...

- რატომ უჭირთ მშობლებს შვილებთან ურთიერთობა, განსაკუთრებით ბიჭებთან,

რატომ ჰგონიათ მშობლებს, რომ გარდატეხის ასაკში მათი შვილები სხვანაირად იქცევიან, სხვა ტონით საუბრობენ და ხშირად, ურთიერთობა კონფლიქტით მთავრდება. როგორ, მოვაგვაროთ შვილებთან ურთიერთობა - ძირითადად ამ საკითხზე ისაუბრეს ფსიქოლოგთან გამართულ შეხვედრებზე სხვადასხვა კოლექტიურ ცენტრებში შეკრებილმა ქალებმა.

ფსიქოლოგისგან შემდეგი მითითება მიიღეს:

წარმოიდგინეთ, რომ თქვენ სწორედ იმ ასაკში ხართ, რომელშიც თქვენი შვილია. ნუ ცდილობთ, მან ზუსტად ისე ისაუბროს და იაზროვნოს, როგორც თქვენ გინდათ. ასე ვერაფერს მიაღწევთ. შეეცადეთ, ახლოს იყოთ მასთან და ნებისმიერ საქციელს დადებითი კუთხით შეხედოთ. დარწმუნებული იყავით, თქვენს შორის მეტი ურთიერთგაგება და ნდობა იქნება.

მთელი თვის განმავლობაში ფონდის ფსიქოლოგმა 8 ჯგუფური და 5 ინდივიდუალური შეხვედრა ჩაატარა, რაშიც მონაწილეობა მიიღო 120 -მა ქალმა.

ბათუმში ჩატარებულ ამომრჩეველ ქალთა კლუბის შეხვედრაზე  ქრისტიან-დემოკრატიული მოძრაობის წარმომადგენელმა  - ნაზიბროლა ქობულაძემ, რომელიც ბათუმის საკრებულოში  ჯანდაცვისა და სოციალურ საკითხთა, განათლების, კულტურის სპორტის და ტურიზმის კომისიის წევრია ადგილობრივი ბიუჯეტის და სოციალური პროგრამების შესახებ ინფორმაცია წარმოადგინა.

მის მიერ წამოყენებული ინიციატივა - ბათუმში მცხოვრები ქალებისთვის უფასო მშობიარობის უზრუნველყოფა - ჯერჯერობით განხილვის პროცესშია, რათა მოხდეს ქალაქის ბიუჯეტთან შესაბამისობაში მოყვანა.

ბათუმის კლუბში შექმნილმა ადვოკატირების ჯგუფმა, საკრებულოს წევრს გააცნო კლუბზე განხილული პრობლემები, რომელთა შორისაა სატრანსპორტო შღავათები სტუდენტებისთვის და მოსწავლეებისთვის, სოციალურად დაუცველთა მონაცემთა ბაზის გადამოწმების აუცილებლობა, ქალაქის ბიუჯეტში სოციალური საკითხების მეტი გათვალისწინება.

„სწორედ ერთობლივი თანამშრომლობის საფუძველზე იქნება შესაძლებელი საზოგადოებისთვის მნიშვნელოვანი პრობლემების გადაჭრა" - განაცხადა ქ-მა ნაზიბროლამ.