...

25 ნოემბერს ოზურგეთის ამომრჩეველ ქალთა კლუბის წევრებმა  მონაწილეობა მიიღეს ნაციონალური სამზარეულოს ფესტივალში, რომელიც გაიმართა სოფელ ხურჩაში,  აფხაზეთის ადმინისტრაციულ საზღვართან.

ფესტივალზე გამოფენილი იყო ქართლური, იმერული, აფხაზური, ოსური, მესხური, სვანური, რუსული კერძები.

ოზურგეთის ამომრჩეველ ქალთა კლუბის წევრებმა  უგემრიელესი გურული კერძებით - საცივი, ღვეზელი, კეცის მჭადი, ყველი, ქოთნის ლობიო - უმასპინძლეს მონაწილეებს.

ფესტივალის სტუმრებმა გურული ღვინოც დააჭაშნიკეს.

გურულმა სამზარეულომ განსაკუთრებული მოწონება დაიმსახურა და ფონდი „სოხუმის"  აქტივისტი ქალბატონები სერთიფიკატითაც დაჯილდოვდნენ...

ამ ფორმით  დაიწყო ფონდმა „სოხუმმა" მონაწილეობა კამპანიაში „16 აქტიური დღე ქალთა მიმართ ძალადობის წინააღმდეგ".

აქციას ზუგდიდში დიდი გამოხმაურება მოჰყვა... ცენტრალურ ქუჩებში დარიგდა საინფორმაციო ფურცლები, კალენდრები. მოსახლეობამ საკუთარი მხარდაჭერა ცალსახად დააფიქსირა. ისინი მზად არიან აქტიურად ჩაერთონ მსოფლიო კამპანიაში და პროტესტი გამოუცხადონ ძალადობას.

ცხუმ-ეგრისის კოლეჯის, ასევე კიევის უნივერსიტეტის ფილიალის სტუდენტებთან ჩატარდა საინფორმაციო შეხვედრა, მონაწილეებს მიეწოდათ ინფორმაცია ძალადობის  წინააღმდეგ მიმართულ კამპანიასთან დაკავშირებით.