენტის ჯანდაცვისა და სოციალურ საკითხთა კომიტეტის თავმჯდომარის დიმიტრი ხუნდაძის მისამართით. წერილი საქართველოს პარლამენტის საქმისწარმოების დეპარტამენტში დარეგისტრირდა (განცხადება 20019).

ხონის ამომრჩეველ ქალთა კლუბის მოდერატორის ელისო ჯიქიას თქმით, დაზარალებულს პასუხი ჯერ არ  მიუღია, თუმცა ადვოკატირების ჯგუფს იმედი აქვს, რომ თხოვნა რეაგირების გარეშე არ დარჩება.

პროექტი ხორციელდება დემოკრატიის ნაციონალური ფონდის ( NED) მხარდაჭერით (აშშ)