|
- ჩვენ უკვე ვიცით პრობლემის გადასაჭრელად თუ ვის, სად და როგორ უნდა მივმართოთ, ჩატარებული ვორკშოპებით ვიძენთ საჭირო უნარ-ჩვევებს,-აცხადებენ ამომრჩეველ ქალთა კლუბის წევრები.
- ვეცნობით კანონით მინიჭებულ უფლებებს, საკანონმდელო ცვლილებებს, სიახლეებს სხვადასხვა სფეროში.
ფონდი „სოხუმის" იურისტმა ინგა მაღლაფერიძემ საარჩევნო კოდექსში მოსალოდნელ ცვლილებებზე ერთსაათიანი ვორკშოპი ჩაატარა.
კლუბის წევრების აზრით, კარგი იქნება, თუ საარჩევნო კოდექსი დაიხვეწება. უნდა გადამოწმდეს სიები, გადამზადდნენ კომისიის წევრები, გაიზარდოს საერთაშორისო დამკვირვებელთა ფუნქცია-მოვალეობები.
კლუბის წევრთათვის განსაკუთრებით საინტერესო იყო ფონდი „სოხუმის" წარმომადგენელის მიერ მიწოდებული ინფორმაცია რუსი ფოტოხელოვანის ვიქტორია ივლევას ფოტოგამოფენის შესახებ.
-ვიქტორია ივლევას ომის ამსახველმა 43-მა შავ-თეთრმა ფოტომ დამთვალიერებელთა დიდი ინტერესი გამოიწვია. აღნიშნულმა გამოფენამ კიდევ ერთხელ გაუსვა ხაზი ომის საშინელებას, კიდევ ერთხელ დაგვაფიქრა მშვიდობის არსსა და მნიშვნელობაზე. | 
