ფონდი „სოხუმის" ბათუმის ამომრჩეველ ქალთა
კლუბისა და ადგილობრივი ხელისუფლების მორიგ პანელურ დიალოგზე სამოქალაქო ინიციატივის
ფარგლებში ჩატარებული აქტივობები შეფასდა და შემდგომი ერთობლივი ღონისძიებები დაიგეგმა.
მონაწილეთა სიტყვებიდან:
„ბათუმი საკურორტო სეზონისთვის ემზადება,
ამიტომ ძალიან მნიშვნელოვანია, ქალაქის ხელმძღვანელობის პარალელურად, ადგილობრივი მოსახლეობა და
ტურისტებიც ზრუნავდნენ იმისთვის, რომ ქალაქის იერსახე მიმზიდველი იყოს და დაიცვან ეკოლოგიური კულტურა".
„ვერ ვიტყვით, რომ ჩვენ შესაბამისად ვექცევით გარემოს, მაგრამ თუ ასეთი აქციები გაგრძელდა, მას აუცილებლად მოყვება ცვლილება მოქალაქეთა ქცევაში".
„ჩემთვის ეს არ იყო მხოლოდ დასუფთავების ერთჯერადი აქცია ბარცხანას ტერიტორიაზე. ეს იყო საზოგადოების სხვადასხვა სეგმენტის - მოქალაქეთა ჯგუფების,
ახალგაზრდების, ხელისუფლების, მედიის, კერძო სექტორის გაერთიანება საზოგადოებრივად მნიშვნელოვანი საკითხების გარშემო,
რომელსაც კამპანიური ხასიათი უნდა მიეცეს".
„ნამდვილად პატივისცემის ღირსია თქვენი სამოქალაქო ინიციატივა. დარწმუნებული ვარ, ის ახალგაზრდები, რომლებიც აქციაში მონაწილეობდნენ, ხვალინდელი გარემოს დამცველები არიან. ადგილობრივ ხელისუფლებას გვინდა, კიდევ მეტად ჩავერთოთ თქვენს საქმიანობაში და ჩვენი რესურსები შემოგთავაზოთ".
პროექტი ხორციელდება საქართველოში
აშშ საელჩოს მხარდაჭერით | 
