- ჩვენი სამოქალაქო ინიციატივა ეხებოდა როგორც კონკრეტული პრობლემის მოგვარებაში მონაწილეობას და მის გადაწყვეტაში ადგილობრივი ხელისუფლების ჩართვას, ასევე მოქალაქეობრივი თვითშეგნების ამაღლებას, ახალგაზრდებში გარემოსდაცვითი ჩვევების აღზრდას. ჩვენდ ასასიხარულოდ, ჩვენი აქტივობები დაემთხვა იმას, რომ გარემოს დაცვის სამინისტროს მიერ წლევანდელი ივნისი „მწვანე თვედ" იყო გამოცხადებული. თითქმის მთელი თვის განმავლობაში კლუბის აქტივისტები, სკოლის მოსწავლეები ატარებდნენ კამპანიას, სისტემატიურ მონიტორინგს, რომელმაც თავისი შედეგები გამოიღო. ამას ცხადყოფს ჩვენს მიერ წარმოდგენილი მასალებიც, საზოგადოების შეფასებაც, რომელიც პატივისცემით მოიკიდა ახალგაზრდების ძალისხმევას, - აღნიშნეს
ინიციატივის ორგანიზატორებმა.
ინიციატივაში ჩართულმა ახალგაზრდებმა სტუმრებს თავიანთ საქმიანობაზე
მოუთხრეს და შთაბეჭდილებებიც გაუზიარეს: „ფოტოაპარატით „შეიარაღებულ" ჩვენს მონიტორინგის ჯგუფს
ყველა უფრთხოდა". „5 ივნისს, გარემოს დაცვის საერთაშორისო დღეს, ლამის მთელი სოფელი
მოვიარეთ ტრანსპარანტებით. ყველას ყურადღება მივიქციეთ".
პანელური დიალოგის მონაწილე ადგილობრივი ხელისუფლების წარმომადგენლებმა და საქართველოს მწვანეთა მოძრაობის წევრებმა ინიციატივის
ჯგუფს თანადგომა შესთავაზეს ნოქალაქევის დასუფთავების აქციაში.
პრობლემით ადგილობრივი მედიაც დაინტერესდა - მომზადდება საგაზეთო სტატიები ინიციატივის
მიმდინარეობასთან დაკავშირებით.
პროექტი ხორციელდება საქართველოში აშშ საელჩოს მხარდაჭერით | 
