კვირა, 20.10.2019, 03:50
მოგესალმები სტუმარი

...

მთავარი » 2011 » დეკემბერი » 08

 ქალთა მიმართ ძალადობის წინააღმდეგ 16-დღიანი საერთაშორისო კამპანიის ფარგლებში  კოკის საჯარო სკოლაში ხატვის კონკურსი ჩატარდა. კონკურსში მონაწილეობა  მეხუთე - მერვე კლასების 18 მონაწილემ მიიღო. კონკურსის თემა იყო „მშვიდობა შინ - მშვიდობა გარეთ".

მონაწილეებმა დავალება შესანიშნავად შეასრულეს. ჟიურის წევრების მიერ გამოვლენილ სამ გამარჯვებულს სამახსოვრო პრიზები გადაეცა.

 კონკურსის დასასრულს მოსწავლეებმა ახსნეს, თუ რისი თქმა სურდათ თავიანთი ნახატებით:

„ როცა ოჯახში მშვიდობაა - ეს ნიშნავს იმას, რომ მთელს მსოფლიოში ყველაფერი კარგად იქნება."

„მშვიდობაა, როცა ირგვლივ ყველას ერთმანეთი უყვარს."

„მშვიდობა არის  უღრუბლო ცა ჩვენ ზემოთ".

კატეგორია: კონკურსები | ნანახია: 752 | დაამატა: admin | თარიღი: 08.12.2011

ქალთა მიმართ ძალადობის წინააღმდეგ 16-დღიანი საერთაშორისო კამპანიის ფარგლებში ასფალტზე ხატვაში კიდევ ერთი კონკურსი ჩატარდა. მასში  მეოთხე საჯარო სკოლის მეოთხე - მერვე კლასების თხუთმეტი მოსწავლე იღებდა მონაწილეობას.

 

 პირველ ადგილზე ლიზი ხუჭუა, ხოლო მეორე და მესამე ადგილებზე თამაზ კვატანია და ბაჩო თელია გავიდნენ. გამარჯვებულ სამ ნახატს სხვადასხვა პრიზი, ხოლო ყველა მონაწილეს სამახსოვრო საჩუქარი გადაეცა.   

კატეგორია: კონკურსები | ნანახია: 986 | დაამატა: admin | თარიღი: 08.12.2011


გოგონებთან შეხვედრებზე აქტიურად აისახა ქალთა ძალადობის წინააღმდეგ მიმართული 16-დღიანი კამპანიის საკითხები.

აღნიშნული კაპანიიდან გამომდინარე, შეხვედრების თემა იყო: საერთაშორისო და შიდა სამართლებრივი დოკუმენტაცია ქალთა უფლებებთან დაკავშირებით. ეს ინფორმაცია საჭირო და დროული აღმოჩნდა დევნილი გოგონებისათვის.

გვანცა ადამია (სენაკი): „ჩემს თაობას, რომელსაც დევნილის სტატუსი აქვს, აუცილებლად უნდა ჰქონდეს სრული ინფორმაცია საკუთარ უფლებებზე."

ანა ხასია (კოკი): „მე მომწონს შეხვედრებზე დასწრება.  ახალ თვისებებს ვიძენ, საკუთარი თავის რეალიზებას ვსწავლობ."

გოგონებთან ჩატარებულ ოთხ შეხვედრაზე 68 გოგონამ მიიღო მონაწილეობა.


კატეგორია: შეხვედრები | ნანახია: 760 | დაამატა: moderatori | თარიღი: 08.12.2011

ლიდერთა სკოლის პირველკურსელმა ირინა ფუტკარაძემ 16-დღიანი საერთაშორისო კამპანიის ფარგლებში  წყალტუბოს გამგეობაში საინფორმაციო შეხვედრა ჩაატარა. შეხვედრას ესწრებოდნენ წყალტუბოს გამგეობის განათლების, კულტურის, სპორტისა და ახალგაზრდობის საქმეთა და წყალტუბოს მუნიციპალიტეტის კეთილმოწყობის სამსახურების თანამშრომლები.

კატეგორია: შეხვედრები | ნანახია: 937 | დაამატა: admin | თარიღი: 08.12.2011

ფონდი „სოხუმის" ახალგაზრდული თეატრის წარმოდგენები ქალთა მიმართ ძალადობის წინააღმდეგ 16-დღიანი საერთაშორისო კამპანიის ფარგლებში გრძელდება. ამჯერად ფორუმ - თეატრმა თავისი მინი - სპექტაკლები  ქუთაისის აკაკი წერეთლის სახელობის უნივერსიტეტის სტუდენტებსა და შპს „ ქუთაისის ავტოქარხნის" თანამშრომლებს წარუდგინა

ფორუმ - თეატრს ყველგან ინტერესით ელიან და წარმოდგენების შემდეგ მაყურებელი მსახიობებთან ერთად ცდილობს ძალადობის სიტუაციებიდან გამოსავლის პოვნას. დისკუსიების ყველა მონაწილე თანხმდება იმ აზრზე, რომ ძალადობას, როგორც ბოროტებას უნდა ვებრძოლოთ.

