მარტის შეხვედრების ძირითადი თემა იყო ქალთა სოლიდარობის
დღე და ქალთა უფლებები. სულ ჩატარდა 6 შეხვედრა.
წყალტუბოს ქალთა მხარდაჭერის ცენტრში
მონაწილეობა მიიღო 10 ახალგაზრდამ. ერთ-ერთმა
მათგანმა აღნიშნა: „ადამიანის უფლებები საქართველოში ძალიან
პატარა ასაკიდან ირღვევა, უფროსები არ გვისმენენ, არ ითვალისწინებენ ჩვენს სურვილებს და ჩვენს ცხოვრებას
ხელმძღვანელობენ ისე, როგორც მათ უნდათ”. თუმცა ამან
გამოიწვია დისკუსია, რომელსაც მონაწილეთა
ნაწილი არ დაეთანხმა. ამან შეხვედრა კიდევ უფრო საინტერესო გახადა.
მეორე შეხვედრა ჩატარდა ქუთაისის 30 სკოლაში. აქ იყო 15 აქტიური მოსწავლე, ძალიან კარგი ქართულით და და
დისკუსიის კულტურით.
მონაწილეების მოსაზრებები ასეთი იყო:
„მოსწავლეთა
უფლებები ვიცი და ხშირად ვიყენებ, ეს
კი აღიზიანებს ბევრ ჩემს კლასელს".
„უფლებების
დაცვა არა მარტო სკოლაში, არამედ ოჯახშიც მიხდება ხოლმე, რაც დიდ პროტესტს იწვევს
ჩემს მშობლებში".
სკოლის დირექციამ სურვილი გამოთქვა, მსგავსი ღონისძიებები ხშირად
ჩატარდეს, რადგან ეს ხელს უწყობს
ახალგაზრდების განვითარებას.
პროექტი ხორციელდება ორგანიზაცია Brot für die Welt –
Evangelischer
Entwicklunsdienst მხარდაჭერით (გერმანია) | 
