სამშაბათი, 19.11.2019, 16:54
მოგესალმები სტუმარი

...

მთავარი » 2011 » აპრილი » 12

„ძველი ქალაქის" ეთერით მორიგი ანონიმური რადიომონოლოგები გაჟღერდა.

„15 წლის მომიტაცეს. 18 წლისა დავქვრივდი, მარტო გავზარდე ორი შვილი. ხელახლა არ გავთხოვილვარ, თუმცა თაყვანისმცემლები არ მაკლდა და მიფიქრია, რომ, შეიძლება, ბედნიერიც ვყოფილვიყავი"...

-ასეთი ისტორიები ერთეული არაა. ერთი მხრივ - რწმენა, რომ ყოველ ადამიანს აქვს ბედნიერების უფლება, მეორე მხრივ - ხარკის მოხდა საზოგადოებრივი სტერეოტიპებისთვის, რომ ქვრივებს ეს უფლება არ ეხებათ. რადიოისტორია ფიქრისა და განსჯის მასალას იძლევა.

მეორე ისტორიაც მოტაცებული ქალის ბედს ეხება.

ბევრს ეცადა დედა, მაგრამ მკაცრ ბიძებთან ვერაფერი გააწყო - მათ გოგონას მობრუნება სირცხვილად ჩათვალეს. წლების განმავლობაში ძალადობის მსხვერპლი ქალის დაცვა კი ვერ მოახერხეს.  ქომაგად ისევ დედა გამოუჩნდა: ახლა ქალი ნაქირავებ ბინაშია და ცდილობს, ნორმალურ ცხოვრებას დაუბრუნდეს...

 

პროექტი ხორციელდება: გერმანიის ორგანიზაცია EED-, ეკლესიათა განვითარების სამსახურის მხარდაჭერით.

კატეგორია: რადიოგადაცემები | ნანახია: 908 | დაამატა: admin | თარიღი: 12.04.2011


ფონდი „სოხუმის" ოფისში, პროექტის SIDA 508-665 (DRS) ფარგლებში ჩატარდა პირველი ტრენინგი პროგრამით „ადვოკატირება და სამოქმედო გეგმის დასახვა".
 ტრენინგი იყო ერთდღიანი, ტრენერი - ინგა მაღლაფერიძე.
 ესწრებოდნენ დევნილები ხუთი სხვადასხვა კოლექტიური ცენტრიდან, აბრეშუმკომბინატის საერთო საცხოვრებელი; ფიზიკა-მათემატიკური ლიცეუმი; ბაგა-ბაღი №45; ბაგა-ბაღი №30; სამთო კოლეჯი; ელ.ტექნიკის ლიცეუმი; სასტუმრო „თბილისი"; სამხედრო ლიცეუმი; სულ 26 ადამიანი, აქედან 20 ქალი, ექვსი - მამაკაცი.
 ტრენინგის ბოლოს მონაწილეთა მიერ ფორმირებული იქნა 15 მესიჯი, საერთო პრობლემებიდან გამომდინარე.

  


კატეგორია: ტრენინგ-სემინარები | ნანახია: 943 | დაამატა: moderatori | თარიღი: 12.04.2011


აპრილში, ოზურგეთის ამომრჩეველ ქალთა კლუბის მუშაობა  განსხვავებული ფორმატით წარიმართა. კლუბის შემადგენლობა ადგილობრივ საკრებულოს ეწვია. სოციალურ საკითხთა კომისიის თავმჯდომარე ირინა საჯაია და საკრებულოს წარმომადგენელი ნანა თავდუმაძე რამდენიმე წელია ფონდ „სოხუმთან" თანამშრომლობენ და თავადაც კლუბის წევრები არიან.
 ირინა საჯაიამ იმ სოციალურ პროგრამებზე ისაუბრა, რომელიც ოზურგეთის საკრებულოში არსებობს: მისი ინფორმაციით, ბიუჯეტიდან გამომდინარე, არსებობს დახმარებები მრავალშვილიანი დედებისათვის, სოციალურად დაუცველი ოჯახებისათვის, გამოყოფილია  თანხები უფასო სასადილოებისათვის.
 კლუბის წევრები თვლიან, რომ ამ შეხვედრას განსაკუთრებული მნიშვნელობა ჰქონდა, რადგან აუცილებელია, იცნობდნენ იმ პროგრამებს, რომელიც ადგილობრივ დონეზე ქალთა მხარდასაჭერად არსებობს.
 შეხვედრის მეორე ნაწილი საინტერესო თემით გაგრძელდა: კლუბის წევრებმა - ქეთევან ქადიეშვილმა, ნინო ნიკოლეიშვილმა და მარინა კიპაროიძემ ოზურგეთში ცნობილ ქალებზე მომზადებული ისტორიები წარმოადგინეს.
 როგორც გაირკვა, ქეთევან ქადიეშვილი  ოზურგეთში ცნობილი პირველი მსახიობი ქალის ატატო ბებურიშვილის შთამომავალია. მან სიამოვნებით ისაუბრა დიდი ბებიის განსაკუთრებულ ლიდერულ თვისებებზე.
 ნინო ნიკოლეიშვილმა თანამედროვე მსახიობ იზო მამულაშვილზე გააკეთა არჩევანი, და მის  ლიდერლ, იუმორისტულ ნიჭზე და სხვა თვისებებზე გაამახვილა ყურადღება.21-საუკუნის ქართველი მანდილოსანი - ასე უწოდა მარინა კიპაროიძე თავის გმირს და კლუბის წევრებს ჟურნალისტი ნინო ნიკოლეიშვილი წარუდგინა.
 - ოზურგეთს არასოდეს აკლდა ცნობილი, აქტიური ქალები, მსგავსი ქალების დეფიციტი არც თანამედროვე ეპოქაში არსებობს. მათი სახელები უფრო მეტად უნდა იყოს პოპულარიზებული, - აღინიშნა შეხვედრაზე. 

პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)

 


კატეგორია: კლუბები | ნანახია: 988 | დაამატა: moderatori | თარიღი: 12.04.2011

საბჭოები
ფილმი
სოციალური კლიპი
შემოგვიერთდით
ცენტრები
2009 წლის არქივი
ალიანსი
ძებნა
კალენდარი
«  აპრილი 2011  »
ორსამოთხხუთპარშაბკვ
    123
45678910
11121314151617
18192021222324
252627282930
ჩანაწერების არქივი
ჩვენი გამოკითხვა
შეგვაფასეთ
სულ პასუხი: 130
ჩვენი დონორები
ჩვენი პარტნიორები
სტატისტიკა

სულ ონლაინში: 1
სტუმარი: 1
მომხმარებელი: 0