ოთხშაბათი, 16.10.2019, 02:48
მოგესალმები სტუმარი

...

მთავარი » 2014 » მაისი » 07

მაისში გოგონებთან შეხვედრის თემაა  „ტრეფიკინგი და მისი დამცავი მექანიზმები“. უკვე ჩატარდა სამი შეხვედრა - ქუთაისის (1-ლი მაისი), ფოთის (5 მაისი) და წყალტუბოს (7 მაისი)  ქალთა მხარდაჭერის ცენტრებში.

ტრეფიკინგი მეტად აქტუალური პრობლემაა, ამიტომაც თემის განხილვას აქტიური დისკუსია და რეალური მაგალითები მოჰყვა.

ერთ-ერთმა მონაწილემ აღნიშნა: „ჩვენ გვიწევს საზღვარგარეთ გასვლა გაცვლითი სასწავლო  პროექტებით და  მეტი უნდა ვიცოდეთ დამცავი მექანიზმების შესახებ, რომ არ გავხდეთ ტრეფიკინგის მსხვერპლი“. 

 

 პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: შეხვედრები | ნანახია: 602 | დაამატა: admin | თარიღი: 08.05.2014

ქალთა მშვიდობისმყოფელობა, ადამიანური უსაფრთხოების გენდერული კომპონენტები, ადგილობრივი რეალობა ქალთათვის შრომის უფლების დაცვის კუთხით, ოჯახში ძალადობისგან დაცვა - როგორც გენდერული უსაფრთხოების უმნიშვნელოვანესი საკითხი; სახელმწიფოს ანგარიშვალდებულება აღებული პასუხისმგებლობების მიმართ; ეკოლოგიური პრობლემები ქალაქში და ამ კუთხით სამოქალაქო აქტივობების მნიშვნელობა; დევნილთა ინტეგრაციისა და სოციალური ადაპტაციის კუთხით არსებული სირთულეები; ქალთა სხვადასხვა თაობა - განსხვავებული ხედვებით ამა თუ იმ ცხოვრებისეულ საკითხზე და ცხარე დისკუსიებში მიღწეული კონსესუსი.

ფოთის ქალთა მხარდაჭერის ცენტრში ჩატარებული ვორკშოპი მეოთხეა პროექტის „ქალები და გოგონები - მშვიდობის, უსაფრთხოებისა და სოციალური სამართლიანობისათვის“ ფარგლებში და მან კიდევ ერთხელ გახადა  ხელშესახები ის პრობლემები, რომლებსაც  ჩვენს საზოგადოებაში აწყდებიან ქალები და რომელთა გამოსწორებაც მათ მოქალაქეობრივ აქტიურობაზეც არის დამოკიდებული; საერთაშორისო გამოცდილების ფონზე გამოკვეთა ქალთა სამშვიდობო მონაწილეობის მნიშვნელობა და რეზონანსი.   

 

პროექტი ხორციელდება ორგანიზაციაქალები ქალებისათვის

(Kvinna till Kvinna) მხარდაჭერით (შვედეთი)

 

კატეგორია: ვორკშოპები | ნანახია: 493 | დაამატა: admin | თარიღი: 08.05.2014

-რამდენად მნიშვნელოვანია ხმის მიცემის პროცესი, რას ნიშნავს მოქალაქის ერთი ხმა, როგორ ვაკეთებთ არჩევანს, - ამ საკითხებზე საინტერესო დებატები გაიმართა წყალტუბოს დებატ-კლუბზე.  გამოითქვა სხვადასხვა მოსაზრება:ერთი ნაწილი თვლის, რომ ახალგაზრდებში ნიჰილისტური დამოკიდებულებაა არჩევნებთან დაკავშირებით, რადგან ჰგონიათ, რომ მათი ხმა არაფერს ნიშნავს, არაფერს შეცვლის და - არც არჩევნებში მონაწილეობენ.

მეორე ნაწილის აზრით, ამის მიზეზი ის არის, რომ არ არსებობს შესაბამისი განათლება, არა აქვთ გაცნობიერებული არჩევნების მნიშვნელობა.

დებატებს ესწრებოდა წყალტუბოს საკრებულოს წევრი კახა ფანცხავა, რომელმაც კომპეტენტური პასუხები გასცა შეკითხვებს და ახალგაზრდებს მნიშვნელოვანი ინფორმაციები მიაწოდა ადგილობრივი თვითმმართველობის მუშაობაზე.

 

პროექტი ხორციელდება ორგანიზაციაქალები ქალებისათვის

(Kvinna till Kvinna) მხარდაჭერით (შვედეთი)

 

კატეგორია: საზოგადოებრივი დებატები | ნანახია: 510 | დაამატა: admin | თარიღი: 07.05.2014

მოახლოებული ადგილობრივი თვითმმართველობის არჩევნები განხილვის საგნად იქცა ხონის ახალგაზრდულ დებატ-კლუბზე. დასაწყისში მონაწილეებს  მიეწოდათ ინფორმაცია საარჩევნო სისტემაზე, როგორ და რა ვადით ირჩევა ადგილობრივი თვითმმართველობა, რას ნიშნავს საკრებულო, როგორ ხდება მისი დაკომპლექტება.

დებატებზე დაფიქსირდა, რომ ახალგაზრდები უფრო აქტიურად უნდა იყვნენ ჩართული საარჩევნო პროცესებში, რადგან  ეს პროცესები ბევრადაა დამოკიდებული მათ ხვალინდელ დღეზე.

-როგორ ხელისუფლებასაც ავირჩევთ იგივე შედეგები გვექნება, ამიტომ მნიშვნელოვანია გავაცნობიეროთ, რა პროგრამებს გვთავაზობენ კანდიდატები და არჩნევანიც შესაბამისად უნდა გავაკეთოთ.- ითქვა დებატებზე.

იმავე დღესვე დაიგეგმა, ახალგაზრდები უახლოეს დღეებში ხონის ადგილობრივ თვითმართველობას ესტუმრებიან და საკრებულოს სტრუქტურას, მის მუშაობას გაეცნობიან.

 

პროექტი ხორციელდება ორგანიზაციაქალები ქალებისათვის

(Kvinna till Kvinna) მხარდაჭერით (შვედეთი)

 

კატეგორია: საზოგადოებრივი დებატები | ნანახია: 466 | დაამატა: admin | თარიღი: 07.05.2014

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  მაისი 2014  »
ორსამოთხხუთპარშაბკვ
   1234
567891011
12131415161718
19202122232425
262728293031
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0