...

ივლისში ქალთა მხარდაჭერის სენაკის, ფოთის, წყალტუბოს, ქუთაისისა და ხონის ცენტრებში  ჩატარდა შეხვედრები რეპროდუქტიული ჯანმრთელობის თემებზე. დევნილ ქალებს განსაკუთრებით აინტერესებდათ ენდოკრინულ დაავადებებთან, კერძოდ, ფარისებრ ჯირკვალთან ( ჩიყვთან) დაკავშირებული საკითხები.  ბოლო ათწლეულში ენდოკრინული დაავადებების სტრუქტურაში ფარისებრი ჯირკვლის  დაავადება განუხრელად პროგრესირებს.  გამოკვლევების თანახმად, უახლოეს მომავალში მოსალოდნელია ამ დაავადებათა რიცხვის ზრდა. შეხვედრებზე რეპროდუქტოლოგი მონაწილეთ  აღნიშნული დაავადების გართულების თავიდან აცილების გზებზე ესაუბრა, პრაქტიკული რჩევები მისცა. - ფარისებრ ჯირკვალთან და ქალთა რეპროდუქტიულ სისტემასთან დაკავშირებული საკითხები, დიდ თეორიულ და პრაქტიკულ ინტერესს იწვევს  არა მხოლოდ საერთო-კლინიკური, არამედ გინეკოლოგიური ენდოკრინოლოგიის თვალსაზრისითაც,-ითქვა შეხვედრებზე.   აღნიშნულ და სხვა საკითხებთან დაკავშირებით ჩატარებული კონსულტაციები  დევნილ ქალებს ეხმარება მეტი მზრუნველობით მოეკიდონ თავიანთ ჯანმრთელობას.

„თქვენი მუშაობა მეტად შთამბეჭდავია. თქვენ საკმაოდ გაძლიერდით, თანამშრომლობთ ადგილობრივ მთავრობასათან და პოლიტიკურ პარტიებთან. დარწმუნებული ვარ, ეს თანამშრომლობა ბევრად გააუმჯობესებს იმ ადამიანების ცხოვრებას, ვისთვისაც თქვენ მუშაობთ." - მარ­ტა ბერ­ტის (დე­მოკ­რა­ტი­ის ეროვ­ნუ­ლი ფონ­დის ( NED) კო­ორ­დი­ნა­ტო­რი სამხრეთ კავ­კა­სი­ა­ში) ამ შეფასებით იწყება ჟურნალის ახალი ნომერი. ცალკეული მასალა კონკრეტულ საქმეებზე უამბობს მკითხველს: რვა ქალაქში არსებული ამომრჩეველ ქალთა კლუბების აქტიურობაზე, ადგილობრივი მნიშვნელობის პრობლემების ადვოკატირებაზე, ფონდი „სოხუმის" საკანონმდებლო ინიციატივაზე. წარმოაჩენს იმ ქალთა პორტრეტებს, რომელთა ცხოვრებაშიც ფონდი „სოხუმის" დახმარებით სასიკეთო ცვლილებები მოხდა ბოლო წლების მანძილზე. ჟურნალი, როგორც ყოველთვის, ამჯერადაც უხვადაა ილუსტრირებული -  ფოტორკორესპონდენტ მანანა ლეშკაშელის ფოტოები კიდეც უფრო აძლიერებს ჟურნალის სათქმელს...    Download_GEO>>> Download_RUS>>>

ქუთაისის, სენაკის, წყალტუბოს, ხონის, ფოთისა და ხურჩის ქალთა მხარდაჭერის ცენტრებში 6 შეხვედრა-კონსულტაცია ჩატარდა. შეხვედრებში მონაწილეობა მიიღო 17-დან 48 წლამდე ასაკის 119 ქალმა. დევნილმა გოგონებმა დედებისა და ქალიშვილების ურთიერთობებში არსებული პრობლემური საკითხები წამოწიეს: -დედაჩემი ძალიან თავშეკავებული, მკაცრი ქალია. მე მისგან შექება არასოდეს მიმიღია, მხოლოდ მკაცრი შენიშვნები და კრიტიკა. უმრავლეს შემთხვევაში-უსამართლო. ეს ძალიან უშლის ხელს ჩვენს ურთიერთობებს. ასე მგონია, თითქოს მას შურს ჩემი, - თქვა შეხვედრის მონაწილე გოგონამ. -ზოგჯერ დედებს შეიძლება ჰქონდეთ შვილების მიმართ მსგასი გრძნობები, მაგრამ მიზეზი შეიძლება იყოს მრავალგვარი. მაგალითად, დედის მიერ ცხოვრებაში ხელიდან გაშვებული შანსი. გაგება იმისა, თუ რას გრძნობს ამ დროს დედა, შეუძლია მხოლოდ იმას, ვისაც ეს თვითონ გამოუცდია. ის თითქოს გაორებულია: ერთი მხრივ ამაყობს; მეორე მხრივ, წუხს, რომ მისი ცხოვრების საუკეთესო წლები უკანაა. თქვენ აუცილებლად უნდა ვაგრძნობინოთ მას, რომ დედას თქვენს ცხოვრებაში გარკვეული როლი უჭირავს... და თქვენ გამონახავთ საერთო ენას,-ურჩევს ასეთი პრობლემური ურთიერთობების მქონე დედებსა და გოგონებს ფსიქოლოგი.   პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.