|
თანამშრომლობის გაფართოების მიზნით, ფონდი „სოხუმის" წარმომადგენლები ხონის ადგილობრივი ხელისუფლების წარმომადგენლებს - ბესარიონ ჭელიძესა (ხონის მუნიციპალიტეტის საკრებულოს თავმჯდომარის მოადგილე) და ბაჩანა ბასილაიას (ხონის მუნიციპალიტეტის მთავარი სპეციალისტი) შეხვდნენ.
შეხვედრაზე ითქვა, რომ ადგილობრივმა ხელისუფლებამ ხონის ამომრჩეველ ქალთა კლუბის ადვოკატირების ჯგუფს მხარი დაუჭირა და ხონის სამხედრო დასახლებაში მცხოვრები სიღარიბის ზღვარს მიღმა კატეგორიის დევნილები კომუნალური გადასახადებისგან (წყალი, დასუფთავება) გაათავისუფლა. აღინიშნა ისიც, რომ მოკლე ვადაში დევნილებისთვის წყლის მიწოდების საკითხიც მოგვარდება (დასახლებას წყალი მხოლოდ ერთი საათით მიეწოდება).
„დიდი ხანია ფონდ „სოხუმთან" ვთანამშრომლობთ. დევნილი მოსახლეობის ყოფითი პრობლემების მოსაგვარებლად ადვოკატირების ჯგუფთან მუშაობა, ქალაქის საერთო პრობლემების დანახვასა და გადაჭრაში გვეხმარება. ჩვენ მზად ვართ შემდეგი ერთობლივი თანამშრომლობისთვის", - ბაჩანა ბასილაია. | 
