 |
ქალთა მხარდაჭერის ცენტრებში (ფოთი, ხონი, ხურჩა, სენაკი, წყალტუბო, ქუთაისი) გაიმართა 6 ჯგუფური და 7 ინდივიდუალური შეხვედრა, რომლებშიც მონაწილეობა მიიღო 103-მა დევნილმა ქალმა.
- ძნელია, თავიდან აიცილო პრობლემები, რომელთა გარემოცვაშიც ვიმყოფებით ჩვენ, დევნილი ქალები, - აღნიშნავენ მონაწილეები.
"18 წელია, დევნილთა უმეტესობა გაურკვევლობაში ცხოვრობს - მოუწყობელი ყოფა, უმუშევრობა, მიგრაციის პრობლემები. ამიტომ სულაც არ არის გასაკვირი, როცა ქალები უჩივიან მოწყენილობას, შიშს, განგაშის შეგრძნებას, ერთფეროვნებას, უძილობას, სიზმრებს, ბოღმას, უიმედობას. ყოველ მათგანს რამდენიმე ემოციური რეაქცია აქვ, და მათთან შებრძოლება უნდათ. ეს ქალთა ის კატეგორიაა, რომელთათვისაც საჭიროა ფსიქორეაბილიტაცია", - აღნიშნავს ფონდი „სოხუმის" ფსიქოლოგი.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით.
|
|
 |
სიყვარულის დეფიციტის პრობლემა აშკარა ხდება ჩვენს საზოგადოებაში.
ქალები ხშირად საუბრობენ ამ თემაზე ფსიქოლოგთან შეხვედრების დროს ქალთა მხარდაჭერის ცენტრებში (წყალტუბო, სენაკი, ფოთი, ხურჩა, ქუთაისი, ხონი).
სულ ივნისში ჩატარდა 6 ჯგუფური და 4 საკონსულტაციო შეხვედრა, სადაც მონაწილეობა მიიღო 64 დევნილმა ქალმა.
ჩვენ ვასწავლით ბავშვებს ყველაფერს - კითხვას, წერას, სიარულს, ქარგვას, ცურვას, ცეკვას. მაგრამ ჩვენში გაოცებას იწვევს კითხვა, უნდა ვასწავლოთ თუ არა სიყვარული.
ყველას სხვადასხვაგვარად უყვარს, მაგრამ რატომ?
ფონდი „სოხუმის" ფსიქოლოგი ურჩევს ქალებს, ბავშვებს ადრიდანვე ჩაუნერგონ სიყვარულის ნიჭი.
საყვარელი მოყვარული გახდება, პატივცემული - პატივისმცემელი, გარიყული კი ხშირად ცინიკოსია, ან მისი გრძნობები სხვა მტკივნეულ მახასიათებლებს იძენს.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით. |
|
 |
გრძელდება იურისტის კონსულტაციები სხვადასხვა კოლექტიურ ცენტრებში. დევნილი ქალები სხვადასხვა საკითხებზე იღებენ კომპეტენტურ პასუხებს. შემოსული შეკითხვების ძირითადი ნაწილი უკავშირდება ისეთ საკითხებს, როგორიცაა: დევნილთა საცხოვრებლით უზრუნველყოფის პროცედურები, თვითმმართველობისა და მმართველობის ორგანოთა როლი, სოციალურ უფლებათა დაცვის უზრუნველყოფა, ბავშვის ინტერესების დაცვა საოჯახო ურთიერთობებში, განქორწინებისას ქონებრივი დავის გადაწყვეტა და სხვა.
შეხვედრები განხორციელდა ქალთა მხარდაჭერის ცენტრებში: ქუთაისში, ხონში, წყალტუბოში, ფოთში, სენაკში, ხურჩაში. მოქალაქეებს მიეცათ სამართლებრივი კონსულტაციები ზემოთაღნიშნულ საკითხებთან დაკავშირებით.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით. |
|
 |
იძულებით გადაადგილებულ პირთა -დევნილთა გრძელვადიანი საცხოვრებლით უზრუნველყოფის პროცედურები, ადგილობრივი თვითმმართველობისა და მმართველობის ორგანოთა როლი სოციალურ უფლებათა დაცვის უზრუნველყოფის საქმეში, ბავშვის ინტერესების დაცვა საოჯახო ურთიერთობებში, საქართველოს საარჩევნო კოდექსში შეტანილი ცვლილებები და დამატებები, განქორწინებისას ქონებრივი დავის გადაწყვეტა - ეს ის საკითხებია, რომელთა მიმართ მოქალაქეებმა განსაკუთრებული დაინტერესება გამოიჩინეს იურისტთან შეხვედრისას.
