მძღოლებო, ნუ დაჯდებით საჭესთან ნასვამი!
შეჩერდით! სიცოცხლე ყველაფერზე ძვირფასია!
მოქალაქეებო, დაიცავით საგზაო მოძრაობის წესები! - ასეთი
მესიჯები ჰქონდათ მშვიდობიანი აქციის
მონაწილეებს. აქცია წყალტუბოში გაიმართა, დევნილთა ახალ დასახლებაში.
ორგანიზატორები იყვნენ ფონდი „სოხუმის" წყალტუბოს ახალგაზრდული ცენტრის საინიციატივო
ჯგუფის წევრები.
მოსახლეობას დაურიგდა საინფორმაციო ფურცლები, რომელშიც
საგზაო ნიშნების მნიშვნელობა და ფუნქციები იყო განმარტებული.
მონაწილეებმა ამ აქციით საზოგადოებას შეახსენეს, რომ
ნასვამი მძღოლი საფრთხეს უქმნის ადამიანის სიცოცხლეს, რაც პროტესტის საფუძველს იძლევა.
ახალგაზრდული ცენტრის ინიციატივას ადგილობრივი მოსახლეობაც
შეუერთდა. მხარდაჭერა გამოხატეს მძღოლებმაც, რომლებიც აღნიშნული გზის მონაკვეთზე
მოძრაობდნენ და უნებლიედ გახდნენ აქციის მონაწილეები. პრობლემის აქტუალობა წყალტუბოში ბოლო დროს გახშირებულმა
ავტოავარიებმა განაპირობა.
აქციას უძღოდა დებატი თემაზე „ახალგაზრდობა - სიცოცხლის
დასაცავად."
დებატ-კლუბის წევრებმა განიხილეს ინტერნეტ-სტატისტიკა, რომლის
მიხედვითაც ავტოავარიების ერთ-ერთი სერიოზული მიზეზი ნასვამი მძღოლია.
ახალგაზრდების აზრით, ადამიანის სიცოცხლე ყველაფერზე ძვირფასია და მისი ხელყოფის
უფლება არავის აქვს.
პროექტი ხორციელდება ორგანიზაცია „ქალები ქალებისათვის"
(Kvinna till Kvinna)
მხარდაჭერით (შვედეთი) | 
