21, 23, 27 იანვარს ფოთის, წყალტუბოსა და ხონის ქალთა მხარდაჭერის ცენტრებში ჩატარდა ფსიქოლოგის კონსულტაცია (დამსწრეთა რაოდენობა - 22).
ფოთსა და წყალტუბოში შეხვედრის თემა იყო: თვითშეფასება, რაც მოიცავდა ტესტირებასა და მინილექციას, კონკრეტული პრობლემების და მაგალითების განხილვას.
ხონში ფსიქოლოგი შეხვდა ძალადობის მსხვერპლ ახალგაზრდა ქალბატონს, რომელსაც გაეწია კონსულტაცია. დაიგეგმა მომავალი შეხვედრები და შეხვედრა იურისტთან კონსულტაციისა და დახმარების მისაღებად.
პროექტიხორციელდებაორგანიზაცია Brot für die Welt – Evangelischer
თვითშეფასება - ეს არის მოსაზრება საკუთარ თავზე. თუ ადამიანზე ამბობენ, რომ მას დაბალი თვითშეფასება აქვს, ესე იგი თავს წარუმატებლად მიიჩნევს. თვითშეფასება იმას ჰგავს, სარკეში რომ ჩაიხედავ და შენი თავით კმაყოფილი დარჩები. მაგრამ ეს სულაც არ არის ასე. თვითშეფასება იმისთვისაა საჭირო, რომ უკეთ ვიცოდეთ საკუთარი ძლიერი და სუსტი მხარეები. ამის შემდეგ შევძლებთ ჩვენი რესურსებისა და შესაძლებლობების განაწილებას. დაბალი თვითშეფასება არასწორი გათვლების შედეგია, მაღალი თვითშეფასება კი - სწორი გათვლების. როცა საკუთარ თავს შეიყვარებთ და დააფასებთ, უფრო ადვილად დაინახავთ და შეიყვარებთ სიკეთეს სხვებში.
სენაკში, ქუთაისსა და ხურჩაში (ზუგდიდის მუნიციპალიტეტი) ფონდი „სოხუმის“ ფსიქოლოგთან შეხვედრებს ესწრებოდა 37 ქალბატონი 22-დან 65 წლამდე. ყველამ შეავსო თვითშეფასების ტესტი და კმაყოფილი დარჩა. ეს დაეხმარა მათ ადეკვატურ თვითშეფასებაში.
პროექტიხორციელდებაორგანიზაცია Brot für die Welt – Evangelischer
წყალტუბოს ქალთა მხარდაჭერის იურისტი შეხვდა სასტუმრო „მედეას“ კოლექტიურ ცენტრში მცხოვრებ დევნილებს. იურიდიული საინფორმაციო შეხვედრაზე განხილულ იქნა თემა „კანონი ოჯახში ძალადობის წინააღმდეგ და საკანონდებლო ინიციატივები“.
შეხვედრის თემამ დააინტერესა მონაწილეები. დაისვა ბევრი შეკითხვა, რომელზეც იურისტმა ამომწურავი პასუხი გასცა.
შეხვედრაზე შეკრებილებმა მიიღეს ინფორმაცია დევნილთა განსახლების საკითხებზეც, რაც ამ ეტაპზე მეტად აქტუალურია.
პროექტიხორციელდებაორგანიზაცია Brot für die Welt – Evangelischer
ფონდი „სოხუმის“ იურისტი შეხვდა სენაკის საჯარო ბიბლიოთეკის მომუშავე პერსონალს. გამოიკვეთა სხვადასხვა სახის პრობლემები - მოშლილი სველი წერტილი, მწყობრიდან გამოსული საკანალიზაციო მილები. ამის თაობაზე იციან კულტურის სამსახურში, რომელიც საკითხს სვამს კომპეტენტური ორგანოების წინაშე, მაგრამ ჯერჯერობით არანაირი რეაგირება არ არის.
შეხვედრის შემდეგ იურისტმა პრობლემის შესახებ ინფორმაცია მიაწოდა გენდერულ საკონსულტაციო საბჭოს, რომლის სხდომაც ტარდებოდა მუნიციპალიტეტში. გადაწყდა, რომ ჩატარდება რიგგარეშე სხდომა და სხვა პრობლემებთან ერთად ხელს შეუწყობენ ბიბლიოთეკის პრობლემების მოგვარებასაც.
დეკემბერში იურისტმა ქუთაისში ჩაატარა 6 საინფორმაციო შეხვედრა დევნილებთან. თემები: ადამიანის უფლება - დემოკრატიზაციის ძირეული ფასეულობა, შშმ პირთა უფლებები. 16 აქტიურ დღესთან დაკავშირებით დამატებით გამართულ შეხვედრებზე მთავარი თემა იყო „საქართველოს კანონი ოჯახში ძალადობის აღკვეთის, ოჯახში ძალადობის მსხვერპლთა დაცვისა და დახმარების შესახებ“; „მოსწავლეების უფლებები და ვალდებულებები“.
დეკემბერში ქუთაისის კოლექტიურ ცენტრებში ჩატარდა 8 ჯგუფური და 4 ინდივიდუალური შეხვედრა ფსიქოლოგთან. შეხვედრებში მონაწილეობა მიიღო 20-დან 63 წლამდე ასაკის 91 ქალმა.
საუბრების თემა - სამყარო ძალადობის გარეშე. ჯანსაღი ურთიერთობები - მოქნილი ურთიერთობები.
ფსიქოლოგის სიტყვებით, ადამიანური კომუნიკაცია, ჯანსაღი ოჯახური ურთიერთობების აგება რთული და შრომატევადი პროცესია. ჰარმონია - ეს უმაღლესი წესრიგია. წესრიგი კი ადამიანის შინაგანი სამყაროს წონასწორობაა.
პროექტიხორციელდებაორგანიზაცია Brot für die Welt – Evangelischer
სენაკის, ქუთაისისა და ხურჩის (ზუგდიდი) ქალთა მხარდაჭერის ცენტრებში ფონდი „სოხუმის“ ფსიქოლოგმა ჩაატარა საუბრები თემებზე „სამყარო ძალადობის გარეშე“ და „ჯანსაღი ურთიერთობები“.