შეხვედრები განხორციელდა ქალთა მხარდაჭერის ცენტრებში: ქუთაისში, ხონში, წყალტუბოში, ფოთში, სენაკში, ხურჩაში. მოქალაქეებს მიეცათ სამართლებრივი კონსულტაციები ზემოთაღნიშნულ საკითხებთან დაკავშირებით.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით. |
|
 |
საქართველოს მოქალაქეობის შეწყვეტის საფუძვლები, საქართველოს მოქალაქეობის საკითხთა განხილვისა და გადაწყვეტის წესი, იძულებით გადაადგილებულ პირთა-დევნილთა გრძელვადიანი საცხოვრებლით უზრუნველყოფის პროცედურები, სიღარიბის ზღვარს მიღმა მყოფი ოჯახების მონაცემთა ბაზაში რეგისტრაციაზე უარის თქმის შემთხვევაში გასაჩივრების მექანიზმები, ბავშვის ინტერესების დაცვა საოჯახო ურთიერთობებში, საქართველოს საარჩევნო კოდექსში განხორციელებული ცვლილებები და დამატებები - ეს ის საკითხებია, რომელთა მიმართაც განსაკუთრებული დაინტერესება გამოიჩინეს დევნილმა ქალებმა იურისტთან შეხვედრის დროს. შეხვედრები განხორციელდა ქალთა მხარდაჭერის ცენტრებში ქუთაისში, ხონში, წყალტუბოში, ფოთში, სენაკში, ხურჩაში. მოქალაქეებს მიეცათ სამართლებრივი კონსულტაციები ზემოთაღნიშნულ საკითხებთან დაკავშირებით.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით. |
|
 |
აპრილში ქუთაისის, ხონის, წყალტუბოს, სენაკის, ფოთის, ხურჩას ქალთა მხარდაჭერის ცენტრებში გაიმართა ჯგუფური შეხვედრები ფსიქოლოგთან. მონაწილეობა მიიღო 83- მმა ქალმა.
ხურჩა აფხაზეთის საზღვრისპირა ადმინისტრაციული ერთეულია. ერთ-ერთმა იქ მაცხოვრებელმა ქალმა ასეთი რამ გვითხრა: „ როცა ისვრიან, მაშინ მშვიდად მძინავს, ამ დროს თავს დაცულად ვგრძნობ, სიწყნარე მაშინებს." ამ ქალისათვის ომი ჯერ არ დამთავრებულა.
„ყველას შეუძლია იცხოვროს თავისი ცხოვრებით, მაგრამ აშინებს ხალხის აზრი, ეს ზღუდავს და არ აძლევს თავისუფლებას. "
ფსიქოლოგის რჩევები:
„გარეგნულად მოვლილად გამოიყურებოდე, ჯერ კიდევ არ ნიშნავს იმას, შინაგანად იყო მშვიდი და მხიარული".
მოუარეთ და გაუფრთხილდით ოჯახს , მაგრამ ნუ დაივიწყებთ საკუთარ თავს.
დაეხმარე ოჯახის წევრებს, მაგრამ ნუ აიღებ ყველას პრობლემას საკუთარ თავზე.
შეხედეთ პრობლემებს ცოტა მსუბუქად და ნუ დაიტვირთავთ თავს ზედმეტი ემოციებით.
როცა რაღაცა გაწუხებთ, ილაპარკეთ ამაზე.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით. |
|
 |
- როგორ ხდება სიღარიბის ზღვარს ქვემოთ მყოფი ოჯახების მონაცემთა ბაზაში რეგისტრაცია და ფულადი სოციალური დახმარების არჩევა; რა შემთხვევაშია შესაძლებელი დახმარების შეჩერება - ამ და სხვა სახის საკითხებზე გაიცა კონსულტაციები ფონდი „სოხუმის" იურისტის მიერ. მარტის თვეში ოთხი შეხვედრა მოეწყო ქუთაისის, ხონის, ფოთის, წყალტუბოს ქალთა მხარდაჭერის ცენტრებში. შეხვედრებში მონაწილეობდნენ დევნილი ქალები, სკოლის მოსწავლეები, სტუდენტები.
მოსწავლეებმა იურისტისგან მიიღეს კონსულტაცია მშობელთა უფლებებზე და მოვალეობებზე, ოჯახში ძალადობისაგან არასრულწლოვანთა დაცვის სფეციფიკურ ღონისძიებებზე.
შეხვედრებზე ასევე ძირითადი ყურადღება დაეთმო იძულებით გადაადგილებულ პირთა - დევნილთა მიმართ სახელმწიფო სტრატეგიიდან გამომდინარე საკუთრების უფლებით საცხოვრებელი სახლების გადაცემის პროგრამის სხვადასხვა ეტაპების გაცნობასა და საკუთარი უფლებების დაცვის საკითხებს.
პროექტი ხორციელდება: გერმანიის ორგანიზაცია EED-ს, ეკლესიათა განვითარების სამსახურის მხარდაჭერით. |
| |
