|
დღეს გაიმართა სენაკის გენდერული საკონსულტაციო საბჭოს მე-11 სხდომა, რომლის შედეგად მიღებულ იქნა ქალაქის გენდერული პოლიტიკის გეგმა, რომელიც ბოლო თვეების მანძილზე შეიმუშავა გენდერულმა საბჭომ გენდერული თანასწორობის ეროვნული სამოქმედო გეგმის საფუძველზე. უნდა აღინიშნოს, რომ ზოგიერთი ამოცანა, რომელიც გენდერული საკონსულტაციო საბჭოს გეგმაშია შესული, უკვე გათვალისწინებულია სენაკის 2015 წელს ბიუჯეტში.
დღის წესრიგის თანახმად, საბჭოს წევრებმა წარმოადგინეს მოკლე ანგარიშები 2014 წლის ბიუჯეტის გენდერული მონიტორინგის თაობაზე, რომელიც მათ ოქტომბერში განახორციელეს. საბჭოს წევრების თქმით, მონიტორინგის დროს მათ საშუალება ჰქონდათ, ერთმანეთისთვის შეედარებინათ 2012 და 2013 წლების ბიუჯეტები და გენდერული ასპექტების გათვალისწინებით შეემუშავებინათ რეკომენდაციები 2015 წლის ბიუჯეტისთვის.
საბჭოს თავმჯდომარემ ნანა ალანიამ შეკრებილებს გააცნო საბჭოს პროექტის საბოლოო ვარიანტი, რომელიც მიმართულია სენაკის საბავშვო ბაღების პედაგოგებისა და ახალგაზრდა მშობლების ინფორმირებულობის გაზრდისაკენ გენდერის, ძალადობისა და ეკოსანიტარიის საკითხებზე.
პროექტი უკვე განიხილეს და მოიწონეს საკრებულოს სხდომაზე. ეს იმას ნიშნავს, რომ სენაკის საკრებულო მზადაა პროექტის თანადაფინანსებისათვის ფონდ „სოხუმთან“ ერთად.
პროექტი ხორციელდება გაეროს ქალთა ორგანიზაციის
გენდერული თანასწორობის ფონდის მხარდაჭერით
|