კატეგორია: ფორუმ-თეატრები | ნანახია: 715 | დაამატა: admin | თარიღი: 08.12.2011

დეკემბერში კლუბის ოთხი შეხვედრა ჩატარდა ( ფონდი „სოხუმი", ხონი, წყალტუბო, სენაკი ). მასში 75 გოგონა მონაწილეობდა.

შეხვედრებზე გოგონებმა  ქალთა მიმართ ძალადობის  16-დღიანი საერთაშორისო  კამპანიის შესახებ მიიღეს ინფორმაცია, დაურიგდათ კალენდრები. პოსტერები, ბუკლეტები.

ქუთაისში გამართული შეხვედრა განსაკუთრებული იყო, რადგან აფხაზეთზე ფილმის ჩვენება გაიმართა. ღონისძიებაზე მოწვეულ ცნობილ  ტელეჟურნალიტ ნინო ძოწენიძეს გოგონები ინტერესით უსმენდნენ.  

„ პროექტმა გვასწავლა დამოუკიდებლობა, დროის ფასი. აფხაზეთზე მეტის გაგებისა და შესწავლის  სურვილი გაგვიჩნდა",- აღნიშნეს გოგონებმა.

კატეგორია: შეხვედრები | ნანახია: 694 | დაამატა: admin | თარიღი: 08.12.2011


ხურჩის ქალთა მხარდაჭერის ცენტრში 16-დღიანი კამპანიის ფარგლებში შედგა შეხვედრა ფსიქოლოგთან. შეხვედრას ესწრებოდა 17-დან 60-წლამდე ასაკის 18 ქალი. მონაწილეებმა მიიღეს  ინფორმაცია კამპანიასთან დაკავშირებით. შემდეგ ერთმა მონაწილემ შემოგვთავაზა მისი პირადი პრობლემის განხილვა, რაც მშობლებსა და შვილებს შორის კონფლიქტს ეხებოდა. საუბარმა იმდენად საინტერესო ხასიათი მიიღო, რომ შეხვედრის მონაწილეები წასვლას არ ჩქარობდნენ.  

შეკითხვაზე, რას აძლევთ მათ ფსიქოლოგთან შეხვედრები, პასუხი  ერთმნიშვნელოვანი იყო - ჩვენ დავიღალეთ ერთფეროვნებისაგან, თქვენთან ცოდნასაც ვიძენთ და განტვირთვასაც ვახერხებთ.



კატეგორია: შეხვედრები | ნანახია: 640 | დაამატა: moderatori | თარიღი: 08.12.2011


ლიდერთა სკოლის მოსწავლე ლიკა ბარამიამ 16-დღიანი საერთაშორისო კამპანიის ფარგლებში  სანატორიუმ „მედეას" საფეხბურთო მოედანზე ჩაატარა კონკურსი ასფალტზე ხატვაში. კონკურსის თემა იყო „სახლში მშვიდობიდან მსოფლიოში მშვიდობამდე", მასში  10-დან 18-წლამდე 14 მოსწავლე მონაწილეობდა. კონკურსის სამ გამარჯვებულს სხვადასხვა სახის პრიზი გადაეცა.

 



კატეგორია: კონკურსები | ნანახია: 643 | დაამატა: moderatori | თარიღი: 08.12.2011



ფონდი „სოხუმის" წარმომადგენლები ელექტროტექნიკური ლიცეუმისა და „ანკომის" კოლექტიურ ცენტრებში ჩასახლებულ დევნილებთან შეხვედრა, მათი სოციალური და საყოფაცხოვრებო პირობების შესწავლას, დემოგრაფიული მაჩვენებლების დადგენასა და აქტიური ჯგუფების შერჩევას ითვალისწინებდა.

„შეხვედრების მიზანია, დახმარება გაეწიოთ დევნილებს თავიანთი პრობლემების ადვოკატირების მეთოდებისა და შესაძლებლობების შესწავლაში. კოლექტიური ცენტრების დევნილებს უნდა ჰქონდეთ ინფორმაცია ყველა იმ სამართლებლივი საკითხის გარშემო, რომელიც ეხება საცხოვრებელი ბინების რეაბილიტაციას ან ჩასახლებას," - ითქვა შეხვედრაზე.

დევნილებს მიეწოდათ ინფორმაცია განსახლების საკითხთან დაკავშირებით.

ლტოლვილთა და განსახლების სამინისტროს იმერეთის რეგიონული სამმართველოდან მიღებული ინფორმაციით, „ანკომს" ჰყავს კერძო მესაკუთრე, ამ ეტაპზე განსახლების ზუსტი თარიღი არ არის დადგენილი. რაც შეეხება ელექტროტექნიკურ ლიცეუმს, გარემონტდება და დევნილებს გადაეცემა.

დასასრულს დევნილებმა დასვეს შეკითხვები, რომელთა უმრავლესობასაც ადგილზე გაეცა პასუხი.


კატეგორია: შეხვედრები | ნანახია: 851 | დაამატა: moderatori | თარიღი: 08.12.2011

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  დეკემბერი 2011  »
ორსამოთხხუთპარშაბკვ
   1234
567891011
12131415161718
19202122232425
262728293031
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0