კვირა, 18.08.2019, 01:55
მოგესალმები სტუმარი

...

მთავარი » 2015 » იანვარი » 20

დასრულდა ფონდი „სოხუმისა“ და რეგიონალური მედიის ერთობლივი პროექტი, მინი-კონკურსი სოციალური ჟურნალისტიკის განვითარების ხელშეწყობისათვის, რომელიც წარმოადგენს გაგრძელებას ქალთა მიმართ ძალადობის წინააღმდეგ მიმართული კამპანიისა „სახლში მშვიდობიდან - მსოფლიოში მშვიდობამდე“.

გამარჯვებული სიუჟეტები გამოვლინდა ტელეკომპანიების მიერ და ავტორებმა მიიღეს ფონდი „სოხუმის“ ფულადი პრიზები.

პროექტის შედეგად მედიასივრცეში გაჩნდა პროდუქცია, რომელმაც თვალსაჩინო გახადა  რიგითი მოქალაქეების ყოფა რეგიონებში - არა მხოლოდ მათი პრობლემები, არამედ ყოველდღიურობა, სამომავლო გეგმები. გაიზარდა რეგიონალური მედიის მოტივაცია, იმუშაონ სოციალური ჟურნალისტიკის  მიმართულებით.

წარმოგიდგენთ ამ სიუჟეტებს:

ფონდი „სოხუმის“ კონკურსი: სიუჟეტი „მეცხრე ტალღაზე“ (ფოთი)

რა ქმნის საოჯახო ტრადიციებს, რომელზეც იგება ოჯახური ჰარმონია. როგორ ხვდებიან ფოთელი ოჯახები ახალ წელს. რას ნიშნავს მეკვლეობის ფენომენი, რომელიც აქაურების რწმენით, ოჯახის წევრებს მთელი წლის განმავლობაში სიკეთის, ერთმანეთის გაფრთხილების და სიყვარულის იმპულსს აძლევს.

ფოთის ტელევიზია „მეცხრე ტალღის“ საინფორმაციო გამოშვებაში პატარა სიუჟეტი ადგილობრივ ლამაზ ტრადიციებს გვიჩვენებს, რომელიც, სიუჟეტის გმირების აზრით, ოჯახებს კრავს და ამთლიანებს.

ფონდი „სოხუმის“ კონკურსი:  სიუჟეტი „მეგა TV“-ზე (ქუთაისი)

სამოქალაქო ცნობიერება, სოციალური სოლიდარობა - არაძალადობრივი კულტურის დამკვიდრების ერთ-ერთი პირობაა.

ტელეკომპანია „მეგა TV-ს“ სიუჟეტები სოციალურად დაუცველი ოჯახების შესახებ გვიყვება, რომელთაც საზოგადოების სოლიდარობის ჟესტი ნამდვილად სჭირდებათ. როგორც სიუჟეტებიდან ჩანს, სახელმწიფო ცდილობს, არსებული პროგრამების ფარგლებში დახმარება გაუწიოს მათ, თუმცა ეს საკმარისი არ არის.

სიუჟეტების ეთერში გასვლის შემდეგ ოჯახებს არაერთი ადამიანი გამოეხმაურა, რომელთაც მათ შეძლებისდაგვარად დახმარების ხელი გაუწოდეს.

ტელევიზიის ხელმძღვანელობამ ფონდი „სოხუმის“ მისამართით სამადლობელი წერილი გამოგზავნა, სადაც მიესალმება ფონდის სწრაფვას, ხელი შეუწყოს სოციალური ჟურნალისტიკის სტანდარტების დამკვიდრებას. 

ფონდი „სოხუმის“ კონკურსი: ჩახუტება - სიუჟეტი  „რიონზე“ (ქუთაისი)

რა არის ჩახუტების ტრადიცია? როგორ ეხმიანება ის კაცთა შორის მშვიდობის სულისკვეთებას?

ადამიანებს ხშირად სჭირდებათ უბრალო, კეთილი იმპულსები, რათა ნეგატიური ენერგიისგან განიმუხტონ, ნაკლები იყოს აგრესია, ძალადობა, სიძულვილი.

ძალიან ადვილია, თესო სიკეთე და სიყვარული. მთავარია - ეს გულით გინდოდეს.

ეს არის ფილმი-სიუჟეტის მესიჯი.

ფონდი „სოხუმის“  კონკურსი: ოჯახი - სიუჟეტი  „რიონზე“ (ქუთაისი)

რამდენიმე თაობა ერთ ოჯახში, სიყვარულისა და თანაცხოვრების ტრადიციები.

სითბო - რომელსაც გასცემ, ათმაგად გიბრუნდება...

პატარები - რომლებიც ხედავენ სიყვარულს და თანადგომას ოჯახის წევრებს შორის...

როგორ ნაწილდება საოჯახო ფუნქციები და როლები, რამდენად კარგი იარაღია იუმორი და ხელოვნება ყოველდღიური წვრილმანების წინააღმდეგ?

ფილმი-სიუჟეტი ბევრ სასარგებლო რჩევას გვაძლევს.

