ქალთა მიმართ ძალადობის წინააღმდეგ 16-დღიანი საერთაშორისო კამპანიის ფარგლებში ფსიქოლოგი შეხვდა ტოლბუხინის ქუჩაზე №1 კოტეჯში ჩასახლებულ დევნილებს. შეხვედრას ესწრებოდა აფხაზეთიდან დევნილი ცხრა ქალი.
შეხვედრის თემა იყო შიდსი და მისი პრევენცია. თემის გარშემო ინფორმაციის მიღების შემდეგ, ქალებმა ისაუბრეს სოციალურ, საყოფაცხოვრებო პრობლემებზე.
„ დღეს ერთმანეთის მიმართ ძალიან აგრესიულად ვიყავით განწყობილნი, ვინაიდან კოტეჯში კანალიზაცია მოიშალა. თქვენთან შეხვედრამ და საუბარმა კი აგრესიულობა მოგვიხსნა, ერთმანეთთანშეგვარიგა, პრობლემებიც უფრო მსუბუქი მოგვეჩვენა. რა კარგია, რომ ეს პროგრამა არსებობს ",- აღნიშნეს შეხვედრის მონაწილე ქალებმა.
კლუბის შეხვედრაზე აქცენტი ქალთა მიმართ ძალადობის წინააღმდეგ 16-დღიან მსოფლიო კამპანიაზე გაკეთდა.
შეხვედრის მონაწილე ქალბატონებმა ადგილობრივ პრობლემებზე და მათი გადაჭრის გზებზე ისაუბრეს. ყველაზე აქტუალური მაინც ოჯახში ძალადობის პრობლემაა. ქალბატონმა მანანა შულაიამ აღნიშნა, რომ ოჯახში ძალადობას მძიმე სოციალურ-ეკონომიკური ფონი დაგანათლების დაბალი დონე იწვევს, ქალთა უმრავლესობა საკუთარი უფლებების დაცვას ვერ ახერხებს.
აღნიშნული პრობლემების გადაჭრას ადვოკატირების ხუთკაციანი ჯგუფი ადგილობრივ თვითმმართველობასთან, მედიასა თუ არასამთავრობო სექტორთან თანამშრომლობით აპირებს.
დასასრულს ფონდი „სოხუმის" წარმომადგენელმა მირანდა გვანცელაძემ ლიდერი ქალების მონაცემთა ბაზის შექმნაზე ისაუბრა.
ლიდერთა სკოლის მოსწავლე ანა ყურაშვილმა ქალთა
მიმართ ძალადობის წინააღმდეგ 16-დღიანი საერთაშორისო კამპანიის ფარგლებშიწყალტუბოს შვიდ სანატორიუმში („მედეა",
„საქართველო", „თბილისი", „ინტურისტი",
„მეგობრობა", „აია", „კოლხეთი") ჩაატარა შეხვედრები.
ნიკეას დევნილთა სკოლის მოსწავლეები 16-დღიან
საერთაშორისო კამპანიაში ფონდ „სოხუმის" ფორუმ-თეატრის მინი-სცენებით ჩაერთნენ. მოსწავლეები
ფორუმ -თეატრის წარმოდგენებით იმდენად დაინტერესდნენ, რომ ცდილობდნენ თავიანთი სიტყვა
ეთქვათ, სცენის მსვლელობაზე, ან სულაც ფინალზე, გავლენა მოეხდინათ. მსჯელობდნენ
იმაზე,თუ როგორ შეძლებდნენ მსგავსი დაძაბული
სიტუაციების განმუხტვას,ძალადობისაგან
თავის დაღწევას.
„ასეთი სცენების ხილვა ხელს უწყობს ჩვენს სწრაფვას
მშვიდობიანი - არაძალადობრივი ურთიერთობებისაკენ. თუ ოჯახებში არ იქნება ძალადობა,
ვფიქრობთ, ჩვენი მომავალიც დაცული იქნება",- ასეთია მოსწავლეების აზრი.
