გოგონათა კლუბმა „მინდა ყველაფერი ვიცოდე აფხაზეთის შესახებ" საინტერესო
შეხვედრა გამართა. შეხვედრის თემა იყო ჟურნალისტიკა და მშვიდობისმყოფელობა. მოწვეულნი
იყვნენ ჟურნალისტები, პოეტები.მონაწილეებმა ისაუბრეს მშვიდობისმყოფელობაში მედიის განსაკუთრებულ
მნიშვნელობაზე.
ლალი შენგელიამ, რომელიც წლების განმავლობაში მუშაობდა ჟურნალისტად გაზეთებში
„სამრეკლო", „დროშა", მონაწილეებს მოუთხრო
თუ როგორი ურთიერთობა არსებობდა ქართველ და აფხაზ ჟურნალისტებს შორის.
ისაუბრა იმ ბეჭდვით გამოცემებზე, რომელიც
იქმნებოდა ქართველი და აფხაზი ჟურნალისტების მიერ და წლების განმავლობაში
პოპულარული იყო აფხაზეთში. შეეხო მშვიდობისმშენებლობაში მედიის განსაკუთრებულ
როლს.
ნათელა მამარდაშვილმა საინტერესო
ისტორიები გაიხსენა აფხაზ მწერლებზე, შემოქმედებით ხალხზე. წაიკითხა საკუთარი ლექსები
აფხაზეთზე.
ემოციებით დატვირთული იყო ლია ხარაბაძის მონათხრობი, რომელიც აფხაზეთის კონფლიქტის დროს ფრონტის წინა
ხაზზე იმყოფებოდა.
კლუბის შეხვედრა გაიმართა ჟანა ჭაბუკიანის სახელობის მუზეუმში, რომელიც ფონდ „სოხუმში" შეიქმნა.
პროექტი ხორციელდება შვედეთის ქალთა ორგანიზაცია „ქალები ქალებისათვის" (KVINNA TILL KVINNA) მხარდაჭერით. | 
