|
|
პრეს-რელიზი
2012 წლის 25 ნოემბერი
ფონდი „სოხუმი" უერთდება საერთაშორისო საინფორმაციო კამპანიას
„16 აქტიური დღე ქალთა მიმართ ძალადობის წინააღმდეგ" |
|
ფონდი „სოხუმი" 25 ნოემბრიდან 10 დეკემბრამდე ტრადიციულად ერთვება ყოველწლიურ საერთაშორისო-საინფორმაციო კამპანიაში ქალთა მიმართ ძალადობის წინააღმდეგ.
1991 წელს დაწყებული საერთაშორისო კამპანიის ძირითადი ლოზუნგია - „ბოლო მოვუღოთ ქალთა მიმართ ძალადობას".
„სახლში მშვიდობა" ეხმიანება „მსოფლიოში მშვიდობას", ამიტომაც აერთიანებს კეთილი ნების ადამიანებს კამპანიის 2012 წლის სლოგანი „სახლში მშვიდობიდან - მსოფლიოში მშვიდობამდე".
ფონდი „სოხუმის" ორგანიზებით დასავლეთ საქართველოს ქალაქებში, რაიონებში, სოფლებში (ქუთაისი, წყალტუბო, ხონი, ფოთი, ოზურგეთი, ბათუმი, სენაკი, ზუგდიდი, ხურჩა, კოკი) ფონდის წევრები, მოხალისეები, ახალგაზრდა ლიდერები, პარტნიორები და ბენეფიციარები გეგმავენ საინფორმაციო აქციებს, რომლის დროსაც გავრცელდება კამპანიისთვის საგანგებოდ შექმნილი საინფორმაციო ფურცლები, პოსტერები, კალენდრები.
კამპანიის ფარგლებში გაიმართება შეხვედრები ადგილობრივ და ცენტრალურ სახელისუფლებო სტრუქტურებთან, საზოგადოების სხვადასხვა ჯგუფთან; ჩატარდება მრგვალი მაგიდები, დებატები, ფილმების ჩვენება და დისკუსიები, სატელევიზიო და რადიოგადაცემები, ფორუმ-თეატრის წარმოდგენები, ქალთა ნამუშევრების გამოფენა; მთელი კამპანიის განმავლობაში სხვადასხვა მედიასაშუალებით გავა სოციალური კლიპები.
კამპანიის სულისკვეთებას ეხმიანებიან და სხვადასხვა ფორმით ერთვებიან სოციალური ინსტიტუტები, კერძო კომპანიები, კულტურის, ჯანდაცვისა და საგანმანათლებლო დაწესებულებები.
კამპანიის სახეა საფეხბურთო კლუბი „ტორპედო ქუთაისი”
კამპანიის საერთო თემა ემსახურება საზოგადოების ცნობიერების ამაღლებას იმ მიმართულებით, რომ საჭიროა სისტემატიური ძალისხმევა ძალადობისაგან ქალთა დაცვისათვის, ძალადობრივი და მილიტარისტული ცნობიერების გარდაქმნისა და მეტი პარტნიორობისათვის სამართლიანი და მშვიდობიანი საზოგადოების შენების პროცესში.
საკონტაქტო ინფორმაცია:
კულტურულ-ჰუმანიტარული ფონდი "სოხუმი”
ქუთაისი, მგალობლიშვილის 6. ტ. 27-29-02
women@fundsokhumi.ge
