ამომრჩეველ ქალთა კლუბის შეხვედრა ბათუმში, დემოკრატიის ჩართულობის ცენტრში გაიმართა, რომელსაც 20 ქალბატონი დაესწრო.
მოდერატორმა ნათია კიკვაძემ კლუბის წევრებს გააცნო ინფორმაცია პროექტის გაგრძელების შესახებ.
შეკრებილებმა მიიღეს ინფორმაცია მოახლოებულ მსოფლიო კამპანიაზე, მასში აქტიურად ჩაერთვებიან კლუბის წევრებიც. ჩაატარებენ ამომრჩეველ ქალთა კლუბის შეხვედრებს, მონაწილეობას მიიღებენ აქციაში: მერიის შენობაში და ცენტრალურ ქუჩებზე გააკრავენ პლაკატებს.
მონაწილეებმა ცალსახად დააფიქსირეს, რომ ძალადობა ქალთა მიმართ ბოროტებაა და მსოფლიო პროტესტს საკუთარ ხმასაც შეუერთებენ.
კლუბის წევრები მზად არიან აქტიურად იმუშაონ ადგილობრივი პრობლემების გადასაჭრელად. ამისათვის ადვოკატირების ხუთკაციანი ჯგუფი იმუშავებს.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
