გაძვირებული მგზავრობის ღირებულება, მომატებული გადასახადები, მოუწესრიგებელი სატრანსპორტო მომსახურება - მძღოლების არაეთიკური და უხეში დამოკიდებულება მგზავრთა მიმართ, მოუწესრიგებელი შიდა გზები, მოსახლეობისათვის სოციალური დახმარების არასწორი გადანაწილება (სოციალურად დაუცველთა ერთიან პროგრამაში ხშირადარ ხვდებიან უკიდურესად გაჭირვებული ოჯახები) ეკოლოგიური პრობლემები, დაუსაქმებელი ადამიანები და ოჯახური ძალადობა - ბათუმის ამომრჩეველ ქალთა კლუბზე სწორედ ეს პრობლემები გამოიკვეთა. აღნიშნული პრობლემების გადაჭრის მიზნით კლუბის წევრებმა გარკვეული რეკომენდაციებიც კი შეიმუშავეს - მოხდეს სოციალურად დაუცველი ოჯახების ხელახალი გადამოწმება, გამოიყოს ადგილობრივი თვითმმართველობის ბიუჯეტში თანხები და შემცირდეს გადასახადები, დროულად შეკეთდეს შიდა მოუწესრიგებელი გზები, გამოიყოს სპეციალური ტრანსპორტი მოსწავლეებისათვის.
პრობლემის ადვოკატირებისათვის ხუთკაციანი ჯგუფი შეიქმნა. მომავალ შეხვედრაზე კლუბის წევრები ახლომდებარე სოფლების გამგებლების, ბათუმისა და ქობულეთის საკრებულოს წევრების, ჟურნალისტების მოწვევას გეგმავენ - სწორედ მათი ჩართვით და მხარდაჭერით აპირებენ კლუბის წევრები პრობლემების ადვოკატირებას.
პროექტი ხორციელდება დემოკრატიის ნაციონალური ფონდის(ვაშინგტონი) მიერ (NED)
