...

- ინტეგრაცია და საზოგადოებრივი სტერეოტიპები - ამ თემის ირგვლივ დისკუსიისათვის ფონდ „სოხუმში" 30-მდე ახალგაზრდა შეიკრიბა. შეხვედრის პირველ ნაწილში ნაჩვენები იქნა ფონდის მოხალისეთა ჯგუფის მიერ შექმნილი ფილმი „საფეხურები".

ჩვენებას დისკუსია მოჰყვა. მონაწილეთა აზრით, ინტეგრაცია მტკივნეული თემაა და საზოგადოებაში არსებული სტერეოტიპები ხშირად ხელს უწყობენ ადამიანის უფლებების დარღვევას. ანალიზის შემდეგ გამოსავლზეც იფიქრეს და აღნიშნეს, რომ  აუცილებლია იმ მავნე სტერეოტიპების მსხვრევა,რომელსაც ძალადობამდე მივყევართ. 

შეხვედრა კამპანიის ფარგლებში მოეწყო, ახალგაზრდები ცალსახა პროტესტს გამოთქვამენ და მზად არიან მეტი აქტიურობით ჩაერთონ ძალადობის პრობლემის წინააღმდეგ.

ხონის ქალთა მხარდაჭერის ცენტრში ლიდერთა სკოლის მოსწავლეების მიერ ჩატარდა მრგვალი მაგიდა თემაზე „არაძალადობრივი კულტურა საზოგადოებაში".

შეხვედრაში მონაწილეობდნენ ადგილობრივი თვითმმართველობის, არასამთავრობო ორგანიზაციების წარმომადგენლები, სტუდენტები, სკოლის მოსწავლეები, მშობლები. ფსიქოლოგები...

მონაწილეებმა ხაზგასმით ისაუბრეს საკუთარ პასუხისმგებლობაზე. მათი თქმით, აუცილებელია საზოგადოებაში არაძალადობრივი კულტურის დანერგვა, რაშიც ყველა რგოლმა, ყველა სტრუქტურამ აქტიურად უნდა იმუშაოს.

- რა სამართლებრივი მექანიზმები და რომელი საერთაშორსო დოკუმენტები არსებობს ქალთა მიმართ ძალადობის წინააღმდეგ. რამდენად იცნობენ ამ დოკუმენტებს ახალგაზრდა გოგონები - ამ საკითხების განხილვით დაიწყო საინფორმაციო შეხვედრა, რომელიც წყალტუბოში, ქალთა მხარდაჭერის ცენტრში გაიმართა. მასში 14 გოგონა მონაწილეობდა. როგორც გაირკვა, მონაწილეთა უმრავლესობამ პირველად მოისმინა ინფორმაცია 16-დღიან მსოფლიო კამპანიაზე, ამიტომაც ისინი დიდი ინტერესით გაეცნენ საინფორმაციო ფურცლებს, დაათვალიერეს კალენდრები, პოსტერები... გაიკეთეს თეთრი ლენტები და აღნიშნული ღონისძიებით ძალადობის მიმრთ გამოთქმულ მსოფლიო პროტესტს შეუერთდნენ.  

წყალტუბოში სანატორიუმ „მეტალურგში" მოეწყო საინფორმაციო შეხვედრა დევნილ ქალებთან. მათ მიეწოდათ ინფორმაცია კამპანიის მიმდინარეობაზე. დაურიგდათ საინფორმაციო ფურცლები, კალენდრები, პოსტერები... მონაწილეებმა სოლიდარობის ნიშნად გაიკეთეს თეთრი ლენტები.

ამავე შეხვედრაზე პარალელურად გაიმართა ფსიქოლოგისა და იურისტის კონსულტაციები.

 ფსიქოლოგმა მონაწილეებთან ისაუბრა  ოჯახური ძალადობის თემაზე, ადამიანებს შორის არსებულ ურთიერთობის დეფიციტზე, რომელიც ხშირად კონფლიქტების წარმოქმნას ხელს უწყობს.

იურისტის კონსულტაციების დიდი ნაწილი სოციალურ პრობლემებს შეეხებოდა. შეკრებილებს განემარტათ ის სამართლებრივი მექანიზმები, რომელიც ამ თუ იმ პრობლემის მოსაგვარებლად შეიძლება იქნეს გამოყენებული.