...

ფონდი „სოხუმის" ექვსივე ცენტრში ჩატარდა იურიდიული კონსულტაცია.

ქუთაისის ქალთა მხარდაჭერის ცენტრში გამართულ საკონსულტაციო შეხვედრაზე ყურადღება გამახვილდა შრომის კოდექსის კანონპროექტზე და შრომით უფლებებზე.

წყალტუბოს ცენტრში შეკრებილებმა იურისტთან ახალ ID ბარათებზე ისაუბრეს. ბენეფიციარებს აღმოაჩნდათ რეგისტრაციისა თუ ქორწინების პრობლემები.

ხონში გამართულ შეხვედრაზე, ძირითადად,  ბავშვთა უფლებებით დაინტერესდნენ.

ფოთის ქალთა მხარდაჭერის ცენტრში საუბრს ძირითადი თემა იყო მეურვეობის, განქორწინებისა და ალიმენტის საკითხები.

სენაკის ცენტრში გამართულ შეხვედრაზე საუბარი შეეხო ფიზიკური და იურიდიული პირის უფლება-მოვალეობები. ხურჩაში კი ქალთა მემკვიდრეობით უფლებებზე გაკეთდა აქცენტი.

ქალთა მხარდაჭერის ცენტრებში იურიდიული კონსულტაციებით სხვადასხვა ასაკისა და განათლების მქონე ადამიანები ინტერესდებიან. შეკრებილთა დიდი ნაწილი მიიჩნევს, რომ კონსულტაციები მათთვის მნიშვნელოვანია, რადგან ამ შეხვედრებიდან სწავლობენ, როგორ იმოქმედონ საჭიროების დროს, რის საშუალებას აძლევს მათ მოქმედი  კანონმდებლობა.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

რა არის „ქალური ბედნიერება", რაში იმალება მისი საიდუმლოება, როგორ გავაბედნიეროთ საყვარელი ადამიანი, როგორ შევქმნათ ჰარმონია ოჯახში...

ამაზე ყველა ფიქრობს და ყველას თავისი „რეცეპტი" აქვს, მაგრამ როცა შეხვედრის მონაწილეები ერთად იწყებენ ფიქრს და ერთად მსჯელობენ - ბედნიერების ერთგვარი უნივერსალური ფორმულა იქმნება...

ეს ერთი იმ თემათაგანია, რომელსაც ფსიქოლოგთან ერთად განიხილავენ წყალტუბოს, სენაკის, ხურჩის, ქუთაისის, ფოთისა და ხონის ქალთა მხარდაჭერის ცენტრებში. შეხვედრებზე იკვეთება სხვადასხვა ასაკის ქალების კონტრასტული დამოკიდებულება - ახალგაზრდებს არ მოსწონთ დედების მდგომარეობა, ისინი უკეთ გრძნობენ გენდერული თანასწორობის ნაყოფს, ოჯახური ჰარმონიისკენ ისწრაფვიან, უნდათ - დედებზე ბედნიერები იყვნენ...

ფონდი „სოხუმის" ფსიქოლოგებმა ექვს ცენტრში ივნისის განმავლობაში ჩაატარეს 6 ჯგუფური შეხვედრა და ინდივიდუალური კონსულტაციები, მონაწილეთა კონკრეტული პრობლემების შესაბამისად.

ამას გარდა, ქუთაისის დევნილთა კოლექტიურ ცენტრებში 89 ქალის მონაწილეობით გაიმართა 8 ჯგუფური შეხვედრა.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

იანვრის თვეში ფონდი „სოხუმის" იურისტი ქუთაისის, ხონის, წყალტუბოს ქალთა მხარდაჭერის ცენტრებში დევნილ ქალებს შეხვდა. მონაწილეებს მიეწოდათ ინფორმაცია მოქმედი კანონმდებლობის თანახმად რას ითვალისწინებს საოჯახო სამართალი (ქორწინება).

ხონში ძირითადად ახალგაზრდები შეიკრიბნენ. ისაუბრეს ნაადრევი ქორწინების უარყოფით და დადებით მხარეებზე, მოსალოდნელ რისკებზე.

ინტერესით მოისმინეს იურისტის კონსულტაცია - იურიდიულად რას ნიშნავს განქორწინება და რა პროცედურებს გულისხმობს.

ქუთაისში შეკრებილი აუდიტორია განსაკუთრებით განსახლების საკითხით დაინტერესდა. აღინიშნა, რომ არ ფლობენ ინფორმაციას რა შეიცვალა ხელისუფლების შეცვლის შემდეგ დევნილთა სტრატეგიაში.

 წყალტუბოს მხარდაჭერის ცენტრში ინდივიდუალური კონსულტაცია გაეწია ქალბატონს, რომელიც დაინტერესებულია არასრულწლოვანი შვილებისათვის  ალიმენტის დანიშვნის საკითხით.

მონაწილეებმა სამივე შეხვედრაზე დააფიქსირეს, რომ იურიდიულ კონსულტაციები ეხმარება მათ  პრობლემების სამართლებრივი გზით გადაჭრაში.

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.

 ქუთაისში, ქალთა მხარდაჭერის ცენტრში გამართულ საკონსულტაციო შეხვედრაზე შეკრებილთა მოთხოვნით ყურადღება გამახვილდა მშობლის უფლებების ჩამორთმევაზე. მათ მიეწოდათ ინფორმაცია, როგორ რეაგირებს კანონი აღნიშნულ შემთხვევაში. შეიძლება თუ არა ალიმენტის გადახდა დაევალოს დედას, რომელმაც უარი განაცხადა შვილების აღზრდაზე, მოვლასა და პატრონობაზე.

წყალტუბოში ჩატარებულ საკონსულტაციო შეხვედრაზე კონკრეტული საკითხები არ დასმულა, მონაწილეებმა ისაუბრეს იმ პრობლემებზე, რომლებიც ახალი ბინების დაკანონების შემდეგ წარმოიშვა. საკითხი ეხებოდა ფართის უკმარისობას, უხარისხო რემონტს და სხვა.   

ხონში გამართულ შეხვედრაზე, მონაწილეები დაინტერესდნენ, რამდენად არის შესაძლებელი გვარის გამოცვლა. იურისტის განმარტებით, სახელის და გვარის გამოცვლა საქართველოს კანონმდებლობით დაშვებულია და ის სასამართლოს პრეროგატივაა.

ერთ-ერთმა ქალბატონმა, რომელიც მეუღლისგან განიცდიდა ფიზიკურ და ფსიქოლოგიურ ზეწოლას, ინდივიდუალურად მიიღო კონსულტაციები. მას მიეწოდა ინფორმაცია კანონით მინიჭებულ უფლებებზე.

შეკრებილთა დიდი ნაწილი მიიჩნევს, რომ იურისტის კონსულტაციებს მათთვის განსაკუთრებული მნიშვნელობა აქვს, რადგან ამ შეხვედრებიდან სწავლობენ, როგორ იმოქმედონ საჭიროების დროს, რის საშუალებას აძლევს მათ მოქმედი  კანონმდებლობა.

პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.