|
- აღტაცებული ვარ დღევანდელი შეხვედრით და დისკუსიით. კმაყოფილი ვარ, რომ
საშუალება მომეცა გულახდილად ვისაუბრო
ისეთ აქტუალურ საკითხებზე, როგორიცაა ოჯახური ძალადობისა თუ გენდერული
თანასწორობის თემა - ლელა ბჟალავა, ადვოკატი.
- მოხარული ვარ, რომ ვესწრები შეკრებას, სადაც აქტიური, საღად მოაზროვნე
ქალბატონებია გაერთიანებული. ეს გაერთიანება უსათუოდ გამოიღებს სასიკეთო შედეგს -
ირმა კახიძე, პოეტი, უსინათლოთა კავშირის წევრი.
- კმაყოფილი ვარ კლუბის მუშაობით. ვიმედოვნებ, აქ შეკრებილი ქალბატონები
შეძლებენ ქალთა უფლებების დაცვას და მათი
პრობლემების ადვოკატირებას - მანანა როყვა, მედდა.
- ასეთი შეფასებები ისმოდა ბათუმში გამართულ ამომრჩეველ ქალთა კლუბის შეხვედრაზე.
თებერვლიდან კლუბი განახლებული
შემადგენლობით შეუდგა მუშაობას (ძველ წევრებს ახლებიც დაემატნენ). მონაწილეები გაეცნენ კლუბის მუშაობას, წესდებას, სამუშაო
გეგმას.
ფონდის იურისტმა ისაუბრა ადვოკატირებასა ლობირებაზე. მონაწილეები მიიჩნევენ,
რომ ლობირება დაეხმარება მათ, წინ წამოსწიონ და უფრო აქტიურად იმუშაონ ქალთა
ინტერესების დასაცავად.
| 
