სამშაბათი, 10.12.2019, 05:56
მოგესალმები სტუმარი

...

მთავარი » 2014 » მარტი » 31

მარტში ქუთაისში ჩატარდა 8 ჯგუფური შეხვედრა ფსიქოლოგთან, ორიც ინდივიდუალური (პრობლემა - როგორ დავიცვათ თავი მოძალადისგან). შეხვედრებს ესწრებოდა 75 ქალი 19-დან 58 წლამდე.

სამი  ჯგუფური შეხვედრა  და კონსულტაციები გაიმართა სენაკის, ქუთაისისა და ხურჩის (ზუგდიდის რაიონი) ქალთა მხარდაჭერის ცენტრებში, სადაც მონაწილეობა მიიღო 28-60 წლის ასაკის 34 ქალმა.

საუბრის თემა - ვინ ქმნის ამინდს ოჯახში - მამაკაცი თუ ქალი? როგორ იქმნება კერა?

პასუხი ყველამ იცის - სწორედ ქალი ქმნის განწყობას, რომელთანაც მამაკაცი სიამოვნებით მუშაობს ოჯახის საკეთილდღეოდ. მაგრამ ყოველთვის არ ხდება ისე, როგორც ვამბობთ.

ქალები მამაკაცებზე ემოციურები არიან, ეს თავისებურება გასათვალისწინებელია...

პარტნიორის მოსმენისა და გაგონების ნიჭი, ნიჭი თანაუგრძნო და დაუთმო და უბრალოდ გიყვარდეს - ეს არის ბედნიერების საწინდარი.

ფონდი „სოხუმის“ ფსიქოლოგი მანანა გოცირიძე თბილ ამინდს უსურვებს თქვენს სახლს.

 პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: კონსულტაციები | ნანახია: 568 | დაამატა: admin | თარიღი: 31.03.2014

ფეისბუქი დღესდღეობით ყველაზე პოპულარული სოციალური ქსელია როგორც პირადი ურთიერთობისათვის, ასევე საკუთარი პროდუქციის თუ საქმიანობის რეკლამისთვის, თანამოაზრეების მოსაზიდად.

ფონდი „სოხუმის“ ახალგაზრდულმა ქსელმა შექმნა საკუთარი ე. წ. „ფეისბუქის ლაიქ“ გვერდი, რომელიც ძალიან მალე გახდა პოპულარული, განსაკუთრებით  ახალგაზრდებში. გვერდი ყოველდღიურად ზრდის მომხმარებელთა რიცხვს.

ყოველთვიურად ჩვენ ვაკეთებთ აღნიშნული გვერდის ანალიზს, ვეხმაურებით მომხმარებელთა ინტერესებს, რაც გვაძლევს საშუალებას, მუდამ გვქონდეს კონტაქტი ჩვენი საქმიანობით დაინტერესებულ პირებთან.

მარტი ახალგაზრდულმა ქსელმა დაუთმო მუშაობას ქალთა უფლებებზე, მათ როლზე ჩვენს ქვეყანაში. ფონდი „სოხუმის“ ექვსივე ახალგაზრდულ ცენტრში ჩატარდა სხვადასხვა ღონისძიება და მათზე ინფორმაციები განთავსდა ფეისბუქის გვერდზე. ამ პუბლიკაციებს მოყვა განხილვა და კომენტარები.

ბიჭების უმრავლესობის აზრით, ქალთა უფლებები არ ირღვევა, რადგან ყველას აქვს საშუალება, იცოდეს საკუთარი უფლება და დაიცვას კიდეც, რაზეც საწინააღმდეგო მოსაზრებას გამოთქვამენ გოგონები და პასუხობენ მაგალითებითა და პირადი გამოცდილებით.

კიდევ ერთი აქტუალური განსჯის საგანი იყო თემა: „ახალგაზრდული პროექტები რეგიონებში, რომლებიც არ ფინანსდება“. ახალგაზრდებმა აღნიშნეს, რომ ადგილობრივ ხელისუფლებას შეუძლია დააფინანსოს სხვადასხვა ახალგაზრდული პროექტი, მაგრამ შეგნებულად არ ითვალისწინებენ ახალგაზრდების მოთხოვნებსა და საჭიროებებს.

