მთავარი »
2010 »
იანვარი »
10 » სახელმძღვანელო „ქალთა ლიდერობის ფენომენი“
12:52 სახელმძღვანელო „ქალთა ლიდერობის ფენომენი“ |
 |
„ქალთა ლიდერობის ფენომენი" - ასე ჰქვია ფონდი „სოხუმის" გამოცემულ სახელმძღვანელოს, ავტორი-შემდგენელი - დამოუკიდებელი ექსპერტი ეკატერინე გამახარია. სახელმძღვანელო შედგება 11 თავისაგან. ახსნილია ცნება „ლიდერის" არსი, მოთხრობილია ლიდერობის ფენომენისა და სტილის ძირითად მიდგომებზე, კონცეფციებზე. ნაჩვენებია ლიდერული თვისებების განვითარების გზა - საწყისი საფეხურის თორმეტი სავარჯიშო და ლიდერობის 21 აუცილებელი პირობა. ძალზე მნიშვნელოვანია ლიდერობის გენდერული თავისებურებები, განსხვავება მამაკაცი ლიდერებისა და ქალი ლიდერების მიდგომებში, ლიდერი ქალის პლიუსები და მინუსები, მოცემულია სასარგებლო რჩევები ლიდერი ქალის პროფესიული იმიჯის შექნის თაობაზე, ფსიქოლოგიური ტესტები. „ქალის ლიდერულ პოზიციაზე გასაყვანად, პირველ რიგში, ძალიან მნიშვნელოვანია მისი თანაბარი უფლებების, მისი, როგორც ლიდერის თანაბარი შესაძლებლობების და უნარ-ჩვევების აღიარება," - ნათქვამია სახელმძღვანელოს დასკვნაში. სახელმძღვანელო გამოიცა ქართულ და რუსულ ენებზე. ის გავრცელდება ფონდი „სოხუმის" ბენეფიციართა შორის და ხელს შეუწყობს ლიდერის თვისებების განვითარებას, თვითშეფასების გაზრდას და ლიდერობის გზაზე საკუთარი სტრატეგიის გამომუშავებას.
|
|
|
კატეგორია: პუბლიკაციები |
ნანახია: 1610 |
დაამატა: admin
| რეიტინგი: 1.0/1 |
