...

ხონის ქალთა მხარდაჭერის ცენტრში მოეწყო ფილმის - „საფეხურები" ჩვენება.  წამყვანის შეკითხვებს - როგორ მოიქცეოდნენ ისინი მსხვერპლის ადგილას? როგორ შეცვლიდნენ თიოეული გმირის საქციელს, რამდენად იყო შესაძლებელი ძალადობის თავიდან აცილება? - აუდიტორიისგან საინტერესო პასუხები მოჰყვა. მონაწილეთა აზრით, თუ ძალადობას ხელი არავინ შეუშალა, ის უბრალო მიზეზითაც შეიძლება სწრაფად განვითარდეს და ნეგატიურად დამთავრდეს. ამიტომ დროულად უნდა მოხდეს მიზეზების ლიკვიდირება. 

შეხვედრის მონაწილეებმა ხაზგასმით ისაუბრეს მსგავსი შეხვედრების პოზიტიურ გავლენაზე მისი გაგრძელების აუცილებლობაზე ისაუბრეს.

ფონდი „სოხუმის"ფორუმ-თეატრმა კამპანიის ფარგლებში ქუთაისში არსებულ მოხუცთა თავშესაფარს უმასპინძლა.

ძალადობის თემაზე შექმნილმა წარმოდგენებმა მოხუცები განსაკუთრებით ააფორიაქა. დისკუსიისას აღინიშნა, რომ ბევრმა მათგანმა სცენარში საკუთარი თავი იპოვა. სცენარის ჩვენების შემდეგ გამოსავალზე ფიქრი ყველამ ერთად დაიწყო. ერთ-ერთმა ბებიამ მსახიობის როლიც მოირგო და შეკრებილებს აჩვენა, როგორ შეცვლიდა არსებულ სიტუაციას უკეთესობისკენ.

ღონისძიებამ განსაკუთრებული შთაბეჭდილება დატოვა. შეკრებილები კმაყოფილები დარჩნენ და სურვილი გამოთქვეს მსგავსი თანამშრომლობა  ფონდ „სოხუმთან" მომავალშიც გაგრძელდეს.

შეკრებილებს მიეწოდათ ინფორმაცია 16-დღიან კამპანიაზე, დაურიგდათ შესაბამისი ატრიბუკა: კალენდრები, პოსტერები, კამპანიის სიმბოლო თეთრი ლენტები. 

-  მივესალმებით იმ ფაქტს, რომ საშუალება გვაქვს ძალადობის წინაღმდეგ მიმართულ 16-დღიან საერთაშორისო კამპანიში მივიღოთ მონაწილეობა და საკუთარი პოზიცია დავაფიქსიროთ. ძალადობა ბოროტებაა და მის წინააღმდეგ მთელი მსოფლიო უნდა გაერთიანდეს.- ასეთი იყო იმ ახალგაზრდების პოზიცია, რომლებმაც ქუთაისში გამართულ საინფორმაციო შეხვედრაში მიიღეს მონაწილეობა.

ახალგაზრდა გოგონები აპირებენ ინფორმაციები აღნიშნულ კამპანიაზე საკუთარ საცხოვრებლებშიც (კოლექტიურ ცენტრებშიც) გაავრცელონ.