ეს და არა მხოლოდ ეს თემები ახალგაზრდებისთვის აქტუალურია და ფონდი „სოხუმის“ ფეისბუქის გვერდი მათთვის ერთ-ერთი საყვარელი „ადგილია“ მოსაზრებების გამოხატვისათვის.

 

პროექტი ხორციელდება ორგანიზაციაქალები ქალებისათვის

(Kvinna till Kvinna) მხარდაჭერით (შვედეთი)

 

კატეგორია: მიმართვები და ღია წერილები | ნანახია: 552 | დაამატა: admin | თარიღი: 31.03.2014

როცა პროექტის ფარგლებში ერთადერთი ჟურნალია დაგეგმილი, პასუხისმგებლობა ბევრად მეტია - აუსახავი რომ არ დარჩეს არც ერთი რგოლი, საქმიანობის არც ერთი ასპექტი.

სწორედ ამ განწყობით მომზადდა ჟურნალი „ბათუმის გენდერული საკონსულტაციო საბჭო - გაუმჯობესებული პერსპექტივები,  ქალთა უფლებების განმტკიცება და რეგიონის ეფექტური  მართვა“.

ჟურნალში დაიბეჭდა მასალები პროექტის ფარგლებში ჩატარებული აქტივობების შესახებ და გამოიკვეთა მთავარი მიზანი  - რეგიონში გენდერული პოლიტიკის შექმნა.

განსაკუთრებით საინტერესოა გენდერული საკონსულტაციო საბჭოს წევრების პორტრეტები, მათი დამოკიდებულება საბჭოს საქმიანობის მიმართ და საკუთარი წვლილის გააზრება.

Donwload>>>

პროექტი ხორციელდება აშშ  სახელმწიფო დეპარტამენტის  მხარდაჭერით

 

კატეგორია: საინფორმაციო ბიულეტენი | ნანახია: 619 | დაამატა: admin | თარიღი: 31.03.2014

მარტი განსაკუთრებული თვეა ქალებისთვის - დედის დღეც და ქალთა სოლიდარობის დღეც ამ თვეში აღინიშნება. სამობილიზაციო შეხვედრები სწორედ ამ თემას მიეძღვნა.

ქუთაისის, სენაკის, ფოთის, წყალტუბოს, ხონისა და ხურჩის ქალთა მხარდაჭერის ცენტრების მობილიზატორებმა 36 სამობილიზაციო შეხვედრა ჩაატარეს დევნილთა კოლექტიურ ცენტრებში. მათ დაარიგეს ინფორმაცია ქალთა მხარდაჭერის ცენტრების შესახებ - შეხვედრების მონაწილეები მიიწვიეს ფსიქოლოგისა და იურისტის კონსულტაციებსა და ფონდი „სოხუმის“ სხვადასხვა აქტივობაზე.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: შეხვედრები | ნანახია: 532 | დაამატა: admin | თარიღი: 31.03.2014

6 შეხვედრა დევნილთა კოლექტიურ ცენტრებში. თემა - ოჯახში ძალადობა. 58 მონაწილე -  ასეთია ფონდი „სოხუმის“ იურისტის  საანგარიშო  მონაცემები მარტში.

ერთ-ერთი ჯგუფური შეხვედრის ბოლოს ქალმა ინდივიდუალური კონსულტაცია ითხოვა იურიდიულ და ფსიქოლოგიურ საკითხებზე. გამოიკვეთა, რომ ის არის ძალადობის მსხვერპლი მეუღლის მხრიდან. ჰყავს მცირეწლოვანი შვილი, რომელსაც აქვს ჯანმრთელობის პრობლემა. მას სურდა, გარკვეულიყო თავის უფლებებში, განქორწინებისა და მის შემდგომ პერიოდზე.  ქალბატონმა მიიღო პასუხი მისთვის საინტერესო საკითხებზე.

პროექტი ხორციელდება  ორგანიზაცია Brot für die Welt – Evangelischer

Entwicklunsdienst მხარდაჭერით (გერმანია)

 

კატეგორია: შეხვედრები | ნანახია: 527 | დაამატა: admin | თარიღი: 31.03.2014

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  მარტი 2014  »
ორსამოთხხუთპარშაბკვ
     12
3456789
10111213141516
17181920212223
24252627282930
31
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0