ფონდი „სოხუმის“ კონკურსი: სიუჟეტი „25-ე არხზე“

ოჯახში ძალადობას სიყვარულის სიმცირე შობს - ფილმის მთავარი მესიჯი ჟურნალისტებმა ასე გააჟღერეს. როგორ უნდა გავუფრთხილდეთ სიყვარულს, რომელიც უხვად არის, როცა ოჯახი ცხოვრებას იწყებს და ნაკლებად - წლების შემდეგ?

სიუჟეტის გმირი - მხატვარი საინტერესო გრაფიკას გვთავაზობს: აგრესია, რომელიც ყველაზე დიდი საფრთხეა ადამიანების ჰარმონიული ურთიერთობებისათვის... 

ფონდი „სოხუმის“ კონკურსი: მეორე სიუჟეტი „25-ე არხზე“

ბავშვების აღზრდა - აგრესიის გარეშე - ეს არის სიუჟეტის მესიჯი.

მრავალშვილიანი ოჯახის დედა თავის გამოცდილებას გვიზიარებს: როცა ბავშვს უბრალოდ ეუბნები: „არ შეიძლება“ და არ უხსნი რატომ - მასში აგრესიის დაგროვებას უწყობ ხელს... სიუჟეტს ჰყავს მეორე გმირი - მამა, რომელიც არღვევს სტერეოტიპს, რომ ჩვენთან კაცები შვილების აღზრდაში არ მონაწილეობენ.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

 

კატეგორია: TV გადაცემები | ნანახია: 456 | დაამატა: admin | თარიღი: 20.01.2015

 

ფონდი „სოხუმის“ ორგანიზებით, ქუთაისის გენდერული საკონსულტაციო საბჭოს წევრებისთვის ჩატარდა ტრენინგი  თემაზე „გენდერი საგანმანათლებლო სფეროში და ქალაქის ბიუჯეტში“, რომელშიც მონაწილეობდნენ პარტნიორები ჩეხეთის ორგანიზაციიდან NESEHNUTI.

ტრენინგს უძღვებოდა ჩეხი მწვრთნელი ქრისტინა პეშაკოვა.

გენდერული საკონსულტაციო საბჭოს  წევრები დაინტერესდნენ ჩეხეთის გამოცდილებით,  სკოლამდელ დაწესებულებებში გენდერული განათლების მოდულით, მათი ბიუჯეტის გენდერული მგრძნობელობით.

ტრენინგის თემამ კიდევ უფრო გააღრმავა მათი ცოდნა გენდერული მიმართულებით.

-საზოგადოებაში გენდერული ცნობიერების ასამაღლებლად გენდერული აღზრდა სკოლამდელი ასაკის ბავშვებიდან უნდა დავიწყოთ. საამისოდ კი ჯერ პედაგოგებმა უნდა მიიღონ შესაბამისი განათლება, კარგად უნდა გაერკვნენ გენდერულ თემატიკაში, მათ გოგონებს და ბიჭუნებს არჩევანის უფლება არ უნდა წაართვან, - აღინიშნა ტრენინგზე.  

საკრებულოს წევრებმა, რომლებიც საბჭოს წევრები არიან და ტრენინგის მონაწილე სხვა დეპუტატებმა განაცხადეს, რომ, გენდერული საკონსულტაციო საბჭოს რეკომენდაციების გათვალისწინებით, ქუთაისის 2015 წლის ბიუჯეტი გენდერულად მგრძნობიარე გახდა.

 

პროექტი ხორციელდება გაეროს  ქალთა  ორგანიზაციის  

გენდერული  თანასწორობის ფონდის მხარდაჭერით

 

კატეგორია: ტრენინგ-სემინარები | ნანახია: 552 | დაამატა: admin | თარიღი: 20.01.2015

ხონის ქალთა მხარდაჭერის ცენტრში ჩატარდა ახალგაზრდული კლუბის საინფორმაციო შეხვედრა  თემაზე  „ოჯახური ძალადობა - საზოგადოების პრობლემა“.

შეხვედრა, რომელშიც  13 ახლგაზრდა მონაწილეობდა, ორ ნაწილად ჩატარდა. ჯერ იყო ახალი წევრების გაცნობა და  მოხალისეთა ჯგუფის შექმნა. ეს ჯგუფი ორგანიზებას გაუწევს სხვადასხვა ღონისძიების ჩატარებას.

შეხვედრის მეორე ნაწილში გაიმართა ძირითადი თემის განხილვა, საინტერესო ინტერაქტივი, დისკუსია, რომელმაც გამოავლინა, რომ თემა აქტუალურია და ჯერ კიდევ ბევრია სამუშაო.

დაიგეგმა ღონისძიებები, მათ შორის მეტი ახალგაზრდის ჩართვა, საინფორმაციო შეხვედრების ჩატარება სოფლებში.

 

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: კლუბები | ნანახია: 454 | დაამატა: admin | თარიღი: 20.01.2015

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  იანვარი 2015  »
ორსამოთხხუთპარშაბკვ
   1234
567891011
12131415161718
19202122232425
262728293031
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0