ხონის ამომრჩეველ ქალთა კლუბის წევრებმა დევნილთა პრობლემების გადაჭრის გზები
დასახეს. პრობლემების მოგვარების მიზნით ისინი პრობლემების პაკეტის შემუშავებას და
ადგილობრივ თვითმმართველობასთან თანამშრომლობას გეგმავენ, რაშიც მათ ფონდი „სოხუმის" იურისტის მიერ
ადვოკატირებასა და ლობირებაზე მიწოდებული ინფორმაციები დაეხმარებათ.
ხონის სამხედრო დასახლებაში პრობლემები მართლაც რომ ბევრია: დღემდე ნომერ
პირველ პრობლემად რჩება უმუშევრობა, არასრულფასოვანი წყალმომარაგება ( წყალი
დევნილებს მხოლოდ ღამის საათებში მიეწოდებათ), გამწვანებას და გალამაზებას
საჭიროებს შემოგარენი, არანაირი სატრანსპორტო შეღავათები არ არსებობს სტუდენტებისათვის!
თუმცა, დევნილები იმასაც აღნიშნავენ, რომ წინა წლებთან შედარებით საცხოვრებელი
პირობები საგრძნობლად გაუუმჯობესდათ - დევნილთა მიმართ სახელმწიფო სტრატეგიის
თანახმად, ხონის სამხედრო დასახლებაში 17 ობიექტი გარემონტდა.
პროექტი ხორციელდება დემოკრატიის ნაციონალური ფონდის(ვაშინგტონი)
მიერ (NED)
